அதிகம் பார்க்கப்பட்ட இணைய தளங்கள்!!

**அருண்** · **அருண்** Mon 3 Sep 2012 - 16:00

இந்தியாவில் இணைய பயன்பாட்டினை ஆய்வு செய்து வரும் காம் ஸ்கோர் நிறுவனம், அண்மையில் சமூக வலைத் தளங்கள் பயன்பாடு குறித்த முடிவுகளை அறிவித்துள்ளது. அதன்படி, இந்தியாவில் இணையம் பயன்படுத்தும் மொத்த நேரத்தில் நான்கில் ஒரு பங்கு நேரம் சமூக வலைத் தளங்களில் பயன்படுத்தப்படுவதாகக் கூறியுள்ளது.சென்ற ஜூன் மாதத்தில், இந்திய இணையத்தைப் பயன்படுத்தியவர்களில், 95% பேர் கூகுள் தளங்களைப் பயன்படுத்தி உள்ளனர். அடுத்த நிலையில், 25.2% பேர் சமூக வலைத் தளங்களில் தங்கள் அனுபவத்தைப் பகிர்ந்துள்ளனர். கூகுள் தளத்தைப் பயன்படுத்தியவர்கள் 5 கோடியே 78 லட்சம் பேர். இவர்கள் 15 வயதுக்கும் மேற்பட்டவர்கள். பேஸ்புக் தளத்தைக் கண்டவர்கள் எண்ணிக்கை 5 கோடியே 9 லட்சம் பேராவர். இது மொத்த இணையப் பயனாளர்களில் 83.4% பேராகும். அடுத்ததாக, யாஹூ தளத்தை 65.5% பேர் பயன்படுத்தி உள்ளனர். மைக்ரோசாப்ட் தளத்திற்கு 48.1% பேர் வருகை புரிந்துள்ளனர்.இந்த தளங்களுக்குச் சென்றவர்களில், அதிக நேரம் பயன்படுத்திய தளம் பேஸ்புக் தான். ஜூன் மாதத்தில், சராசரியாக நாளொன்றுக்கு 4 மணி நேரம் இந்த தளம் பயன்படுத்தப்பட்டுள்ளது. கூகுள் தளங்களில் இது 2.5 மணி நேரமாக இருந்துள்ளது. கூகுள் தளங்களில் அதிகம் பார்க்கப்பட்ட தளம் யு-ட்யூப் ஆகும்.மேலே தரப்பட்டுள்ள புள்ளி விபரங்களில், பொது இணைய மையங்கள், மொபைல் போன்கள் மற்றும் பி.டி.ஏ சாதனங்கள் வழியாக இணையம் சென்றவர்கள் கணக்கில் சேர்த்துக் கொள்ளப்படவில்லை.

கம்ப்யூட்டர் மலர்

**சிவா** · **சிவா** Mon 3 Sep 2012 - 16:42

இணையப் பயன்பாட்டாளர்கள் அனைவருமே பேஷ்புக் பயன்படுத்துகிறார்கள், அதுபோல் கூகிளையும் பயன்படுத்துகிறார்கள். ஆனால் கூகிளுக்கு பல முகங்கள், அனைத்துமே பயன்படக் கூடியவை! ஆனால் முகநூலுக்கு ஒரே முகம், அதுவும் கொடிய முகம்! விரைவில் அழிக்கப்பட வேண்டிய தளம் பேஷ்புக்!

**ராஜா** · **ராஜா** Mon 3 Sep 2012 - 17:05

சிவா wrote:இணையப் பயன்பாட்டாளர்கள் அனைவருமே பேஷ்புக் பயன்படுத்துகிறார்கள், அதுபோல் கூகிளையும் பயன்படுத்துகிறார்கள். ஆனால் கூகிளுக்கு பல முகங்கள், அனைத்துமே பயன்படக் கூடியவை! ஆனால் முகநூலுக்கு ஒரே முகம், அதுவும் கொடிய முகம்! விரைவில் அழிக்கப்பட வேண்டிய தளம் பேஷ்புக்!

உண்மை உண்மை ,

சசி குமார் · சசி குமார் Mon 3 Sep 2012 - 21:16

சிவா wrote:இணையப் பயன்பாட்டாளர்கள் அனைவருமே பேஷ்புக் பயன்படுத்துகிறார்கள், அதுபோல் கூகிளையும் பயன்படுத்துகிறார்கள். ஆனால் கூகிளுக்கு பல முகங்கள், அனைத்துமே பயன்படக் கூடியவை! ஆனால் முகநூலுக்கு ஒரே முகம், அதுவும் கொடிய முகம்! விரைவில் அழிக்கப்பட வேண்டிய தளம் பேஷ்புக்!