மகளின் 3 சிசுக்களை வயிற்றில் சுமக்கும் தாய்!

by DERAR BABU Wed Jan 09, 2013 11:47 am

ராஜ்கோட்: மகளுக்காக தன் வயிற்றில் செயற்கை முறையில் கருத்தரிக்கப்பட்ட 3 சிசுக்களை சுமந்து வருகிறார் குஜராத்தைச் சேர்ந்த தாய். குஜராத் மாநிலம் ராஜ்கோட்டைச் சேர்ந்த ஷோபனா சாவ்தாவின் (47) மகள் பாவிகா (26). பாவிகாவுக்கு 6 ஆண்டுகளுக்கு முன் செளரப் கத்வாடியா (28) என்பவருடன் திருமணம் நடந்தது.

ஆனால், பாலிகாவுக்கு கருப்பை இல்லை. இந்தக் குறைபாடு இருப்பது தெரிந்தும் அவரை காதல் திருமணம் செய்தார் செளரப். இந் நிலையில் சூரத்தைச் சேர்ந்த டாக்டர் பூர்ணிமா நட்கர்னியின் உதவியோடு பாவிகாவின் முட்டைகள் எடுக்கப்பட்டு செளரபின் விந்துவின் உதவியால் செயற்கை முறையில் கருத்தரிக்கப்பட்டு, அவை ஷோபனாவின் கருப்பையில் வைக்கப்பட்டு வளர்க்கப்பட்டன.

முதலில் வேறு பெண்களின் கருப்பையில் சிசுக்களை வளர்க்க திட்டமிட்டனர். ஆனால், அதற்கு அவர்கள் லட்சக்கணக்கில் பணம் கேட்டதால், தானே தனது மகளின் சிசுக்களை சுமக்க முன் வந்தார் ஷோபனா. இதையடுத்து அவரது கருப்பையில் வைக்கப்பட்ட முட்டைகளில 3 சிறப்பாக வளர்ந்து சிசுக்களாகியுள்ளன. இதனால் தனது மகளுக்கு 3 குழந்தைகளை பரிசளிக்கவுள்ளார் ஷோபனா.

ஒன்இந்தியா தமிழ்

by **Ahanya** Wed Jan 09, 2013 11:52 am

பதிவுக்கு நன்றி அண்ணா........

by Guna Tamil Wed Jan 09, 2013 12:52 pm

தாய் - தியாகத்தின் சிகரம்!!!

by அசுரன் Wed Jan 09, 2013 2:25 pm

இது பொய் செய்தியாக இருக்கலாம். கற்பபை இல்லையென்றால் கரு முட்டை மட்டும் எப்படி வரும்.?? நம்ப முடியவில்லை.... செயற்கை முறையில் ஒரு முட்டையில் ஒரு கருவை தான் வளர்க்கலாம் அது எப்படி மூன்று தெரிந்தே வைப்பார்கள்.....

கேக்குறவங்க கே.பயலா இருந்தா.... சரி இது சரியான தகவல் என நண்பர் நிரூபிக்கட்டும். பிறகு மீதி பதிவிடுகிறேன்.

by **Ahanya** Wed Jan 09, 2013 2:34 pm

இல்லை அண்ணா.....கருப்பை வேறு சூலகங்கள் வேறு......... சூலகங்கள் இருந்தால் சூல் முட்டைகள் உருவாகலாம்....அவ்வாறு விடுவிக்கப்பட்ட சூல்கள் உடற்குளியை அடைந்து பின் கருப்பை புனல் முளைகளால் கடத்தப்பட்டு கருக்கட்டிய நிலையில் இறுதியாகவே கருப்பையை அடையும்.......
கருக்கட்டல் கூட கருப்பை குழாயின் ஒரு பாகத்திலேயே இடம்பெறும். சிசு வளருவதர்க்குத்தான் கருப்பை அவசியம்......

by chinnavan Wed Jan 09, 2013 2:45 pm

Ahanya wrote:கருப்பை வேறு சூலகங்கள் வேறு சூலகங்கள் இருந்தால் சூல் முட்டைகள் உருவாகலாம்....அவ்வாறு விடுவிக்கப்பட்ட சூல்கள் உடற்குளியை அடைந்து
பின் கருப்பை புனல் முளைகளால் எடுக்கப்பட்டு இறுதியாகவே கருப்பையை அடையும்.......

மிக சரியான தகவல் நன்றி அகன்யா அருமையிருக்கு

by Guna Tamil Wed Jan 09, 2013 2:49 pm

Ahanya wrote:இல்லை அண்ணா.....கருப்பை வேறு சூலகங்கள் வேறு......... சூலகங்கள் இருந்தால் சூல் முட்டைகள் உருவாகலாம்....அவ்வாறு விடுவிக்கப்பட்ட சூல்கள் உடற்குளியை அடைந்து
பின் கருப்பை புனல் முளைகளால் கடத்தப்பட்டு கருக்கட்டிய நிலையில் இறுதியாகவே கருப்பையை அடையும்.......
கருக்கட்டல் கூட கருப்பை குழாயின் ஒரு பாகத்திலேயே இடம்பெறும். சிசு வளருவதர்க்குத்தான் கருப்பை அவசியம்......

அகன்யா மருத்துவ மாணவியோ?!?!?!?!?! சூப்பருங்க