மீனாட்சி அம்மன் கோவில் கட்டப்பட்ட காலம் இன்று வரை முழுமையாக கண்டறியப்பட வில்லை. குலசேகர பாண்டியன் காலத்தில் கட்டப்பட்டதாகவும், திருமலை நாயக்கர் காலத்தில் முடிவுற்றதாகவும் கூறப்படுகின்றது.

முதன் முதலில் கடம்பவனக் காட்டில் சுயம்பு லிங்கத்தை கண்டறிந்து முதலில் இந்த கோவிலையும், பின் மதுரை நகரத்தையும் அந்த மன்னன் நிர்மாணித்ததாக வரலாறு என்கிறார்கள். சிலர். கடம்பவனமாக இருந்த காட்டை அழித்து அழகிய நகரமாக்கும்படி பாண்டிய நாட்டை ஆட்சி புரிந்து வந்த குலசேகர பாண்டியனின் கனவில் சிவபெருமான் தோன்றிக் கூறியதால் அம்மன்னன் கடம்பவனக் காட்டை அழித்து மதுரை எனும் அழகிய நகரத்தை உருவாக்கினான். சிவபெருமான் தன் சடையிலுள்ள சந்திரனின் அமுதத்தைச் சிந்தி புதிய நகருக்கு ஆசி வழங்கினார் என்று வரலாறு கூறுகிறது. இக்கோயில் அம்மனின் 248 சக்தி பீடங்களில் ஒன்றாகவும் விளங்குகிறது.

தெற்குக் கோபுரம் மிக உயரமானதாகும். இதன் உயரம் 160 அடி.மதுரை மீனாட்சியம்மன் கோயிலை தாமரை மொட்டைப் போல் வைத்துக் கொண்டால் அதைச் சுற்றியுள்ள தெருக்களை தாமரை இதழ்களாகக் கூறலாம்.

மீனாட்சியம்மன் கோயிலுக்குள் இருக்கும் வீதிகளுக்கு ஆடி வீதி என்று பெயர். அதைத் தாண்டி கோயிலுக்கு வெளியில் சித்திரை வீதிகள், சித்திரை வீதிகளுக்கு அடுத்த வீதிகள் ஆவணி வீதிகள், அதைத் தாண்டி வெளியே வந்தால் மாசி வீதிகள். அதையும் தாண்டி வெளி வீதிகள் என மதுரை நகர் அமைக்கப்பட்டுள்ளது.

இந்தத் தெருக்களுக்கு தமிழ் மாதங்களின் பெயர் வைக்கப்பட்டிருப்பதற்கும் ஒரு காரணம் உள்ளது. மன்னர்கள் காலத்தில் குறிப்பிட்ட மாதங்களில் நடைபெறும் விழாக்கள் அந்த மாதங்களின் பெயரிலான தெருக்களில்தான் நடைபெறும்.

தமிழ் மாதங்களை கொண்ட வீதிகளை மதுரையில் மட்டுமே காணமுடியும்.

தமிழ் கருத்து களம்

பகிர்வுக்கு நன்றி

பகிர்வுக்கு நன்றி

முத்துமுஹமது அவர்களின் செய்தி சிறப்பானது! இவ்வேளையில் தமிழ் மக்களுக்கு நான் சொல்லவேண்டியது ஒன்று உண்டு ! அஃதாவது , நம்பிக்கைகளை ஒதுக்கிவிட்டுக் கோயில்களை ஆராயவேண்டும் ! அப்போது பல சமுதாய நுட்பங்கள் தெரியவரும் ! நான் எனது புராண ஆய்வுகளில் இப்படி எத்தனையோ கண்டு வெளிப்படுத்தியுள்ளேன் !

@Dr.S.Soundarapandian wrote:முத்துமுஹமது அவர்களின் செய்தி சிறப்பானது! இவ்வேளையில் தமிழ் மக்களுக்கு நான் சொல்லவேண்டியது ஒன்று உண்டு ! அஃதாவது , நம்பிக்கைகளை ஒதுக்கிவிட்டுக் கோயில்களை ஆராயவேண்டும் ! அப்போது பல சமுதாய நுட்பங்கள் தெரியவரும் ! நான் எனது புராண ஆய்வுகளில் இப்படி எத்தனையோ கண்டு வெளிப்படுத்தியுள்ளேன் !

நல்ல முயற்சி தொடருங்கள்

நல்ல பதிவுக்கு நன்றி முத்துமுகமது
வி.பொ.பா

உண்மை தான் அண்ணா மீனாக்ஷி அம்மன் கோவில் குறிப்பிட்ட காலகட்டத்தில் கட்டப் படவில்லை..... ஒவ்வொரு மன்னரின் காலத்திலும் ஒவொரு பகுதியாக கட்டப்பட்டது ..... மதுரையில் போனால் மீனாக்ஷி அம்மன் கோவில் பழைய கோவில்(சிம்மக்கல்) என்று இரண்டாக உள்ளது ..