டால்பின் குறித்த தகவல்கள்!

**சிவா** · **சிவா** Wed May 16, 2012 12:14 pm

* டால்பின்கள், பாலூட்டி வகையை சார்ந்தவை. அவை சமுதாயமாக வாழும் தன்மை கொண்டவை. உணவைப் பெறுவதிலும், குட்டிகளைப் பராமரிப்பதிலும் அவை ஒன்றுக்கொன்று கூட்டாக செயல்படும்.

* 37 வகை டால்பின்கள் இருக்கின்றன. இவற்றில் 32 வகை டால்பின்கள் கடலில் வாழ்கின்றன. 5 டால்பின் இனங்கள் ஏரிகளில் காணப்படுகின்றன.

* டால்பின்கள் கடல் மட்டத்தில் இருந்து 260 மீட்டர் ஆழம் வரை வாழும் தன்மை பெற்றவை. அவை சுவாசிப்பதற்காக அடிக்கடி கடல்மட்டத்திற்கு வந்து `டைவ்' அடித்துவிட்டுச் செல்லும். ஆபத்து சமயங்களில் 15 நிமிடம் வரை தண்ணீரில் மூழ்கியிருக்கும்.

* டால்பின்கள் `எகோலொகேசன்' எனும் முறையில் எதிரொலி முறைப்படி உணவு தேடல் மற்றும் இடப்பெயர்ச்சியை மேற்கொள்கிறது.

* `கில்லர் வேல்' என்று அழைக்கப்படும் ஆர்கா டால்பின்களே, டால்பின் இனத்தில் மிகப் பெரியவையாகும். இவை 6.1 மீட்டர் நீளம் வரை வளரக்கூடியவை.

* `பட்டன்நோஸ்' வகை டால்பின்கள் மிகவும் பிரபலம். டி.வி. சீரியல், திரைப்படங்கள், உயிரின கண்காட்சிகளில் அதிகமாக தோன்றும் துறுதுறு டால்பின்கள் இவைதான். மனிதர்களுடன் பழகும். பலவித ஒலியெழுப்பி மற்ற டால்பினுடன் தொடர்பு கொள்ளும். இதன் `விசில்' சைகை பிரபலமாகும்.

* டால்பின்கள் வெப்ப ரத்தப் பிராணியாகும். இதன் உடல் வெப்பநிலை 36 டிகிரி செல்சியஸ் ஆகும். தோலின் அடியில் உள்ள பிளப்பர் என்னும் கொழுப்பு அடுக்கு, அதன் உடல் வெப்பநிலையை கட்டுக்குள் வைக்கிறது.

* டால்பின்கள் மணிக்கு 5 முதல் 12 கிலோமீட்டர் தூரம் நீந்தக் கூடியது. இவற்றின் வேகம் அதன் வகைகள் மற்றும் சூழலுக்கேற்ப மாறும். அதிகபட்சமாக மணிக்கு 32 கிலோமீட்டர் வேகத்தில் நீந்தும் டால்பின்களும் இருக்கின்றன.

**உமா** · **உமா** Wed May 16, 2012 12:17 pm

நன்றி அண்ணா.

இந்த பதிவைத் துவங்கியவர் நன்றி கூறியுள்ளார் உமா

டால்பின் குறித்த தகவல்கள்!

டால்பின் குறித்த தகவல்கள்!

Re: டால்பின் குறித்த தகவல்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக