கறுப்பு பணம்-இனி எங்கே??

**சிவா** · **சிவா** Thu 22 Nov 2012 - 18:23

கறுப்புபண கோரிக்கை சத்தமாக எழுப்பப்பட்டு மூன்று ஆண்டுகள் ஆகிவிட்டன. இந்நேரம் சுவிஸ் வங்கி பணத்தை க.ப.முதலைகள் பத்திரமாக மாற்றி இருப்பார்கள். இனி சுவிஸ்வங்கி அறிக்கை, ஏட்டு சுரைக்காய் போலத்தான் இருக்கும்.

இந்த மூன்று ஆண்டுகளில் உயர்ந்த ரியல் எஸ்டேட் விலையும், மொரிசியஸ் வழியாக இந்தியாவுக்குள் வந்திருக்கும் அந்நிய முதலீடுகளும், பல இடங்களில் வாரி இரைக்கபட்டிருக்கும் செல்வமும் சாட்சி.

ரியல் எஸ்டேட்டில் கணக்கில் வரா பணபுழக்கம் அதிகம் என்பது அனைவரும் அறிந்ததே..! அமெரிக்க, ஐரோப்பிய நாடுகளை விட அதிக முதலீடு செய்யும் அளவிற்கு மொரிசியஸ் பணக்கார நாடும் இல்லை, இந்தியா உலகிலேயே சிறந்த சந்தயுமில்லை.

இனி கறுப்புபணத்தை (சுவிஸ் வங்கி மட்டும் இன்றி) ரியல் எஸ்டேட் முதலாளிகளையும், அந்நிய முதலீடுகளையும், பெருவணிக முதலாளிகளையும் கிளருவதன் மூலமே வெளிக்கொணர முடியும்.

கட்டுமான பொருட்கள் மற்றும் நில விலைகளை கட்டுக்குள் கொண்டுவருதல் மத்திய தர குடும்பங்களுக்கு செய்யும் பேருதவியாய் இருக்கும். பாவம் மக்கள், ஒரு வீடு கட்ட வாழ்க்கை முழுதும் உழைக்கிறார்கள்..!!