சிங்கபூர் ஹாங்காங் மாதிரி போக்குவரத்து திட்டம் ஆய்வு செய்ய சியுஎம்டிஎ முடிவு

சிங்கப்பூர், ஹாங்காங் நரகங்களில் உள்ளது போன்ற போக்குவரத்து வசதிகளை, சென்னையில் செயல்படுத்த முடிவு செய்யப்பட்டுள்ளது. இதற்காக, தமிழக போக்குவரத்து அதிகாரிகளை, இந்நகரங்களுக்கு அனுப்ப, சி.யு.எம்.டி.ஏ., முடிவு செய்துள்ளது.

வரைவு விதிமுறை: சென்னையில், போக்குவரத்துத் திட்டங்களை ஒருங்கிணைப்பதுடன், ஒரே பயணச் சீட்டில், அனைத்து வசதிகளையும் பயன்படுத்தும் வகையில் திட்டங்களை உருவாக்க, ஒருங்கிணைந்த பெருநகரப் போக்குவரத்துக் குழுமம் (சி.யு.எம்.டி.ஏ.,) ஏற்படுத்தப்பட்டது.

போக்குவரத்துத் திட்டங்களை ஒருங்கிணைத்து மேற்கொள்வதற்கான வரைவு விதிமுறைகள், இறுதி செய்யப்பட்டு வருகின்றன. இது தொடர்பாக, போக்குவரத்துத் துறை உயர் அதிகாரி ஒருவர் கூறியதாவது:

சென்னையில், இனி வருங்காலங்களில் நிறைவேற்றப்பட உள்ள போக்குவரத்து தொடர்பான திட்டங்களை, நெறிப்படுத்தும் அதிகாரம் சி.யு.எம்.டி.ஏ.,வுக்கு அளிக்கப்பட்டுள்ளது. இதன்படி, எதிர்காலத்தில், போக்குவரத்து தொடர்பான திட்டங்களை செயல்படுத்தும்போது, அதில் எத்தகைய வசதிகள் இடம்பெற வேண்டும்; எத்தகைய திட்டங்களுக்கு முன்னுரிமை வேண்டும் போன்றவற்றை உள்ளடக்கியதாக, இப்புதிய வரைவு விதிமுறைகள் உருவாக்கப்பட்டுள்ளன. இவ்வாறு அவர் கூறினார்.

லண்டன் மாதிரி: மத்திய அரசு நிறைவேற்றியுள்ள ஒருங்கிணைந்த போக்குவரத்துக் குழும சட்டத்தின் அடிப்படையில் மட்டுமல்லாது, ஹைதராபாத், பெங்களூரு நகரங்களில், இது தொடர்பாக நிறைவேற்றப்பட்ட சட்டங்கள், லண்டன், நியூயார்க், சிங்கப்பூர் ஆகிய இடங்களில் கடைபிடிக்கப்படும் விதிமுறைகள் ஆய்வு செய்யப்பட்டன. இவன்றின் அடிப்படையில், சென்னைக்கான போக்குவரத்து ஒருங்கிணைப்பு விதிமுறைகள் உருவாக்கப்பட்டுள்ளன.

வெளிநாடு பயணம்: இது தொடர்பாக, சி.யு.எம்.டி.ஏ., உறுப்பினர் ஒருவர் கூறியதாவது: முதல் கூட்டத்தில் நிறைவேற்றப்பட்ட தீர்மானத்தின் அடிப்படையில், சென்னையில், போக்குவரத்து திட்டங்களை நிறைவேற்றும் முக்கிய துறைகளின் அதிகாரிகள் குழுவை, சிங்கப்பூர் மற்றும் ஹாங்காங்குக்கு அனுப்பி, அங்கு நடைமுறையில் உள்ள திட்டங்கள் குறித்தும், அவை நிறைவேற்றப்பட்ட விதங்கள் குறித்தும் ஆய்வு செய்யப்படும். அந்தந்த துறை தலைமை அதிகாரிகள் மூலம், இதற்கான நபர்கள் தேர்வு செய்யப்பட்டு, அரசின் அனுமதி பெறப்பட்ட பின், இக்குழுவின் வெளிநாட்டு பயணம் இறுதி செய்யப்படும். அடுத்த சில மாதங்களுக்குள், இதற்கான நிர்வாக நடவடிக்கைகள் முடிக்கப்படும். இவ்வாறு அந்த அதிகாரி கூறினார்.

நன்றி:- தினமலர்

ரசித்த கமென்ட் :- madurai virumaandi - san jose, ca,யூ.எஸ்.ஏ 2012-05-19 03:59:56 IST

அரசு செலவில் "குருவி"கள்... இவனுங்க போயி ரோடு ஜொலிக்கப் போகுதா, இல்லை இவங்க வீட்டுக்காரம்மா கழுத்து ஜொலிக்கப் போகுதா ?? சிங்கப்பூர், ஹாங்காங் மாதிரி நம்ம ஊர் வரணுமுன்னா அவங்க ஊர் அரசாங்கம் மாதிரி நம்ம அரசாங்கம் சுத்தமா மாறணும், அந்த ஊர் அரசாங்க அதிகாரி மாதிரி இந்த ஊர் அரசு அதிகாரி லஞ்ச லாவண்யம் செய்யாதவனா மாறணும், அந்த ஊர் சட்டம் மாதிரி நம்ம ஊர் சட்டமும் கோர்ட்டும் காவல்துறையும் மாறணும் .... இதெல்லாம் நடக்க நம்ம ஊர் கூமுட்டை ஜனங்க அந்த ஊர் ஜனங்க மாதிரி பொருப்புள்ளவங்களா மாறணும்.. இந்த குருவிங்க உயர பறந்தாலும் பருந்து ஆக முடியாது... மாறணும்.. இவனுங்க போற செலவிலே ஒரு தெருவுக்கு நல்லா தார் ரோடு போட்டா பிரயோஜனமா இருக்கும்..

விருமாண்டி நம்ம மனசில இருக்கறத சொல்லிட்டாரு பாலா.

அதே அதே சபாபதே இவனுங்க வெளிநாட்டுக்கு டூரடிக்க இப்படி ஒரு காரணம் வேற

அம்மாக்கு புடிச்சத வாங்கிட்டு வந்து - காலில் விழுந்து கும்பிட்டு - ஆளுக்கு ரெண்டு காண்டிராக்ட்டை அள்ளிட்டு போயிடுவானுங்க இவனுங்க.

அப்போ சின்னமாவுக்கு அஸ்க்கு லஸ்காவா

அந்த ஆளுங்களே சின்னம்மாவோட ரெகமேண்டேஷன்ல தான் சுற்றுலாவுக்கு அனுமதி வாங்கிருப்பானுங்க.

நடப்பது நாட்டுக்கு நல்லதாகவே நடக்கட்டும் என பிராா்த்திக்கிறேன்.

சார்லஸ் mc wrote:நடப்பது நாட்டுக்கு நல்லதாகவே நடக்கட்டும் என பிரார்த்திக்கிறேன்.

சார்லஸ் mc wrote:நடப்பது நாட்டுக்கு நல்லதாகவே நடக்கட்டும் என பிராத்திக்கிறேன்.

நாடு வேற நாமவேறையா சார்