ரூ.3 கோடி கேட்டு பெற்றோரிடம் கடத்தல் நாடகமாடிய மாணவன்!!

**அருண்** · **அருண்** Sat Jan 05, 2013 8:30 pm

புதுடெல்லி, ஜன. 5-

டெல்லி புறநகர் பகுதியில் உள்ள பள்ளியில் 'பிளஸ் டூ' படிக்கும் தங்கள் மகன் வீடு திரும்பவில்லை என அவனது பெற்றோர் கடந்த மாதம் 21-ம் தேதி போலீஸ் நிலையத்தில் புகார் அளித்தனர். இந்த புகாரின் பேரில் நடவடிக்கை எடுத்த போலீசார் மாணவனின் செல்போன் சிக்னலை ஆய்வு செய்தபோது, அவன் கொல்கத்தாவில் இருப்பது உறுதி செய்யப்பட்டது.

இந்நிலையில், 23-ம் தேதி பெற்றோருடன் செல்போனில் பேசிய மாணவன், தன்னை சிலர் கடத்தி வைத்திருப்பதாக கூறினான். கொல்கத்தாவுக்கு விரைந்த டெல்லி போலீசார், பல இடங்களில் தேடுதல் வேட்டை நடத்தியும், மாணவனை கண்டுபிடிக்க முடியாமல் வெறுங்கையுடன் டெல்லி திரும்பினர்.

நேற்று முன்தினம், டெல்லி ரெயில் நிலையத்தின் அருகே சந்தேகப்படும்படியாக சுற்றித்திரிந்த சிறுவனை போலீசார் விசாரித்தனர். ஆரம்பத்தில் முன்னுக்குப்பின் முரணாக பதிலளித்த அவன், பெற்றோர் கைச்செலவுக்கு தரும் பணம் போதாததால் கடத்தல் நாடகத்தின் மூலம் அவர்களிடமிருந்து பணம் பறிக்க முயற்சித்ததாக கூறினான்.

இதற்காக, கொல்கத்தாவில் சில நாட்கள் தலைமறைவாக இருந்ததாகவும், பின்னர், 'பெற்றோருக்கு சிரமம் தருகிறோமே' என்று மனம் திருந்தி, டெல்லி வந்தபோது போலீசாரிடம் பிடிபட்டுவிட்டதாகவும் அந்த மாணவன் போலீசாரிடம் வாக்குமூலம் அளித்துள்ளான்.

டாக்டராக தொழில் செய்யும் மாணவனின் தந்தையை வரவழைத்த போலீசார், அவரிடம் மகனை ஒப்படைத்தனர்.

மாலை மலர்.!

dhilipdsp · dhilipdsp Sat Jan 05, 2013 9:16 pm

ரூ.3 கோடி கேட்டு பெற்றோரிடம் கடத்தல் நாடகமாடிய மாணவன்!!

ரூ.3 கோடி கேட்டு பெற்றோரிடம் கடத்தல் நாடகமாடிய மாணவன்!!

Re: ரூ.3 கோடி கேட்டு பெற்றோரிடம் கடத்தல் நாடகமாடிய மாணவன்!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக