இஸ்லாமியர்களுக்கு எதிரான திரைப்படம்: ஏமனில் அமெரிக்க தூதரகம் மீது தாக்குதல்-வாகனங்களுக்கு தீ வைப்பு

அமெரிக்க நிறுவனம் தயாரித்து வெளியிட்ட திரைப்படம், நபிகள் நாயகத்தை அவமதிப்பதாக கூறி இஸ்லாமியர்கள் லிபியா, எகிப்து ஆகிய நாடுகளில் போராட்டத்தில் ஈடுபட்டு வருகின்றனர்.

லிபியாவில் உள்ள அமெரிக்க தூதரகத்தில் ராக்கெட் குண்டு வீசி தாக்குதல் நடத்தியதில், அமெரிக்க தூதர் உள்ளிட்ட 4 பேர் கொல்லப்பட்டனர். இந்நிலையில் ஏமன் நாட்டிலும் இஸ்லாமியர்கள் போராட்டத்தில் ஈடுபட்டனர். ஏராளமானோர் திரண்டு வந்து அமெரிக்க தூதரகத்தை முற்றுகையிட்டு தாக்குதல் நடத்தினர்.

வெளிப்புற சுவரில் உள்ள தூதரக போர்டை அகற்றினர். டயர்களை கொளுத்தி வீசினர். பின்னர் அமெரிக்க கொடியை கீழே இறக்கி தீயிட்டு கொளுத்தினர்.

ஏமன் பாதுகாப்பு படையினர் கண்ணீர் புகை குண்டுகளை வீசி போராட்டக்காரர்களை கலைத்தனர். இதனால் மேலும் ஆத்திரமடைந்த போராட்டக்காரர்கள், தூதரக வளாகத்தில் நிறுத்தப்பட்டிருந்த பல வாகனங்களுக்கு தீ வைத்தனர்.இதனால் அங்கு பதட்டம் ஏற்பட்டது.

இந்த தாக்குதலுக்கு அமெரிக்காவில் உள்ள ஏமன் தூதரகம் கண்டனம் தெரிவித்ததுடன், தங்கள் நாட்டில் உள்ள வெளிநாட்டு தூதரகங்களுக்கு பாதுகாப்பு அளிக்கப்படும் என்று உறுதி அளித்தது.

எகிப்து தலைநகர் கெய்ரோவில் அமெரிக்க தூதரகம் அருகில் 3-வது நாளாக இன்றும் போராட்டம் நீடித்தது. போராட்டக்காரர்கள் போலீசாருடன் மோதலில் ஈடுபட்டனர்.

லிபியாவில் தூதர் குண்டுவீசி கொலை: 2 அமெரிக்க போர் கப்பல்கள் லிபியா விரைந்தன

இஸ்ரேலை சேர்ந்த ஒருவர் தயாரித்துள்ள சினிமா படத்தில் முஸ்லிம்களை இழிவுபடுத்தும் காட்சிகள் இடம் பெற்றுள்ளதாக கூறி உலகம் முழுவதும் முஸ்லிம்கள் எதிர்ப்பு தெரிவித்து வருகின்றனர்.

இந்த நிலையில் லிபியா தலைநகரம் பென்காசியில் உள்ள அமெரிக்க தூதரகம் மீது தீவிரவாதிகள் நேற்று திடீர் தாக்குதல் நடத்தினார்கள். ராக்கெட் குண்டுகளை சரமாரியாக வீசினார்கள். இதில் அமெரிக்க தூதர் கிறிஸ்டோபர் ஸ்டீவன்ஸ் கொல்லப்பட்டார். மேலும் 3 அமெரிக்க தூதரக ஊழியர்களும் உயிரிழந்தனர்.

இந்த சம்பவத்துக்கு அமெரிக்க அதிபர் ஒபாமா கடும் கண்டனம் தெரிவித்துள்ளார். அவர் கூறியதாவது:-

தாக்குதல் சம்பவம் கடும் அதிர்ச்சியை ஏற்படுத்தி உள்ளது. நீண்டகாலமாகவே அமெரிக்காவுக்கு எதிராக பல அச்சுறுத்தல் உள்ளன. அதனால்தான் இதுபோன்ற தாக்குதல்கள் நடந்துள்ளது. இந்த தாக்குதல் சம்மந்தமாக உரிய விசாரணை நடத்தி நீதியை நிலைநாட்டுவோம்.

அமெரிக்கா ஒருபோதும் அரபு மக்களுக்கோ, லிபியாவில் புதிய அரசுக்கோ எதிரானது அல்ல என்பதை தெரிவித்துக் கொள்கிறோம்.

இவ்வாறு அவர் கூறினார்.

தூதரகம் தாக்கப்பட்டதையடுத்து உலக நாடுகளில் உள்ள அனைத்து அமெரிக்க தூதரகங்களிலும் பாதுகாப்பை பலப்படுத்தி உள்ளனர். லிபியாவில் உள்ள தூதரகம் தாக்கப்பட்டதை போல அரபு நாடுகளில் உள்ள தூதரகங்கள் தாக்கப்படலாம் என்று கருதி அமெரிக்க படைகள் உஷார் அடைந்து உள்ளன. ஏற்கனவே அரபு நாடுகளை சுற்றி 5 அமெரிக்க போர் கப்பல்கள் நிற்கின்றன.

லிபியாவில் நடந்த தாக்குதலையடுத்து மேலும் 2 விமானம் தாங்கி போர்க்கப்பல்கள் அனுப்பி உள்ளது. யு.எஸ்.எஸ். லபூன், யு.எஸ்.எஸ். மெக்பால் ஆகிய 2 கப்பல்கள் லிபியாவை நோக்கி சென்று கொண்டிருக்கின்றன. இரு கப்பல்களும் ஏவுகணைகளை வீசும் திறன் கொண்டதாகும். அவசர நிலை ஏற்பட்டால் அதற்கு பதிலடி கொடுக்கும் வகையில் இந்த கப்பல்களை அனுப்பி வைத்துள்ளது.

லிபியாவை நோக்கி அமெரிக்கா தனது கடற்படை கப்பல்களை முன்றை அனுப்பியுள்ளதாக இன்று செய்தியில் கேட்டேன். அடப்பாவிகளா! படம் போட்டு உசுப்பி விட்டு இன்னொரு போரை உருவாக்க பார்க்கிறார்களே!

சென்னையில் அமெரிக்க தூதரகத்தை முற்றுகையிட முயற்சி: 200 பேர் கைது

அமெரிக்கா வெளியிட்ட திரைப்படத்தில் இடம்பெற்றுள்ள சர்ச்சைக்குரிய காட்சிகளால் உலகம் முழுவதிலும் உள்ள இஸ்லாமியர்கள் போராட்டம் நடத்தி வருகின்றனர்.

லிபியாவில் நடந்த தாக்குதலில் அமெரிக்க தூதர் உள்ளிட்ட 4 பேர் கொல்லப்பட்டனர். இதேபோல் ஏமன் நாட்டில் அமெரிக்க தூதரம் சூறையாடப்பட்டு, வாகனங்கள் தீயிட்டு எரிக்கப்பட்டன. எகிப்திலும் இஸ்லாமியர்கள் போராட்டம் நடத்தி வருகின்றனர்.

இந்த போராட்டங்களையடுத்து அனைத்து நாடுகளிலும் உள்ள அமெரிக்க தூதரகங்களுக்கு கூடுதல் பாதுகாப்பு அளிக்கப்பட்டுள்ளது. இந்தியாவிலும் அமெரிக்க தூதரகங்களின் பாதுகாப்பு பலப்படுத்தப்பட்டுள்ளது.சென்னையில் உள்ள அமெரிக்க துணை தூதரகத்திலும் ஏராளமான போலீசார் குவிக்கப்பட்டுள்ளனர்.

இந்த நிலையில் சென்னையில் உள்ள அமெரிக்க துணை தூதரகத்தை முற்றுகையிடுவதற்காக, பாப்புலர் பிரண்ட்ஸ் ஆப் இண்டியா அமைப்பைச் சேர்ந்த சுமார் 200 பேர் பேரணியாக செல்வதற்காக திரண்டனர். புதுக்கல்லூரி அருகில் இருந்து ஊர்வலமாக புறப்பட்டபோது அவர்களை போலீசார் தடுத்து நிறுத்தி கைது செய்தனர்.

இது அமெரிக்காவின் அடுத்த திட்டம் போல தெரிகிறது !!!, ஆனால் எதற்கென்று தான் புரியவில்லை.

(கலவரம் லிபியாவில் ஆரம்பித்துள்ளதை பார்த்தால் அங்குள்ள அபரிதமான எண்ணைவளத்தை குறிவைத்து விட்டார்கள் என எண்ணுகிறேன். )

அமெரிக்காவில் திரை இடப்படும் படங்கள் மட்டும் எப்படி சென்சார் ஆவதில்லை?

வில்லங்கத்தை கிளப்பி அமைதியை குலைத்து நாட்டாமை செய்ய கிளம்பி மற்ற நாடுகளின் வளத்தை கொள்ளை அடிக்கும் மனப் போக்கு என்று மாறுமோ.

இந்த கிளம்பிருவானுங்க துப்பாக்கிய தூக்கி கிட்டு தீவீரவாதம் நு ...அப்புறம் ஹர்ட் லாக்கர் , கிரீன் ஜோன் மாதிரி படம் எடுத்து நாங்க அப்பாவின்னு சொல்வானுங்க

புரட்சி wrote:இந்த கிளம்பிருவானுங்க துப்பாக்கிய தூக்கி கிட்டு தீவீரவாதம் நு ...அப்புறம் ஹர்ட் லாக்கர் , கிரீன் ஜோன் மாதிரி படம் எடுத்து நாங்க அப்பாவின்னு சொல்வானுங்க

அதுக்கு ஆஸ்கர் விருதும் குடுத்துப்பானுங்க.

யினியவன் wrote:

புரட்சி wrote:இந்த கிளம்பிருவானுங்க துப்பாக்கிய தூக்கி கிட்டு தீவீரவாதம் நு ...அப்புறம் ஹர்ட் லாக்கர் , கிரீன் ஜோன் மாதிரி படம் எடுத்து நாங்க அப்பாவின்னு சொல்வானுங்க

அதுக்கு ஆஸ்கர் விருதும் குடுத்துப்பானுங்க.

அதே அதே அண்ணே