மாமூல் வாங்க கூடாது

DERAR BABU · DERAR BABU Thu Nov 22, 2012 3:11 pm

மாமூல் வாங்க கூடாது என்ற வார்த்தையை கரும்பு வெட்டும் உத்தரவில் இருந்து நீக்க கோரி கரும்பு லோடுகளை இறக்காமல் லாரி-டிராக்டர் டிரைவர்கள் போராட்டம் செய்தனர்.

இந்த கரும்புகளை இறக்காமல் லாரி, மற்றும் டிராக்டர்களின் டிரைவர்கள் திடீர் போராட்டம் செய்தனர். இதுகுறித்து அவர்களிடம் கேட்ட போது, கரும்பு வெட்டும் உத்தரவில் மாமூல் வாங்குவதும் குற்றம், கொடுப்பதும் குற்றம் என்று ஆலை நிர்வாகம் சார்பில் அச்சிடப்பட்டுள்ளது.

எனவே அந்த வாசகத்தை நீக்கினால் தான் கரும்பு லோடுகளை இறக்குவோம் என்றனர். ஆலை நிர்வாகத்தின் சார்பில் கரும்பு வெட்டி கொண்டு வரும் வாகனங்கள் டெண்டர் முறையில் தேர்வு செய்யப்படும். எனவே அவர்கள் கரும்பு தோட்ட விவசாயிகளிடம் பணம் ஏதும் பெறக்கூடாது என்பது நிபந்தனை.

ஆனால் இந்த லாரிகள், மற்றும் டிராக்டர் டிரைவர்கள் ரூ. 250 முதல் ரூ. 1000 வரை விவசாயிகளிடம் பணம் வசூலித்து வருகிறார்கள். இதை தடுக்கவே சர்க்கரை ஆலை நிர் வாகம் கரும்பு வெட்டும் உத்தரவில் இந்த வாசகத்தை குறிப்பிட்டுள்ளது. இதனால் அனைத்து வாகனங்களும் ஆலையில் கரும்புகளை இறக்காமல் நிறுத்தி வைத்துள்ளது. மாலைமலர் .