சாதனை தமிழன்

சாதனை தமிழன்!

ஆண்டுதோறும், சிறந்த 10 பேருக்கு, "கூகுள்' நிறுவனம் வழங்கும், உதவித் தொகைக்கு தேர்வாகியுள்ள தஞ்சையைச் சேர்ந்த செல்வக்குமார்: எனக்கு ஒரு வயதாக இருக்கும் போது, போலியோ பாதிப்பால், இரு கால்களும் பாதிக்கப்பட்டன.

அதனால், நடக்க முடியாமல் சக்கர நாற்காலியிலோ அல்லது தவழ்ந்தோ தான், எங்குமே செல்ல வேண்டும்.இருந்தாலும், என் அப்பா ராமச்சந்திரனும், அம்மா ஜோதியும் மனம் தளராமல் நம்பிக்கையுடன், என்னை பள்ளியில் சேர்த்து, படிக்க வைத்தனர்.

அவர்களின் ஊக்கத்தால் தான், இன்று வரை என்னால் தொடர்ந்து படிக்க முடிகிறது. என் வெற்றிகளுக்கான ஒவ்வொரு விதைகளும், என் பெற்றோர் இட்டது தான்.நடுத்தரக் குடும்பத்தைச் சேர்ந்த நான், வங்கியில் கடன் வாங்கித் தான் இளங்கலை பொறியியல் படிப்பை முடித்தேன்.

அந்தக் கடனை, ஏழு ஆண்டுகள் வேலை பார்த்து அடைத்தேன்.பள்ளி நாட்களிலேயே வெளிநாட்டில், குறிப்பாக, ஐரோப்பாவில் மேற்படிப்பு படிக்க வேண்டும் என்ற ஆசை இருந்தது. அதன் முதல் படியாக, ஸ்வீடனில் முதுகலைப் பட்டம் முடித்தேன். இத்தாலியில் தற்போது, ஆராய்ச்சிப் படிப்பு படிக்கிறேன்.

"கூகுள்' நடத்திய போட்டியில் பங்கேற்று, நான் அனுப்பிய மென்பொருள் திட்டத்திற்கான வரைவு ஒன்று தான், எனக்கு இந்த கவுரவத்தைப் பெற்றுத் தந்துள்ளது."கினெக்ட்' என்ற கையசைவுகளின் வழியாக, கணினியில், விளையாட்டுகளை விளையாடும் ஒரு, "ஹார்டுவேர்' பற்றிய வரைவுத் திட்டத்தை சமர்ப்பித்தேன்.இதன் மூலம், மாற்றுத் திறனாளிகள் வெறும் கையசைவை வைத்து, "கூகுள்' வரைபடங்களில் எளிமையாக தேடலாம். அதோடு, சுற்றுலா பற்றியும் கொடுத்திருந்தேன்.

என் திட்டமும், ஆராய்ச்சிக் கட்டுரைகளும், அவர்களைக் கவர்ந்ததால், போட்டிக் குழுவினர் என்னைத் தேர்ந்தெடுத்தனர்.நான் ஸ்வீடனில் மேற்படிப்பு படித்துக் கொண்டிருந்த போது, ஏற்கனவே ஒரு முறை இந்தப் போட்டிக்காக விண்ணப்பித்திருந்தேன். அப்போது என் விண்ணப்பம் தேர்வு செய்யப்படவில்லை. ஆனாலும், மனம் தளராமல், நம்பிக்கையுடன் முயற்சித்தேன்; வென்றேன். — வினையூக்கி

சாதனை படைத்த செல்வகுமாருக்கு வாழ்த்துகள்.

பகிர்வுக்கு நன்றி செந்தில்.

வாழ்த்துக்கள் செல்வகுமார்

சாதனை படைத்த செல்வகுமாருக்கு வாழ்த்துகள்