தொடரும் சீரற்ற காலநிலையால் நாட்டின் பல பாகங்களிலும் மக்களின் இயல்புநிலை பாதிப்பு

றினா · றினா Tue Dec 18, 2012 8:28 pm

நாட்டின் பல பாகங்களிலும் பரவலாக பெய்து வரும் தொடர் மழையின் காரணமாக பல பிரதேசங்களைச் சேர்ந்த மக்களின் இயல்பு வாழ்வு பெரிதும் பாதிக்கப்பட்டதாகத் தெரிவிக்கப்படுகின்றது.
இதன்காரணமாக மாத்தளை, கண்டி, மற்றும் நுவரெலிய ஆகிய பகுதிகளில் இதுவரையில் 9 பேர் பலியாகியுள்ளதாக அனர்த்த முகாமைத்துவ மத்திய நிலையம் குறிப்பிட்டுள்ளது.
இவற்றில் மாத்தளை மாவட்டத்திலேயே அதிக அளவிலான பாதிப்புக்கள் இடம்பெற்றுள்ளதாக சுட்டிக்காட்டப்படுகின்றது. இங்கு 5 பேர் பலியாகியுள்ளதுடன் சுமார் 309 குடும்பங்கள் பாதிக்கப்பட்டுள்ளன.
அத்துடன் வெள்ளப்பெருக்கு, மண்சரிவு காரணமாக எட்டு மாவட்டங்களில் 1229 குடும்பங்களைச் சேர்ந்த 4432 பேர் பாதிக்கப்பட்டுள்ளதுடன் 86 வீடுகள் முற்றாகவும், 495 வீடுகள் பகுதியளவிலும் சேதமடைந்துள்ளதாகவும் அனர்த்த முகாமைத்துவ மத்திய நிலையம் மேலும் தெரிவித்துள்ளது.
இந்த நிலையில் பாதிக்கப்பட்ட மக்களில் 735 குடும்பங்களைச் சேர்ந்த 3021 பேர், 17 தற்காலிக முகாம்களில் தங்க வைக்கப்பட்டுள்ளதாக மத்திய நிலையம் குறிப்பிட்டுள்ளது.
இதேவேளை தொடர்ந்து பெய்து வரும் அதிக மழை காரணமாக 14 நீர் தேக்கங்களின் நீர்மட்டம் உயர்ந்துள்ளதன் காரணமாக வான் கதவுகள் திறக்கப்பட்டுள்ளதாக நீர்ப்பாசன திணைக்களம் தெரிவித்துள்ளது.

இதன்மூலம் அதிகளவிலான நீர் வெளியேறுவதனால் மகாவலி கங்கையின் தாழ்வான பிரதேசங்களில் வசிக்கும் மக்கள் அவதானமாக இருக்குமாறு நீர்ப்பாசன திணைக்களம் எச்சரிக்கை விடுத்துள்ளது.

-நன்றி:pmgg.org-

யினியவன் · யினியவன் Tue Dec 18, 2012 8:35 pm

பெய்தாலும் கஷ்டம்
பெய்யவில்லை என்றாலும் கஷ்டம்

இயற்கை வளத்தை நஷ்டப்படுத்தினால் நமக்கு என்றுமே கஷ்டம் தான்

இந்த பதிவைத் துவங்கியவர் நன்றி கூறியுள்ளார் யினியவன்

றினா · றினா Tue Dec 18, 2012 8:41 pm

யினியவன் wrote:பெய்தாலும் கஷ்டம்
பெய்யவில்லை என்றாலும் கஷ்டம்

இயற்கை வளத்தை நஷ்டப்படுத்தினால் நமக்கு என்றுமே கஷ்டம் தான்

உண்மைதான், இதற்குத்தான் அடிக்கடி இயற்கையைப் பாதுகாப்போம் என்று அறிவுறுத்தப்படுகிறது. யார் கேட்டார்கள்?

Sponsored content · Sponsored content

தொடரும் சீரற்ற காலநிலையால் நாட்டின் பல பாகங்களிலும் மக்களின் இயல்புநிலை பாதிப்பு

தொடரும் சீரற்ற காலநிலையால் நாட்டின் பல பாகங்களிலும் மக்களின் இயல்புநிலை பாதிப்பு

Re: தொடரும் சீரற்ற காலநிலையால் நாட்டின் பல பாகங்களிலும் மக்களின் இயல்புநிலை பாதிப்பு

Re: தொடரும் சீரற்ற காலநிலையால் நாட்டின் பல பாகங்களிலும் மக்களின் இயல்புநிலை பாதிப்பு

Re: தொடரும் சீரற்ற காலநிலையால் நாட்டின் பல பாகங்களிலும் மக்களின் இயல்புநிலை பாதிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக