அஸ்லான் ஷா ஹாக்கி தொடரிலிருந்து வெளியேறியது இந்தியா

**ரா.ரமேஷ்குமார்** · 23/01/2011

கோலாலம்பூர்,மே.31-

அஸ்லான் ஷா ஹாக்கி தொடரிலிருந்து வெளியேறியது இந்தியா 9afa8e85-edf5-4390-b5e8-378a3d029757_S_secvpf

அஸ்லான் ஷா ஹாக்கிப் போட்டியின் 5-வது லீக் ஆட்டத்தில் வெற்றி பெற்றால்
மட்டுமே இறுதிச்சுற்று வாய்ப்பை தக்கவைத்துக் கொள்ள முடியும் என்ற
இக்கட்டான சூழலில் இந்தியாவும், அர்ஜென்டினாவும் நேற்று மோதின. இந்த
ஆட்டத்தில் அர்ஜென்டினாவிடம் 3-2 என்ற கோல் கணக்கில் தோற்றதுடன்,
தொடரிலிருந்தும் வெளியேறியது இந்திய அணி.

அர்ஜென்டினா அணி 37, 38 மற்றும் 58-வது நிமிடங்களில் கோல் அடித்தது.
இந்தியத் தரப்பில் சர்தார் சிங் 48-வது நிமிடத்திலும், ரகுநாத் 61-வது
நிமிடத்திலும் கோல் அடித்தனர். இந்திய அணியின் மிக மோசமான தடுப்பாட்டத்தால்
அர்ஜென்டினா வீரர்கள் எளிதாகக் கோல் அடித்தனர். அதுமட்டுமின்றி
ஆரம்பத்தில் கிடைத்த நல்ல வாய்ப்புகளை கோலாக மாற்ற இந்திய வீரர்கள்
தவறினர்.

இதுவரை 5 ஆட்டங்களில் விளையாடியுள்ள இந்திய அணி 2-ல் வெற்றி கண்டு 6
புள்ளிகளைப் பெற்றுள்ளது. இன்று நடைபெறும் கடைசி லீக் ஆட்டத்தில் இந்திய
அணி பாகிஸ்தானை சந்திக்கிறது. இந்த ஆட்டத்தில் இந்தியா வெற்றி பெற்றாலும்
பலனில்லை.

ஒலிம்பிக் போட்டிக்கு இன்னும் சில நாள்களே உள்ள நிலையில், அஸ்லான் ஷா
ஹாக்கிப் போட்டியில் 5 முறை சாம்பியனான இந்திய அணி, இப்போது மோசமான தோல்வி
கண்டிருப்பது ரசிகர்களைக் கவலையடையச் செய்துள்ளது.

-மாலை மலர்