நில ஆக்கிரமிப்பு: மாஜி தி.மு.க. அமைச்சர் நேரு, தம்பியின் அரிசி ஆலை இடிப்பு

balakarthik · balakarthik Sun Oct 14, 2012 11:46 am

மாஜி தி.மு.க., அமைச்சர் நேருவின் தம்பி, அரசு புறம்ப‌ோக்கு நிலத்தை ஆக்கிரமித்து அரிசி ஆலை கட்டியிருந்ததாக எழுந்த புகாரை அடுத்து, ஆலையின் ஒருபகுதியை இடிக்கும் பணி நடந்து வருகிறது.

தி.மு.க. முன்னாள் அமைச்சர் கே.‌என். நேரு. இவரது தம்பி மணிகண்டன் என்பவருக்கு சொந்தமான அரிசி ஆலை, திருச்சி லால்குடி சாலையில் பூவாளூர் அருகே அரசு புறம்ப‌ோக்கு நிலத்தை ஆக்கிரமித்து ஆலை கட்டியிருப்பதாக புகார் எழுந்தது. இந்த ஆலைவளாகப்பகுதியில் மொத்தம் ஆயிரத்து 200 சதுர அடி புறம்போக்கு நிலம் ஆக்கிரமிக்கப்பட்டிருப்பதாக அலுவலர்கள் புகார் கூறினர். ஆனால் இதற்கு சமமான பட்டா நிலத்தைக் கொடுத்திருப்பதாக நேரு தரப்பில் கூறப்படுகிறது. ஆனால், இது இன்னமும் கலெக்டரின் பரிசீலனையிலேயே உள்ளது.

அலுவலர்களிடம் தி.மு.க.வினர் அடாவடி:

இதற்கிடையில் அலுவலர்கள் ஆலைக்குள் அத்துமீறி புகுந்ததாக, புகார் மனு கொடுக்கப்பட்டது. அதை வருவாய் அலுவலர்களும் போலீசாரும் ஏற்க மறுத்து விட்டனர். எனினும் அரிசி ஆலைக்காக சட்டவிரோதமாக அரசு நிலம் ஆக்கிரமிக்கப்பட்டது அதிகாரிகள் அளந்து பார்த்ததன் மூலம் தெரியவந்தது. இதயைடுத்து ஆக்கிரமிப்பு பகுதியை இடிக்க பொதுப்பணித்துறை நடவடிக்கை எடுத்தனர். இதனால் இந்த பகுதியில் ஏராளமான தி..மு.க.,வினரும் குவிந்ததால் பதட்ட நிலை நிலவியது.

இந்நிலையில் லால்குடி ஆர்.டி.ஓ., பார்த்திபன் தலைமையில் வருவாய் அலுவலர்கள் , ஆலைப்பகுதியில் உள்ள ஆக்கிரமிப்புகளை அகற்ற பொக்லைன் இயந்திரங்களை வரவழைத்து இடிக்கும் பணி துவங்கி‌யது. முன்னதாக அதிகாரிகள் மற்றும் போலீசார் ஆக்கிரமிக்கப்பட்ட அரசு நிலப்பகுதியை அளந்து பார்த்து பின்னர் இடிக்க தயாராகினர். அரிசி ஆலையின் மின்இணைப்பு துண்டிக்கப்பட்டது. இடிக்கும் பணியினை ஊழியர்கள் மேற்கொண்டனர். இதனை கேள்விப்பட்ட 700-க்கும் மேற்பட்ட தி.மு.க.வினர் அங்கு குவிந்தனர். இவர்கள் அதிகாரிகளிடம் வாக்குவாதத்தில் ஈடுபட்டு தகராறு செய்து இடிக்கவிடாமல் செய்தனர். இதனால் அப்பகுதியில் பரபரப்பும் , பதட்டமும் நிலவுகிறது. தற்போது போலீஸ் உயரதிகாரிகள் தலைமையில் ‌கூடுதல் போலீசாரும் வரவழைக்கப்பட்டுள்ளனர். இடிக்கும் பணி நடந்து வருகிறது.

நன்றி :- தினமலர்

யினியவன் · யினியவன் Sun Oct 14, 2012 12:06 pm

மீண்டும் கட்டும் பனி எப்ப தொடங்கும்?

இந்தக் கூத்து தான் அஞ்சு வருஷத்துக்கு ஒரு முறை பார்க்கிறோமே!!!

நில ஆக்கிரமிப்பு: மாஜி தி.மு.க. அமைச்சர் நேரு, தம்பியின் அரிசி ஆலை இடிப்பு

நில ஆக்கிரமிப்பு: மாஜி தி.மு.க. அமைச்சர் நேரு, தம்பியின் அரிசி ஆலை இடிப்பு

Re: நில ஆக்கிரமிப்பு: மாஜி தி.மு.க. அமைச்சர் நேரு, தம்பியின் அரிசி ஆலை இடிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக