குப்பை லாரியின் சக்கரம் ஏறி சிறுமி பலி; டிரைவர் கைது

எம்.கே.பி. நகரில் குப்பை லாரியின் சக்கரம் ஏறி இறங்கியதால் தந்தை கண் எதிரே 8 வயது சிறுமி பலியானார். இதை கண்டித்து பொதுமக்கள் சாலை மறியலில் ஈடுபட்டனர்.

;-(
இது தொடர்பாக குப்பை லாரியின் டிரைவரை போலீசார் கைது செய்தனர்.
கொடுங்கையூர் கண்ணதாசன் நகர் அபிராமி அவென்யூவை சேர்ந்தவர் நாகலிங்கம். இவருடைய மனைவி அடுக்குமல்லி. இவர்களுக்கு விஷாலி (வயது 8) என்ற மகள் இருந்தாள். இவள், யானைகவுனியில் உள்ள ஒரு தனியார் பள்ளியில் 3-ம் வகுப்பு படித்து வந்தாள்.

;-(
இதற்காக விஷாலி தினமும் காலையில் தனது தந்தை நாகலிங்கத்துடன் மோட்டார் சைக்கிளில் பள்ளிக்கு செல்வது வழக்கம். வழக்கம் போல் நேற்று காலை 8.30 மணியளவில் விஷாலி, தனது தந்தையுடன் மோட்டார் சைக்கிளில் பள்ளிக்கு புறப்பட்டு சென்றாள்.
தந்தையும்-மகளும் மோட்டார் சைக்கிளில் எம்.கே.பி. நகர் மேம்பாலம் இறக்கத்தில் சென்று கொண்டிருந்தனர்.

;-(
அப்போது இடது பக்கத்தில் இருந்து வேகமாக குப்பை லாரிவந்தது. இதை பார்த்த நாகலிங்கம், சடன்பிரேக் போட்டு மோட்டார் சைக்கிளை நிறுத்தினார். அவர் பிரேக் போட்டு நிறுத்திய இடத்தில் வேகத்தடை இருந்ததால் நாகலிங்கம் நிலை தடுமாறி இடது புறமாக கீழே விழுந்தார்.
மோட்டார் சைக்கிளின் முன்புறம் அமர்ந்து இருந்த சிறுமி விஷாலி, வலது புறமாக மெயின் ரோட்டில் விழுந்தாள். அப்போது அந்த பக்கமாக வந்த குப்பை லாரியின் பின்பக்க சக்கரம் விஷாலி மீது ஏறி இறங்கியது. இதில் ரத்த வெள்ளத்தில் சிறுமி தலை நசுங்கி பலியானாள்.

;-(
தனது கண் எதிரிலேயே ரத்த வெள்ளத்தில் சாலையில் கிடந்த மகளை தூக்கிக்கொண்டுஆட்டோவில் ஸ்டான்லி மருத்துவமனைக்கு கொண்டு சென்றார். அங்கு சிறுமியை பரிசோதித்த டாக்டர்கள், அவள் ஏற்கனவே இறந்து விட்டதாக தெரிவித்தனர்.

;-(
இதற்கிடையில் விபத்து நடந்தஉடன் அந்த பகுதியில் பஸ்சுக்காக காத்திருந்த பொதுமக்களும், அப்பகுதி பெண்கள் உட்பட 50-க்கும் மேற்பட்டோர் குப்பை லாரியை மடக்கி டிரைவரை பிடித்து வைத்தனர். மேலும் இந்த பகுதியில் போக்குவரத்து போலீசார் தினமும் இருக்க வேண்டும். வாகனங்கள் செல்வதற்கு ஏதுவாக சாலைகளில் அதிகளவில் இருக்கும் ஆக்கிரமிப்புகளை அகற்ற நடவடிக்கை எடுக்க வேண்டும் என்று வலியுறுத்திதிடீர் சாலை மறியலில் ஈடுபட்டனர். இதனால் அங்கு போக்குவரத்து பாதிக்கப்பட்டது.

;-(
இதுபற்றி தகவல் அறிந்ததும் சம்பவ இடத்திற்கு எம்.கே.பி. நகர் போலீசார் விரைந்து சென்று சாலை மறியலில் ஈடுபட்ட பொதுமக்களிடம் பேச்சுவார்த்தை நடத்தினர். ஆனால், எங்கள் கோரிக்கைகளை நிறைவேற்றும் வரை இங்கிருந்து கலைந்து செல்ல மாட்டோம் என உறுதியாக இருந்தனர்.
உங்களின் கோரிக்கைகள் மீதுஉடனடியாக நடவடிக்கை எடுக்கப்படும் என போலீசார் உறுதி கூறியதையடுத்து பொதுமக்கள் கலைந்து சென்றனர். இந்த திடீர் சாலை மறியலால் அந்த பகுதியில் சுமார் 1 மணி நேரம் போக்குவரத்து பாதிக்கப்பட்டது.

;-(
இதைதொடர்ந்து சம்பவம் குறித்து போலீசார் வழக்கு பதிவு செய்து, குப்பை லாரியை வேகமாக ஓட்டி வந்ததாக கூறி அதன் டிரைவரானசோழவரத்தை சேர்ந்த சீனிவாசன் (52) என்பவரை கைதுசெய்தனர். மேலும் இதுபற்றி விசாரித்து வருகின்றனர்.

;-(நன்றி தமிழ்க்குறிஞ்சி.காம்..