உள்ளூர் மீன்களுக்கு உலை வைக்கும், "ஆப்பிரிக்கன் கெளுத்தி'

கோவை: கோவை மாவட்டத்தில் சில பண்ணைகளில் தடை செய்யப்பட்ட ஆப்பிரிக்கன் கெளுத்தி மீன்கள் அதிகளவில் வளர்க்கப்படுவதால், உள்ளூர் மீன் இனங்கள் அழியும் நிலை உள்ளது. கெளுத்தி மீன் ஒழிப்பு நடவடிக்கையை மாவட்ட நிர்வாகம் முடுக்கிவிட்டுள்ளது."ஆப்பிரிக்கன் கேட்பிஷ்' எனப்படும் கெளுத்தி மீன்கள் வளர்ப்பதற்கு மத்திய அரசு தடை விதித்துள்ளது. கடந்த 2000ம் ஆண்டு, கேரள ஐகோர்ட் பிறப்பித்துள்ள உத்தரவின் அடிப்படையில், "அரிய வகை உயிரினங்களுக்கான தேசிய கமிட்டி' பரிந்துரை செய்து, ஆப்பிரிக்கன் கெளுத்தி மீன் வளர்ப்பதும் விற்பனை செய்வதும், நாடு முழுவதும் தடை செய்யப்பட்டுள்ளது.முழுக்க முழுக்க மாமிசத்தை மட்டுமே உணவாக உட்கொள்ளும் கெளுத்தி மீன்களால், மற்ற வகை மீன் இனங்கள் அழிந்து வருகின்றன. குறிப்பாக, இவை வளர்க்கப்படும் இடங்களில் அரிய வகை உள்ளூர் மீன்களின் இனமே அழிந்துவிடும் அபாயம் உள்ளது. பண்ணைகளில் வளர்க்கப்படும் கெளுத்தி மீன்கள் மழைக்காலங்களில் தண்ணீர் வழியாக வெளியேறி, குளங்கள், குட்டைகள், ஆறுகள், ஓடைகளில் குடியேறி, அங்கு வளரும் உள்ளூர் மீன்களை "கபளீகரம்' செய்து விடுகின்றன.

பல ஆண்டுகளாக தடை அமலில் இருந்தும், கோவை மாவட்டத்தில் உள்ள மீன் பண்ணைகளில் இவை சட்ட விரோதமாக வளர்க்கப்பட்டு வருகின்றன. சமீபத்தில், தொண்டாமுத்தூர் பகுதிகளில் உள்ள பண்ணைகளில் வருவாய்த்துறை, மீன்வளத்துறை மற்றும் போலீஸ் அதிகாரிகள் ஆய்வு நடத்தி, மூன்று பண்ணைகளில் கெளுத்தி மீன் வளர்ப்பது கண்டுபிடிக்கப்பட்டது. இந்த பண்ணைகளில் உள்ள ஐந்து குட்டைகளில் இருந்து நீர்வெளியேற்றப்பட்டு, மீன்கள் அப்புறப்படுத்தப்பட்டன.

இதேபோல், கடந்த ஆண்டு குனியமுத்தூர் பகுதிகளில் சில மீன் பண்ணைகளிலும் , ரெய்டு நடத்தப்பட்டு, கெளுத்தி மீன்கள் அழிக்கப்பட்டன.

கெளுத்தி மீன் பண்ணைகளுக்கு எதிராக, அவ்வப்போது நடவடிக்கை எடுக்கப்பட்டாலும், தற்போது பல பண்ணைகளிலும் இவ்வகை மீன்கள் தாராளமாக வளர்க்கப்படுகின்றன.

இதற்கு காரணம், இந்த மீன்கள் குறுகிய காலத்தில் அபரிமித வளர்ச்சி அடைகின்றன; குறைந்த விலைக்கு கிடைப்பதால் உள்ளூர் சந்தைகளில் இவ்வகை மீன்களுக்கு அதிக கிராக்கி உள்ளது.

மீன் வளத்துறை அதிகாரிகள் கூறுகையில், "சாதாரணமாக 0.05 கிராம் எடை கொண்ட குஞ்சு மீன் 12 வாரங்களில் 200 கிராம் எடையை அடைகிறது. ஆண்டுக்கு நான்கு முறை மீன்கள், நன்கு வளர்ந்து விற்பனைக்கு தயாராகின்றன. ஆனால், உள்ளூர் வகை மீன்கள் ஆண்டுக்கு ஒன்றோ, இரண்டோ முறை தான் வளர்ச்சி நிலை அடையும். இதனால், கெளுத்தி மீன்களை சட்டவிரோதமாக வளர்த்து வருகின்றனர்.

இந்த மீன்களை வளர்க்கும்போது, குட்டைகளை நன்கு பராமரிக்க வேண்டும் என்ற அவசியம் இல்லை. அடிக்கடி தண்ணீர் மாற்ற வேண்டியதில்லை. எத்தகைய சூழலிலும் வளரும் தன்மை கொண்டது. கோழிக்கழிவு, மாமிச உணவுகள் போன்றவற்றை அளித்தாலே நன்கு வளர்ந்துவிடும். ஆனால், நமது நாட்டு மீனினம் எதுவும் அருகில் வாழ முடியாது' என்றனர்.

தெருநாய்கள் மாயமான ரகசியம்

உள்ளூரில் "மொய்மீன்' என அழைக்கப்படும் இந்த மீன்களால், பொதுமக்களுக்கு உடல்நல பிரச்னைகள் ஏற்படும் அபாயமும் உள்ளது. நன்கு வேக வைத்து சமைக்காவிட்டால், நோய் தொற்றும் வாய்ப்பு உள்ளது. காரணம், இறந்த விலங்குகளின் உணவுகள், கோழிக்கழிவுகள், தெருநாய்கள் போன்றவை கூட இந்த மீன்களுக்கு உணவாக வழங்கப்படுகிறது.

கடந்த சில ஆண்டுகளுக்கு முன்பு, கோவை புறநகர் பகுதியில் குறிப்பிட்ட சில இடங்களில் திடீர், திடீரென தெருநாய்கள் காணாமல் போய்விடுவதாக பொதுமக்களிடம் இருந்து புகார்கள் வந்தன. பின், போலீசார் நடத்திய ஆய்வில், உண்மை நிலை வெளிச்சத்துக்கு வந்தது. கெளுத்தி மீன் வளர்ப்பு பண்ணைகளில் தெருநாய்களின் எலும்பு மற்றும் உடல் பாகங்கள் இருப்பது, கண்டுபிடிக்கப்பட்டது.

தினமலர்

தெருநாய்கள் மாயமான ரகசியம்

உள்ளூரில் "மொய்மீன்' என அழைக்கப்படும் இந்த மீன்களால், பொதுமக்களுக்கு உடல்நல பிரச்னைகள் ஏற்படும் அபாயமும் உள்ளது. நன்கு வேக வைத்து சமைக்காவிட்டால், நோய் தொற்றும் வாய்ப்பு உள்ளது. காரணம், இறந்த விலங்குகளின் உணவுகள், கோழிக்கழிவுகள், தெருநாய்கள் போன்றவை கூட இந்த மீன்களுக்கு உணவாக வழங்கப்படுகிறது.

இதற்கு அதிகமாக போடப்படும் உணவு இறந்த கோழி இறைச்சி தான் , கறிகடைகளில் கழிக்கப்படும் இறைச்சியை தான் கொட்டுவார்கள் ......
இது வழக்கமா நடந்து கொண்டு தான் உள்ளது ....

மக்கள் சைவத்துக்கு மாறுவது ரொம்ப நல்லது .