ஈகரை தமிழ் களஞ்சியம்



உறுப்பினராக இணையுங்கள்
உள்நுழைய இங்கு அழுத்தவும்
புதிய இடுகைகள்
மிஸ்டர் பெத்தேரி படுக்கை அறையில் ! (பின்லாந்து நாட்டுப்புறப் பாடல்)
 Dr.S.Soundarapandian

தொடத் தொடத் தொல்காப்பியம்(461)
 Dr.S.Soundarapandian

முதல் பெண் போலீசார் 40 ஆண்டுக்கு பின் சந்திப்பு
 Dr.S.Soundarapandian

புகைப்படம் - கவிதை
 Dr.S.Soundarapandian

நீ என்ன தேவதை – கவிதை
 Dr.S.Soundarapandian

ஈச்ச மரங்களுக்கு மேலே அவள் முகம் ! (ஈராக் நாட்டுப்புறப் பாடல்)
 Dr.S.Soundarapandian

எனக்குன்னா எரிச்சல் ! (ஒருபக்கக் கதை)
 Dr.S.Soundarapandian

தமிழகத்தில் மக்களாட்சி மலர்வதற்கு ஆலோசனைகள் தேவை!
 Pranav Jain

நதிக்கரை - கவிதை
 T.N.Balasubramanian

வேலன்:-புகைப்படத்தினை வேண்டியவாறு மாற்றி பயன்படுத்திட -Cpix
 T.N.Balasubramanian

ஞானக் களஞ்சியம் ஔவையின் குறள்
 T.N.Balasubramanian

அந்த நாள் -செப் 22 --2016
 T.N.Balasubramanian

நாட்டு நடப்பு - கவிதை
 ayyasamy ram

அறிமுகம் சந்திரசேகரன்
 ayyasamy ram

அரசியல் கார்ட்டூன்
 ayyasamy ram

நவீன தொழில்நுட்பத்துடன் கிருஷ்ணா நதி கால்வாய் சீரமைப்பு
 ayyasamy ram

2018–ம் ஆண்டுக்கான ஆஸ்கர் விருதுக்கு ‘நியூட்டன்’ இந்தி படம் பரிந்துரை
 ayyasamy ram

பிரதமர் மோடிக்கு ரூ.1 கோடி சொத்து
 ayyasamy ram

7 வங்கிகளின் கார்டுகளில் மட்டுமே ரெயில் டிக்கெட் முன்பதிவு செய்ய முடியும்
 ayyasamy ram

இன்று முதல் 10 நாட்கள் சிவில் கோர்ட்டுகளுக்கு விடுமுறை
 ayyasamy ram

நான் சாகவில்லை!
 Dr.S.Soundarapandian

விஷ சேவல் கோழி மீன்
 Dr.S.Soundarapandian

வளவளப் பேச்சு , தேவைதான் ! (ஒருபக்கக் கதை)
 Dr.S.Soundarapandian

. விநோதமான வேலை!
 Dr.S.Soundarapandian

தமிழக மக்களுக்காக முதல்வராக விருப்பம் : நடிகர் கமல்
 Dr.S.Soundarapandian

வெட்டத்தான் தெரியும் கத்திக்கு….
 Dr.S.Soundarapandian

‘மெர்சல்’ படத்தில் ஜல்லிக்கட்டு வீரராக விஜய் -தீபாவளிக்கு வெளியாகிறது
 ayyasamy ram

உலக மசாலா: ரியல் ஹீரோவுக்கு சல்யூட்!
 ayyasamy ram

தொலைந்து போன நாட்கள் – கவிதை
 ayyasamy ram

பொது இடங்களில் கட்டிப்பிடிக்கும் தம்பதியை சிறையில் அடைக்க வேண்டும்
 ayyasamy ram

ஹைதராபாத்தில் போலி திருமணங்களால் வாழ்க்கையை தொலைக்கும் சிறுமிகள்: அரபு நாட்டவர்கள் 8 பேர் உட்பட 20 பேர் கைது
 ayyasamy ram

இந்தியன், சாமி, சண்டக்கோழி இரண்டாம் பாகங்களில் நடிக்கும் கமல்ஹாசன், விக்ரம், விஷால்
 ayyasamy ram

தமிழகத்தில் 3 நாட்களுக்கு கன மழை
 T.N.Balasubramanian

ஆஸ்திரேலியாவுக்கு எதிரான 2-வது ஆட்டத்திலும் இந்தியா வெற்றி
 ayyasamy ram

அணு ஆயுத தடை ஒப்பந்தத்தில் 50 நாடுகள் கையெழுத்து வல்லரசு நாடுகள் எதிர்ப்பு
 ayyasamy ram

மத்திய அரசு ஊழியர்களுக்கு விடுமுறை பயணப்படி, 'கட்'
 ayyasamy ram

சின்னச் சின்ன வரிகள்!
 Pranav Jain

கறுப்புப் பணத்தை ஒழிக்கும் மேஜிக் எதுவுமில்லை - மன்மோகன் சிங்
 Pranav Jain

வைரமுத்து கவிதைகள் (எம்பி‌3 வடிவில்)(புதுபிக்கபட்டது)
 T.N.Balasubramanian

கார்பொரேட் விளம்பரமும் & வேர் கொண்ட பருப்பு பாகுபட்டு
 T.N.Balasubramanian

ஐபோன் பரிசு
 T.N.Balasubramanian

வாழ்த்தலாம் வாருங்கள் உறவுகளே
 T.N.Balasubramanian

குந்தியும் நிஷாத பெண்களும்
 ayyasamy ram

கா(த)ல் பந்து – கவிதை
 Dr.S.Soundarapandian

ஊழலை 100% ஒழிக்க முடியும்!!!!
 Dr.S.Soundarapandian

நான் விட்டுவிடமாட்டேன் !
 Dr.S.Soundarapandian

ஆறு உனக்குள் ஓடுகிறது ! (தென் கொரியாப் பாடல்)
 Dr.S.Soundarapandian

டெல்லியில் முகத்தில் கரியை பூசி விவசாயிகள் போராட்டம்
 Dr.S.Soundarapandian

இனிமேல் செக்புக் செல்லாது. எஸ்பிஐ தரும் அதிர்ச்சி தகவல்
 Dr.S.Soundarapandian

செக்ஸ் சாமியார் ஆசிரமத்தில் 600 எலும்புக்கூடுகள்
 Dr.S.Soundarapandian

முத்து லட்சுமி ராகவன் " பூ கோலம் போடவா"
 ANUSUYA DHURGAIMUTHU

திருப்பதி ஏழுமலையானுக்கு மண்சட்டியில்தான் நைவேத்யம்
 ayyasamy ram

''இந்த உலகத்திலேயே மிகவும் உறுதியான பெண் நீங்கள்தான்!” செரினா வில்லியம்ஸின் உருக்கமான கடிதம்
 ayyasamy ram

பத்ம பூஷண் விருதுக்காக மகேந்திர சிங் டோனி பிசிசிஐ பரிந்துரை
 ayyasamy ram

போக்குவரத்து விளக்கு உருவான கதை..!
 ayyasamy ram

திரிபுராவில் செய்தி சேகரிக்க சென்ற பத்திரிகையாளர் கொலை
 ayyasamy ram

முன்னாள் கவர்னர் என்.டி.திவாரி உடல்நல குறைவு
 ayyasamy ram

கள்ள சாராய பலி ஏற்பட்டால் மரண தண்டனை: உ.பி., அரசு முடிவு
 ayyasamy ram

கோல்கட்டாவில் இன்று இந்தியா-ஆஸி., இரண்டாவது ஒருநாள் போட்டி
 ayyasamy ram

'டிஜிட்டல்' மின் கட்டணம்: சலுகை வழங்குமா வாரியம்?
 ayyasamy ram

மின்னூல்கள் தரவிறக்கம்

























Admins Online

தொடத் தொடத் தொல்காப்பியம்(461)

Page 7 of 29 Previous  1 ... 6, 7, 8 ... 18 ... 29  Next

View previous topic View next topic Go down

தொடத் தொடத் தொல்காப்பியம்(461)

Post by Dr.S.Soundarapandian on Mon Dec 31, 2012 8:44 pm

First topic message reminder :

தொடத் தொடத் தொல்காப்பியம் (1)

   - முனைவர் சு.சௌந்தரபாண்டியன்                
  எம்.ஏ.(தமிழ்),எம்.ஏ(ஆங்கிலம்),பி.எட்.,டிப்.(வடமொழி),பி.எச்டி
  சென்னை-33

 தொல்காப்பியத்தின் முதல் நூற்பாவில்,
                                                                                 
 “ எழுத்தெனப் படுப
  அகரமுதல்  னகர இறுவாய்
  முப்பஃது என்ப “        எனக் காண்கிறோம்.

                             
 இதில்  இரண்டு நுட்பங்கள் உள்ளன.
                          
 1) முப்பது எழுத்துக்களைக் கணக்கிடும்போது,  அ,ஆ,இ,ஈ,உ,ஊ,எ,ஏ,ஐ,ஒ,ஓ,ஔ என்ற  12 உயிர்களைக் கூறி, க,ங,ச,ஞ,ட,ண,த,ந ,ப,ம,ய,ர,ல,வ,ழ,ள,ற,ன எனும் 18 உயிர்மெய்களைச் சேர்த்து ,மொத்தம் 30 என்று பலர் கூறுவர்.

இங்கு ஒரு திருத்தம். பதினெட்டு உயிர்மெய்களைச் சேர்க்கக் கூடாது; பதினெட்டு மெய்களையே கணக்கில் சேர்க்கவேண்டும். அஃதாவது, 12 உயிர்களையும் ,க்,ங்,ச்,ஞ்,ட்,ண்,த்,ந்,ப்,ம்,ய்,ர்,ல்,வ்,ழ்,ள்,ற்,ன் என்ற 18 மெய்களையும் கூட்டி
30 என்று கூறவேண்டும்.

உயிர்மெய்,உயிரும் மெய்யும் சேர்ந்து வருவது; அடிப்படை எழுத்து அல்ல.

அடிப்படை எழுத்துக்கள் உயிர்களும் மெய்களுமே.

2) ‘படுப’ என்ற சொல் நோக்கத்தக்கது. எழுத்து அஃறிணையாதலால், ‘படுவ’ என்றுதானே வரவேண்டும்? ‘ப’ பலர்பால் ஈறாயிற்றே? ‘வ’ அல்லவா பலவின்பால் ஈறு? அப்படியானால் தொல்காப்பிய மூலத்தைத் திருத்தவேண்டுமா?

குழப்பத்தை நீக்குகிறார்! “செய்யுளின்பம் நோக்கி வகரம் நீக்கிப் பகரம் இடப்பட்டது” என்பது அவர் விளக்கம். ‘நூற்பா’ ஆனாலும் ‘செய்யுளின்பம்’ தேவை ;அதற்காகவே தொல்காப்பியர் ‘படுப’ என்று எழுதினார் என்பதே இளம்பூரணர் தரும் தெளிவாகும்!
குழப்பம் நீங்கியது!


Last edited by Dr.S.Soundarapandian on Sat Sep 28, 2013 11:48 am; edited 7 times in total (Reason for editing : topic no.incorrect)
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down


தொடத் தொடத் தொல்காப்பியம் (107)

Post by Dr.S.Soundarapandian on Sat Jul 20, 2013 7:04 pm

தொடத் தொடத் தொல்காப்பியம் (107)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

முன் ‘ஏழ்’ தொடர்கிறது ! :-

“அளவு நிறையு மெண்ணும் வருவழி
 நெடுமுதல் குறுகலு முகரம் வருதலும்
கடிநிலை யின்றே யாசிரி யர்க்க”           (புள்ளி மயங்கியல் 94)

‘ஏழ்’ எனும் எண்ணுப் பெயருடன் , அளவுப் பெயரும் , நிறைப் பெயரும் , எண்ணுப் பெயரும் வந்து புணர்ந்தால் எப்படிப் புணரும் என்று கூறுகிறார் தொல்காப்பியர் !

‘நெடுமுதல்  குறுகலும்’  -  நெடில் குறிலாக மாறும்; ‘ஏழ்’ என்பது                                                                                           ‘ஏழ்’ ஆகும் !

‘உகரம் வருதல்’  -  உகரச் சாரியை     தோன்றும் ; ‘எழ்’ என்பது ‘எழு’
ஆகும்!


இவை இப்படி அமைகின்றன ! :-

ஏழ் + கலம்  =  எழ் கலம்  (நெடுமுதல் குறுகியது)
எழ் + கலம்  = எழு கலம் (உகரச் சாரியை தோன்றியது)

ஏழ் + சாடி  =  எழ் சாடி  (நெடுமுதல் குறுகியது)
எழ் + சாடி  = எழு சாடி (உகரச் சாரியை தோன்றியது)

ஏழ் + தூதை  =  எழ் தூதை  (நெடுமுதல் குறுகியது)
எழ் + தூதை  = எழு தூதை (உகரச் சாரியை தோன்றியது)

ஏழ் + பலம்  =  எழ் பலம்  (நெடுமுதல் குறுகியது)
எழ் + பலம்  = எழு பலம் (உகரச் சாரியை தோன்றியது)

ஏழ் + மூன்று  =  எழ் மூன்று  (நெடுமுதல் குறுகியது)
எழ் + மூன்று  = எழு மூன்று   (உகரச் சாரியை தோன்றியது)

ஏழ் + நான்கு  =  எழ் நான்கு  (நெடுமுதல் குறுகியது)
எழ் + நான்கு  = எழு நன்கு (உகரச் சாரியை தோன்றியது)

‘எழு கலம்’ என்பது , ‘ஏழாகிய கலம்’ என்று விரிவதால் , இஃது அல்வழிப் புணர்ச்சி !

எண்ணுப் பெயரைப் பொறுத்தவரை , ‘ஏழ்’ என்பது ‘எழு’ என  மாறுவதே பொருட் குழப்பத்தை நீக்கும் !

‘எழு மூன்று வயது அவளுக்கு’ என்றால் , அவளுக்கு வயது 21 என்று விளங்குகிறது ! ‘ஏழ்’உடன் நேரடியக  ‘உம்’ சேர்ந்து ‘ஏழு’  ஆகி ,  ‘ஏழு மூன்று வயது’ என்றால் ,  “ஏழு வயதா ? மூன்று வயதா? ஒழுங்காச் சொல்லுய்யா !” என்று கேட்பர் ! குழப்பம் !

‘ஏழ்’ , ‘ஏழு’ ஆகியனவற்றில் ‘ஏழ்’ என்பதே தொன்மையான சொல்! ‘ஏழு’ என்பது அதன்பிறகு ஏற்பட்டது ! ஆனால் இரண்டுமே சரியான வடிவங்கள்தாம் !

“எத்தனை கலம் நெல் விற்றீர்கள் ?” என்றால்  ,“ஏழு கலம் விற்றேன்” என்றால் தவறு ஒன்றும் இல்லை ! இலக்கணமும் சரிதான் !

இன்றைக்கும் , ‘ஏழு கழுதை வயதாகுது !’ என்பதுதானே வழக்கு ?

‘ஏழு கலம்’ என்பதைக் கொள்ளும் அதே வேளையில் , ‘எழுகலம்’ என்பதையும் தள்ளவேண்டாம் என்றே தொல்காப்பியர் கூறுகிறார்!

தொல்காப்பியர் காலத்தில் , ‘ஏழ்’ என்பது புழக்கத்தில் இருந்ததா? ‘ஏழு’ என்பது புழக்கத்தில் இருந்ததா?

இரண்டுமே இருந்தன !

’ஏழு’ என்ற சொல்லைத் தொல்காப்பியர் பல இடங்களில் பயன்படுத்தியுள்ளார் ! “ அப்பால் ஏழும்” (நூன் மரபு 4) , “நெட்டெழுத்து ஏழே” (மொழி மரபு 10) முதலிய பல இடங்களைக் காட்டலாம் !

புணர்ச்சிக்கு வரும்போதுதான் ‘ஏழ்’ , ‘எழ்’ ஆகிறது !

மேலை எடுத்துக்காட்டுகளில் ,

சாடி , தூதை – அளத்தல் (Quantity measurement)பெயர்கள் .
பலம் – நிறைப்  (Weight measurement )பெயர் .
மூன்று , நான்கு – எண்ணுப் பெயர்கள் (Numeral nouns)

‘சாடி’ வேறு , ‘மஞ்சாடி’ வேறு ! ‘மஞ்சாடி’ என்பது நிறைப் பெயர் ! ‘மஞ்சாடி’ என்பது மண் சாடி அல்ல !  ‘மஞ்சாடி’ என்பது மரத்தின் பெயர் . சிவப்பான அதன் ஒரு விதை , இரண்டு குன்றிமணி எடை உள்ளது என்று பொற்கொல்லர் பெருமக்கள் கூறுவர் !!

மேலே பார்த்த சான்றுகளில் , வல்லின எழுத்துகளை முதலாகக் கொண்ட அளவுப் பெயர்களும் , எண்ணுப் பெயர்களும் வந்து புணர்ந்தன !இவ்விடத்தில்  இளம்பூரணர் , “வன் கணத்துப் பொருட் பெயர்க்கும் இம்முடிபு கொள்க” என்றார் !

இளம்பூரணர் தந்த எடுத்துக்காட்டுகளை வருமாறு விளக்கலாம் !:-

ஏழ் + கடல் =  எழு கடல் (நெடுமுதல் குறுகி , உகரச் சாரியை பெற்றது)

ஏழ் + சிலை =  எழு சிலை (நெடுமுதல் குறுகி , உகரச் சாரியை பெற்றது)

                   ஏழ் + திசை =  எழு திசை (நெடுமுதல் குறுகி , உகரச் சாரியை பெற்றது)

                  ஏழ் + பிறப்பு =  எழு பிறப்பு (நெடுமுதல் குறுகி , உகரச் சாரியை பெற்றது)

இவையும் அல்வழிப் புணர்ச்சிகளே !

தொல்காப்பியத்தையும் (கி.மு.10ஆம் நூ.ஆ.), நன்னூலையும்(கி.பி.13ஆம் நூ.ஆ.) ஒப்பிட்டால் சொற்களின் முற்காலப் , பிற்கால வளர்ச்சிகளை அறியலாம் !

தொல்காப்பியர் ‘அக்கு’ச் சாரியையைக் கூறினால் , நன்னூல் ஆசிரியர் பவணந்தி முனிவர் ‘அ’கரச் சாரியையாக அதனைப் பேசுகிறார் !தொல்காப்பியர் ‘ஏழ்’ எனும் சொல்லை வைத்துபுணர்ச்சி பேச , நன்னூலார் ‘ஏழு’ என்ற வடிவத்தைக்கொண்டு விளக்குகிறார் !

இத்தகைய முற்காலப் , பிற்காலச் சொற்கள் செம்பதிப்புப் பணிக்கு (Critical Edition) மிகவும் தேவையானதாகும் ! ஒரு பழங்கால நூலைப் பதிப்பிக்கும்போது அதில் பழஞ் சொற்கள்தாமே இடம்பெறவேண்டும் ? ஓலைச் சுவடிகளைப் படியெடுத்தோர் இந்த நுணுக்கங்களைப் பார்ப்பதில்லை !

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (108)

Post by Dr.S.Soundarapandian on Sun Jul 21, 2013 12:12 pm

தொடத் தொடத் தொல்காப்பியம் (108)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

 ‘ழ்’ ஈறு தொடர்கிறது ! :-

“பத்தென் கிளவி யொற்றிடை  கெடுவழி
நிற்றல் வேண்டு மாய்தப் புள்ளி”    (புள்ளி மயங்கியல் 95)


‘பத்தென் கிளவி’ -  ‘பத்து’ எனும் சொல் !

‘ஒற்றிடை கெடுவழி’ – இடையே மெய்யெழுத்தானது கெடும்போது ; ‘பத்து’ , ‘பது’                
ஆகும்போது !

 ‘ நிற்றல் வேண்டும் ’  -  வரவேண்டும் !

‘ஆய்தப் புள்ளி’ – ஆய்தம் எனும் எழுத்து !

முன் நூற்பாவில் (புள்.94) , ‘ஏழ்’ பற்றி உரைத்ததால் , ‘பத்து’ என்பது ‘ஏழ்’ என்பதோடு புணரும் முறையைத் தொல்காப்பியர் உரைக்கிறார் !

அதன்படி ,

ஏழ் + பத்து = எழ் பத்து (நெடுமுதல் குறுகியது) எழ் + பத்து = எழு பஃது (உகரச் சாரியையும் ஆய்தமும் வந்தன)

அடுத்து ,

”ஆயிரம் வருவழி யுகரங் கெடுமே”  (புள்ளி மயங்கியல் 96)

என்கிறார் தொல்காப்பியர் !

இதில்   “ஏழ்  என்பது எப்போதுமே ‘எழ்’  ஆகும் என நினைக்காதீர்கள் ! ‘ஏழ்’ அப்படியே நின்றும் புணரும் ”என்கிறர் தொல்காப்பியர் !

ஏழ் + ஆயிரம் = எழாயிரம் ×
= ஏழாயிரம் √

“நூறூர்ந்து வரூஉ  மாயிரக் கிளவிக்குக்
கூறிய நெடுமுதல்   குறுக்க மின்றே”  (புள்ளி மயங்கியல் 97)

என்றார் !

‘நூறூர்ந்து வரும் ஆயிரம்’ – நூறு + ஆயிரம் = நூறாயிரம்

‘நெடுமுதல் குறுக்க மின்று’ -  ‘ஏழ்’ என்பது ‘எழ்’ ஆகாது !

அஃதாவது ,

ஏழ் + நூறாயிரம் = ஏழ் நூறாயிரம் √
ஆனால் , இளம்பூரணர் , தொல்காப்பியரின் நடையை வைத்து , “  ‘கூறிய’ என்றதனான் நெடுமுதல் குறுகி உகரம் பெற்று ‘எழுநூறாயிரம்’ என்றும் ஆகும் ! ” என்கிறார் !

மொத்தத்தில் ,

ஏழ் + நூறாயிரம் = ஏழ் நூறாயிரம் √
    = எழு நூறாயிரம் √

தொல்காப்பியரின் நடையை வைத்து இளம்பூரணர் ‘எழுநூறாயிரம் வரும் ’என்றாலும் , மொழிக் குழப்பத்தைத் தீர்க்க வல்லது தொல்காப்பியர் கூறிய ‘’ ஏழ் நூறாயிரம்
என்பதே !

‘எழு நூறாயிரம்’ என்றால் , ‘எழுநூறையும் ஆயிரத்தையும் அடுத்தடுத்து வைத்துக் (700, 1000)கூறுகிறாரா ?’ – குழப்பம் !

‘ஏழ் நூறாயிரம்’ எனில் , ‘ஏழாகிய நூறாயிரம்’ என்ற பொருள் கிட்டிவிடுகிறது ! ‘நூறாயிரம்’ என்ற தொகையை முறியாமல் காப்பாற்றுவது ‘ஏழ்’ எனும் பகுதியே !

மொழிக்குழப்பம் தடுக்கும் அருமையான இலக்கணக் கோட்பாட்டைத் (Grammatical theory) தொல்காப்பியத்தில் காணமுடிகிறது !

ஆனால் கட்டுக் கடங்காத மொழி வளர்ச்சி தமிழில் ஏற்பட ஏற்படத் , தவிர்க்க இயலாத பல இலக்கண நெகிழ்வுகள் ஏற்பட்டன எனலாம் !

மேல் நூற்பா இறுதியில் (புள். 96) , இளம்பூரணர் , “இன்னும் அதனானே , இயல்பு கணத்து முடிவு கொள்க; எழு ஞாயிறு , எழு நாள் என வரும்” என்கிறார் !


திடீரென்று ‘இயல்பு கணம்’ எங்கிருந்து வந்தது இவருக்கு ?

எங்கிருந்து என்றால் , இதே புள்ளி மயங்கியல் நூற்பா 94இலிருந்து வந்தது !
அந் நூற்பாவை முன்பே நாம் ஆய்ந்துள்ளோம் !
அதில் (புள்ளி மயங்கியல் 94) ‘எழு கடல்’ போன்ற வன்கண எழுத்துகளை முதலாகக் கொண்ட சொற்புணர்ச்சிகளுக்கு விதி கூறப்பட்டுள்ளது !

அந்த விதியை , இந்த நூற்பாவால் (புள்.97), நெகிழ்க்கிறார் இளம்பூரணர் !

அஃதாவது ,

ஏழ் + ஞாயிறு = எழ் ஞாயிறு  (நெடுமுதல் குறுகுதல்)
எழ் + ஞாயிறு = எழு ஞாயிறு (உகரச் சாரியை)

ஏழ் + நாள் = எழ் நாள்  (நெடுமுதல் குறுகுதல்)
எழ் + நாள் = எழு நாள் (உகரச் சாரியை)
என வரும் !

மேலைக் காட்டுகளில் , ‘ஞாயிறு’ , ‘நாள்’  ஆகியவற்றில் முதல் எழுத்துகள் இயல்புகண எழுத்துகள் ஆம் !

எழு ஞாயிறு – தமிழ் மரபிலக்கணத்தில்  ‘வினைத் தொகை’ .
- ஆங்கில மரபிலக்கணத்தில் ‘Compound noun’ (இதனைக் ‘கூட்டுப்  
           பெயர்’ என்று நாம் பயன்படுத்தினால் தவறு இல்லை
!)
-. மொழியிலில் , Attributive + NP = Attributive Noun Phrase.

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (109)

Post by Dr.S.Soundarapandian on Fri Aug 09, 2013 9:39 am

தொடத் தொடத் தொல்காப்பியம் (109)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

‘ழ்’ ஈற்றுப் புணர்ச்சியில் அடுத்த நூற்பா !:-


“ஐயம்  பல்என  வரூஉ  மிறுதி
அல்பெய ரெண்ணு மாயிய னிலையும்”  (புள்ளி மயங்கியல் 98)

‘ஐ ,அம் , பல்  என  வரும் இறுதி   -  ’ஐ’என்றஎழுத்தைஇறுதியாகக்  கொண்ட   சொல் தாமரை                                                            ‘ ; ‘அம்’மை
                                                                               இறுதியாகக் கொண்ட சொல்   ‘வெள்ளம்’;
                                                                                      ‘பல்’லை இறுதியாகக் கொண்ட சொல்
                                                                                        ‘ஆம்பல்’  !

‘அல் பெயர்’        -        பொருட்  பெயர்  அல்லாத எண்ணுப் பெயர் !

‘ஆ  இயல் நிலையும்’  -  இயல்பாகப் புணரும்; அஃதாவது , நெடுமுதல் குறுகல்,
                              உகரச் சாரியை வருதல் இருக்காது !

ஏழ்  +  தாமரை =  ஏழ் தாமரை  (அல்வழிப் புணச்சி)

ஏழ்  +  வெள்ளம் =  ஏழ் வெள்ளம்  (அல்வழிப் புணச்சி)

ஏழ்  +  ஆம்பல் =  ஏழ் ஆம்பல்  (அல்வழிப் புணச்சி)

சில கணக்கு   நூற்களில் தாமரையைப்  ‘பதுமம்’ என்று போட்டிருப்பார்கள் ! இரண்டும் ஒன்றுதான் ! ‘தாமரை’ முதலான இவை குறிக்கும் எண் யாது ?

உரையாசிரியர் எவரும் விளக்கவில்லை !

                 பிற கணக்கு ஆய்வுகளிலிருந்து இவற்றின் தொகை விவரத்தை
வருமாறு விளக்கலாம் !

‘தாமரை’ என்பது -   ‘Hundred trillion’ ; தமிழில் ‘௰௲௲௱௱௲’ என்று குறிப்பர்.இதனைப்,

             ‘பத்தாயிரம் ஆயிரம் நூறுநூறாயிரம்’ எனப் படிக்கவேண்டும் !

                           எண்ணில், 100 000 000 000 000 என எழுதவேண்டும் .

                        தமிழில் ஆயிரத்திற்கு மேற்பட்ட எண்ணைக் குறிக்கக் குறியீடு கிடைக்கவில்லை! ஆகவேதான்  ௰ , ௱,  ௲   என்ற எண்களைக் கொண்டே பெரிய எண்ணையும் குறிப்பிட வேண்டியுள்ளது ! (௰ -  10 ;  ௱ – 100 ; ௲ - 1000)

‘வெள்ளம்’ என்பது -   ‘Ten quadrillion’  ; தமிழில் ‘௰௲௲௲௲௲’ என்று குறிப்பர்.இதனைப், ‘பத்தாயிரம் ஆயிரம் ஆயிரம்  ஆயிரமாயிரம்’ எனப் படிக்கவேண்டும் !

எண்ணில், 10 000 000 000 000 000 என எழுதவேண்டும் .

  ‘ஆம்பல்’ என்பது -   ‘Hundred quadrillion’  ; தமிழில் ‘௱௲௲௲௲௲’ என்று குறிப்பர்.இதனைப், ‘நூறாயிரம் ஆயிரம் ஆயிரம் ஆயிரமாயிரம்’ எனப் படிக்கவேண்டும் ! 1017  எனவும் எழுதலாம்.

எண்ணில், 100 000 000 000 000 000 என எழுதவேண்டும் .
‘நூறாயிரம்’ , ‘ஆயிரமாயிரம்’ – இவையெல்லாம் குழப்பம் தருவன !

எனவேதான் , சுருக்கமாகத் , ‘தாமரை’ போன்ற சொற்களால் தமிழர்கள் குறித்தனர் !
சுருக்கமாகக் குறித்ததுதான் தவறாயிற்று ! விரிவாகவே வைத்திருந்தால் நல்ல முன்னேற்றம் அடைந்திருக்கும் !
***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (110)

Post by Dr.S.Soundarapandian on Fri Aug 09, 2013 11:26 am

தொடத் தொடத் தொல்காப்பியம் (110)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

‘ழ்’ – ஈற்றுப் புணர்ச்சியில் அடுத்த நூற்பா !:-

“உயிர்முன் வரினு மாயிய றிரியாது”    (புள்ளி மயங்கியல் 99)

‘உயிர்முன் வரினும்’  -  உயிரெழுத்துகளை முதலாகக் கொண்ட ‘அகல்’ , ‘உழக்கு’ , ‘ஒன்று’ , ‘இரண்டு’ முதலிய சொற்கள் ‘ஏழ்’ என்பதன் முன் வந்தாலும் !

               ‘ஆயியல் திரியாது’ – நெடுமுதல் குறுகலோ , உகரச் சாரியை வருதலோ இல்லாது , இயல்பாகப் புணரும் !

ஏழ் + அகல் = எழு வகல் ×
                          = ஏழகல் √        (அல்வழிப் புணர்ச்சி)
   
ஏழ் + உழக்கு = எழு வுழக்கு ×
                            = ஏழுழக்கு √        (அல்வழிப் புணர்ச்சி)

ஏழ் + ஒன்று = எழு வொன்று ×
                          = ஏழொன்று √        (அல்வழிப் புணர்ச்சி)

ஏழ் + இரண்டு = எழு விரண்டு ×
                                = ஏழிரண்டு √        (அல்வழிப் புணர்ச்சி)

அகல் – முகத்தல் அளவை (Mesurement of capacity)
உழக்கு – 1/8  படி

அடுத்த சொல் ‘கீழ்’ !

மேலான இதன் புணர்ச்சியைப் பார்ப்போம் ! :-


 “கீழென் கிளவி யுறழத் தோன்றும்”   (புள்ளி மயங்கியல் 100)

‘கீழ் என் கிளவி’  -  ‘கீழ்’   எனும் சொல் !

‘உறழத் தோன்றும்’  -  இப்படியும் வரும் , அப்படியும் வரும் ! வல்லொற்றுப்
                                     பெற்றும் வரும் , பெறாதும் வரும் !

கீழ் + குளம் = கீழ் குளம்  √ (வேற்றுமைப் புணர்ச்சி)
                        =  கீழ்க் குளம் √ (வேற்றுமைப் புணர்ச்சி)

இந்த இடத்து உரையில் இளம்பூரணர், சில கூடுதல் செய்திகளை வரைகிறார் !:-

“  ‘தோன்றும்’  என்றதனான் , நெடுமுதல் குறுகாது உகரம் வருதலும் கொள்க . [ஆங்கு] இயைபு வல்லெழுத்து இவ்வோத்தின் புறனடையான் வீழ்க்க” .

இதன்படி வருவன !:-

கீழ் + குளம் = கீழு குளம்  (  ‘நெடுமுதல் குறுகாது உகரம் வருதலும்’)(வேற்றுமைப்
புணர்ச்சி)

கீழ் + சேரி = கீழு சேரி  (  ‘நெடுமுதல் குறுகாது உகரம் வருதலும்’)(வேற்றுமைப் புணர்ச்சி)

                  கீழ் + தோட்டம் = கீழு தோட்டம்  (  ‘நெடுமுதல் குறுகாது உகரம் வருதலும்’)    (வேற்றுமைப் புணர்ச்சி)

கீழ் + பாடி = கீழு பாடி  (  ‘நெடுமுதல் குறுகாது உகரம் வருதலும்’)(வேற்றுமைப் புணர்ச்சி)

- இந்தப் புணர்ச்சிகள் இப்போது , பெரும்பாலும் , வழக்கில் இல்லை !

வரலாற்று முறையில் தமிழ்ப் புணர்ச்சிகளை ஆய்வோர்க்கு (Historical Grammar)இந்த விவரங்கள் தேவையானவையே !

மேல் புணர்ச்சிகள் , ‘கீழுக் குளம் , கீழுச் சேரி, கீழுத்தோட்டம் , கீழுப் பாடி’ என்றெல்லாம் வல்லொற்றுப் பெறாவா?

இதற்கு விடை , மேல் இளம்பூரணர் உரையில் உள்ளது ! அவர்தான் , “இயைபு வல்லெழுத்து இவ்வோத்தின் புறனடையான் வீழ்க்க !” என்று சொன்னாரே ?

அஃதாவது, புள்ளி மயங்கியல் நூற்பா 110தான் , இளம்பூரணர் குறித்த ‘புறனடை’ !

அதன்படி , வேற்றுமைப் புணர்ச்சியில் , ‘விழன் குளம்’ என்று வருமே தவிர , ‘விழற் கூளம்’ என வராது என்று இளம்பூரணர் எடுத்துக்காட்டுத் தந்துள்ளார் !அந்த விதியை இங்கும் (புள்.100) இணைத்து , ‘கீழு குளம் , கீழு சேரி , கீழு தோட்டம் , கீழு பாடி’ என்றே கொள்க என்பதே இளம்பூரணர் உரை !

மேல் இளம்பூரணர் உரை நடுவே , ‘[ஆங்கு] ’ என்று பகர அடைப்புக்குள் போட்டிருந்ததைக் கவனித்தீர்களா?  

இவ்வாறு பகர அடைப்புக்குள் இருப்பவை , மூலத்தில் இல்லாது பதிப்பாசிரியரால் போடப்பட்டவை என்று விளங்கிக் கொள்ளவேண்டும் !

சுவடிப் பதிப்பில்  (Editing of Manuscripts) , குறிக்கத் தக்கது இது!

                                    ***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

[b]தொடத் தொடத் தொல்காப்பியம் (111)[/b]

Post by Dr.S.Soundarapandian on Fri Aug 09, 2013 12:21 pm

தொடத் தொடத் தொல்காப்பியம் (111)
-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33


எழுத்ததிகாரத்துப் புள்ளி மயங்கியலில் இதுவரை ‘ழ்’ ஈற்றுச் சொற்களின் புணர்ச்சிகளை ஆய்ந்தோம் !

இப்போது , ‘ள்’ ஈறு !

ஒன்பது நூற்பாக்களில் ‘ள்’ ஈர்றுச் சொற்புணர்ச்சிகளைத் தொல்காப்பியர் விளக்குகிறார் !

முதலாவது நூற்பா !:-

“ளகார  விறுதி  ணகார  வியற்றே”     (புள்ளி மயங்கியல் 101)
 

‘ளகார இறுதி’  - ‘ள்’ஐ ஈறாகக் கொண்டு முடியும் சொற்கள்!

‘ணகார இயற்றே’  -  ‘ண்’ஐ  ஈறாகக் கொண்டு முடிந்த சொற்களைப் போலப் புணரும் !

இப்போது , ‘ண்’ஐ  ஈறாகக் கொண்டு முடியும் சொற்புணர்ச்சி விதியை நாம் தேடிப் பிடிக்க வேண்டும் !

புள்ளி மயங்கியல் நூற்பா 7தான் அது !

அதன்படி (புள்.7),

மண் + குடம் = மட் குடம் (வேற்றுமைப் புணர்ச்சி)

இதே விதிப்படிக் கீழ்வரும் புணர்ச்சிகள் அமையும் ! :-

முள் + குறை = முட் குறை (வேற்றுமைப் புணர்ச்சி)
முள் + சிறை = முட் சிறை (வேற்றுமைப் புணர்ச்சி)

முள் + தலை = முட் டலை (வேற்றுமைப் புணர்ச்சி)

முள் + புறம் = முட் புறம் (வேற்றுமைப் புணர்ச்சி)

- இந்த நான்கும் வல்லெழுத்தை முதலாகக் கொண்ட சொற்கள் வந்து புணர்ந்ததற்கே
சான்றுகள்!  
அப்படியானால் மெல்லெழுத்தை முதலாகக் கொண்ட சொற்கள் வந்து புணர்ந்தால் ?

                                       அதற்கு வேறு விதி ! :-

                        “மெல்லெழுத்  தியையின்  ணகார  மாகும்” (புள்ளி மயங்கியல் 102)

                                        இதன்படி அமையும் புணர்ச்சிகள் ! :-
முள் + ஞெரி = முண் ஞெரி  (வேற்றுமைப் புணர்ச்சி)
முள் + நுனி = முண்ணுனி  (வேற்றுமைப் புணர்ச்சி)
முள் + முறி = முண் முறி  (வேற்றுமைப் புணர்ச்சி)

இந்த இடத்தில் , இளம்பூரணர் , “அல்வழிக்கும் இம் முடிபு கொள்க” என்கிறார் !  இதற்கு அவர் கூறும் காரணம் , “அல்வழியது எடுத்துக் கோடற்கண் வைத்தலின்” என்பதாகும் !

                                        இதன் பொருள் ?

                                          வேற்றுமைப் புணச்சி கூறி முடிந்ததும் , அல்வழிப் புணர்ச்சி கூறத் தொடங்கும் இடத்தில்  வைத்துத் தொல்காப்பியர் கூறியுள்ளதால் , அல்வழி முடிபையும் கொள்ளலாம் என்பது இளம்பூரணர் கூறவந்தது !
             
                                          எடுத்துக் கோடற்கண் – தொடங்கும் இடத்தில் .
இதன்படி ,
முள் + ஞெரிந்தது = முண் ஞெரிந்தது (அல்வழிப் புணர்ச்சி)
முள் + நீண்டது = முண் ணீண்டது (அல்வழிப் புணர்ச்சி)
முள் + மாண்டது = முண் மாண்டது (அல்வழிப் புணர்ச்சி)
எனப் புணரும் !
‘தாள்’ (Paper) என்ற வேறு ளகர ஈற்றுச் சொல்லைக் கொண்டு கூறுவதானால் ,
தாள் + சுவடி = தாட்  சுவடி (வேற்றுமைப் புணர்ச்சி)
தாள் + நீளமானது = தா ணீளமானது (அல்வழிப் புணர்ச்சி)

                                 ‘முட் குறை’ யைப் பார்த்தோமல்லவா?

                                     தமிழ் மரபிலக்கணத்தில் இது – 7ஆம் வேற்றுமைத் தொகை. ‘முள்ளின் கண் குறை’ என்று விரியும்போது ‘கண்’ தலையை நீட்டுகிறது பார்த்தீர்களா? அதை ‘லபக்’கென்று பிடித்து ஒரு கைக்குட்டையில் வைத்துக்கொள்ளவேண்டும்! அந்த 7ஆம் வேற்றுமை உருபை வைத்துத்தான் நாம் ‘7ஆம் வேற்றுமைத் தொகை’என்கிறோம்!

                                   மொழியியலில் ,  ‘முட் குறை’யை – ‘Locative noun + Noun ’ என்று எழுதுவார்கள் !
***


Last edited by Dr.S.Soundarapandian on Fri Aug 09, 2013 12:25 pm; edited 1 time in total (Reason for editing : Title not posted)
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (112)

Post by Dr.S.Soundarapandian on Fri Aug 09, 2013 12:59 pm

தொடத் தொடத் தொல்காப்பியம் (112)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

  ‘ள்’ ஈறு தொடர்கிறது ! :-

                                     “அல்வழி யெல்லா முறழென மொழிப” (புள்ளி மயங்கியல் 103)

                                        அஃதாவது , ‘ள்’ ஈற்றுச் சொற்கள் , அல்வழிப் புணர்ச்சிகளில் , ஈறு திரிபு பெற்றும் , திரிபு பெறாது இயல்பாயும் புணரும் !

                                       முள் + கடிது = முள் கடிது √ (இயல்பு) (அல்வழிப் புணர்ச்சி)
= முட் கடிது √ (திரிபு ) (அல்வழிப் புணர்ச்சி)

                                       முள் + சிறிது = முள் சிறிது √ (இயல்பு) (அல்வழிப் புணர்ச்சி)
= முட் சிறிது √ (திரிபு ) (அல்வழிப் புணர்ச்சி)

                                       முள் + தீது = முள் தீது √ (இயல்பு) (அல்வழிப் புணர்ச்சி)
= முட்  டீது √ (திரிபு ) (அல்வழிப் புணர்ச்சி)

                                         முள் + பெரிது = முள் பெரிது √ (இயல்பு) (அல்வழிப் புணர்ச்சி)
= முட்  பெரிது √ (திரிபு ) (அல்வழிப் புணர்ச்சி)

                                           மேலே வந்த ‘உறழ்ச்சி’ அல்வழிப் புணர்ச்சிகளுக்குத்தான் ! தொல்காப்பிய விதி (புள். 103) இதுதான் !

                                        ஆனால், இளம்பூரணர் , “குணவேற்றுமைக் கண்ணும் இவ் வுறழ்ச்சி கொள்க” என்கிறார் தம் உரையில் !

                                            குணப் பெயர் -  பண்புப் பெயர் (Abstract noun) .

                                           ‘ள்’ ஈற்றுச் சொற்களுடன் , குணப்பெயர்கள் வந்து சேர்ந்தால் , அவற்றிலும் மேற்சொன்ன ‘உறழ்ச்சி’ இருக்கும் என்பதே இளம்பூரணர் கூறியது ! :-

  முள் + குறுமை = முள் குறுமை √   (வேற்றுமைப் புணர்ச்சி)
= முட் குறுமை    √   (வேற்றுமைப் புணர்ச்சி)

முள் + சிறுமை = முள் சிறுமை √   (வேற்றுமைப் புணர்ச்சி)
= முட்  சிறுமை    √   (வேற்றுமைப் புணர்ச்சி)

                      முள் + தீமை = முள் தீமை √   (வேற்றுமைப் புணர்ச்சி)
= முட்  டீமை    √   (வேற்றுமைப் புணர்ச்சி)

  முள் + பெருமை = முள் பெருமை √   (வேற்றுமைப் புணர்ச்சி)
= முட்  பெருமை    √   (வேற்றுமைப் புணர்ச்சி)

  கோள் + கடுமை = கோள் கடுமை √   (வேற்றுமைப் புணர்ச்சி)
= கோட் கடுமை    √   (வேற்றுமைப் புணர்ச்சி)

மேலும் இளம்பூரணர் ,  “இன்னும் அதனானே , உருபு வாராது உருபின் பொருள்பட வந்தவற்றின் முடிபுங் கொள்க’’ என்கிறார் !

                              உருபு – வேற்றுமை உருபு (Case marker)

                              இளம்பூரணர் தந்த ’அதோள் கொண்டான்’ முதலிய எடுத்துக்காட்டுச் சொற்களை அவரின் மேலைக் கருத்துடன் ஆயலாம் !

                    அதோள் – அவ்விடத்து .

                   ‘அதோள் கொண்டான்’ என்பதில் , வேற்றுமை உருபு எதுவும் இல்லை !

                     ஆனால் ,  ‘அவ்விடத்தில் கொண்டான்’ என்ற பொருளைப் பெறமுடிகிறது ! ‘உருபு வாராது , உருபின் பொருள் வருவது’ என்பது இதுதான் ! இப்படி வருமிடங்களில் , ‘ள்’ ஈற்றில் திரிபு வரும் என்கிறார் இளம்பூரணர் ! :-

                    அதோள் + கொண்டான் = அதோட்  கொண்டான் (வேற்றுமைப் புணர்ச்சி)
இதோள் + கொண்டான் = இதோட்  கொண்டான் (வேற்றுமைப் புணர்ச்சி)
 உதோள் + கொண்டான் = உதோட்  கொண்டான் (வேற்றுமைப் புணர்ச்சி)

அதோள் + சென்றான் = அதோட்  சென்றான் (வேற்றுமைப் புணர்ச்சி)
இதோள் + சென்றான் = இதோட்  சென்றான் (வேற்றுமைப் புணர்ச்சி)
 உதோள் + சென்றான் = உதோட்  சென்றான் (வேற்றுமைப் புணர்ச்சி)

அதோள் + தந்தான் = அதோட்  தந்தான் (வேற்றுமைப் புணர்ச்சி)
இதோள் + தந்தான் = இதோட்  தந்தான் (வேற்றுமைப் புணர்ச்சி)
 உதோள் + தந்தான் = உதோட்  தந்தான் (வேற்றுமைப் புணர்ச்சி)
அதோள் + போயினான் = அதோட்  போயினான் (வேற்றுமைப் புணர்ச்சி)
இதோள் + போயினான் = இதோட்  போயினான் (வேற்றுமைப் புணர்ச்சி)
 உதோள் +போயினான் = உதோட்  போயினான் (வேற்றுமைப் புணர்ச்சி)

‘அதோள்’ , ‘இதோள்’ முதலியன இன்று நம் வழக்கில் இல்லை!
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (113)

Post by Dr.S.Soundarapandian on Fri Aug 09, 2013 9:43 pm

தொடத் தொடத் தொல்காப்பியம் (113)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33


அல்வழிப் புணர்ச்சியில் , ‘முள் + தீது = முள் தீது ; முட்டீது’ ஆகிய இரு வழிகளிலும் புணரும் என்று முன் கட்டுரையில் பார்த்தோம் !

இதே புணர்ச்சி , ‘முஃடீது’ என்றும் வரலாம் என்கிறார் அடுத்துத் தொல்காப்பியர் ! :-

“ஆய்த  நிலையலும் வரைநிலை யின்றே
தகரம் வரூஉங் காலை யான ”       (புள்ளி மயங்கியல் 104)

ஆகத் , தொல்காப்பியத்தின்படி  (புள். 103,104) ,

முள் + தீது = முள் தீது √   (அல்வழிப் புணர்ச்சி)
=முட் டீது √   (அல்வழிப் புணர்ச்சி)
=முஃ டீது √   (அல்வழிப் புணர்ச்சி)

ஆய்த எழுத்தின் பயன்பாடு இன்று அருகிவிட்டது !பழந் தமிழில் ஓரளவுக்குப் பயிற்சி இருந்தது !
தொல்காப்பிய முதல் நூற்பாவிலேயே ‘முப்பஃது’ என்றுதான் வருகிறது !
திருக்குறளில் ‘கஃசா’ வருகிறது  என்பது கப்சா அல்ல!
வரலாற்றில் ‘பஃறுளி’ ஆறு ஓடுகிறது ! (பல் + துளி= பஃறுளி).
இங்கே பார்த்த எல்லா ஆய்தங்களுமே ஆய்தக் குறுக்கங்களே(Shortened ஃ) !
ஆய்தக் குறுக்கத்திற்கு மாத்திரை ¼ ; முழு ஆய்தத்திற்கு மாத்திரை ½ .
ஆய்தம் ,உயிரெழுத்தா  மெய்யெழுத்தா?
இரண்டும் இல்லை !
தொல்காப்பியர் கருத்துப்படி , ஆய்தம் சார்பெழுத்து (நூன் மரபு 2)!
மொழியியலில் ஆய்தத்தை அரை உயிர் (Semi vowel) என்பர் ! ‘Liqiud’ என்பதும் இதுவே !
ஆய்தத்தின் பிறப்பை மொழியியலில் , ‘Voiceless  Velar Fricative’ எனக் குறிப்பர் !

‘ள்’ ஈற்றைத் தொடர்வோம் ! :-

                         “நெடியத  னிறுதி  யியல்பா  குநவும்
            வேற்றுமை யல்வழி வேற்றுமை  நிலையலும்
போற்றல் வேண்டு  மொழியுமா  ருளவே ”    (புள்ளி மயங்கியல் 105)

‘நெடியதன் இறுதி’  -   நெடில் எழுத்தின் அருகே வரும் ‘ள்’ ! ‘வாள்’ போன்ற சொல் !

‘இயல்பாகுந’  -  இயல்பாகப் புணரும் ; திரிபு இருக்காது !

‘வேற்றுமை யல்வழி வேற்றுமை நிலையல்’  -  அல்வழிப் புணர்ச்சியில் வேற்றுமைப் புணர்ச்சி போலத் திரிபு அமைந்து !

‘போற்றல் வேண்டும்’ -  புணர்ச்சி நெறியைக் கைக்கொள்ள வேண்டும் !

இதன்படி ,

வாள் + கடிது = வாள் கடிது (இயல்பு) (அல்வழிப் புணர்ச்சி)
வாள் + சிறிது = வாள் சிறிது (இயல்பு) (அல்வழிப் புணர்ச்சி)
வாள் + தீது = வாள் தீது (இயல்பு) (அல்வழிப் புணர்ச்சி)
வாள் + பெரிது = வாள் பெரிது (இயல்பு) (அல்வழிப் புணர்ச்சி)


கோள் + கடிது = கோள் கடிது (இயல்பு) (அல்வழிப் புணர்ச்சி)
கோள் + சிறிது = கோள் சிறிது (இயல்பு) (அல்வழிப் புணர்ச்சி)
கோள் + தீது = கோள் தீது (இயல்பு) (அல்வழிப் புணர்ச்சி)
கோள் + பெரிது = கோள் பெரிது (இயல்பு) (அல்வழிப் புணர்ச்சி)

தோள் + கடிது = தோள் கடிது ×
= தோட்  கடிது √  (திரிபு) (அல்வழிப் புணர்ச்சி)
தோள் + சிறிது = தோள் சிறிது ×
= தோட்  சிறிது √  (திரிபு) (அல்வழிப் புணர்ச்சி)
தோள் + தீது = தோள்  தீது ×
= தோட்  டீது √  (திரிபு) (அல்வழிப் புணர்ச்சி)
தோள் + பெரிது = தோள் கடிது ×
= தோட் பெரிது √  (திரிபு) (அல்வழிப் புணர்ச்சி)


நாள் + கடிது = நாள் கடிது ×
= நாட்  கடிது √  (திரிபு) (அல்வழிப் புணர்ச்சி)
நாள் + சிறிது = தோள் சிறிது ×
= நாட்  சிறிது √  (திரிபு) (அல்வழிப் புணர்ச்சி)
நாள் + தீது = நாள்  தீது ×
= நாட்  டீது √  (திரிபு) (அல்வழிப் புணர்ச்சி)
நாள் + பெரிது = நாள் கடிது ×
= நாட்  பெரிது √  (திரிபு) (அல்வழிப் புணர்ச்சி)


இளம்பூரணர் , தம் உரையில் , “உதளங் காய் ; செதிள் , தோல் , பூ என அம்முப் பெற்று முடிவன கொள்க” என்கிறார் !   :-

உதள் + காய் = உதள் காய் ×
= உதட்  காய் ×
= உதளங் காய் √ (அம் - சாரியை) (வேற்றுமைப் புணர்ச்சி)

உதள் + செதிள் = உதள் செதிள் ×
= உதட்  செதிள் ×
= உதளஞ் செதிள் √ (அம் - சாரியை) (வேற்றுமைப் புணர்ச்சி)


உதள் + தோல் = உதள் தோல் ×
= உதட்  டோல் ×
= உதள ந் தோல் √ (அம் - சாரியை) (வேற்றுமைப் புணர்ச்சி)

உதள் + பூ = உதள் பூ ×
= உதட்  பூ ×
= உதளம்  பூ √ (அம் - சாரியை) (வேற்றுமைப் புணர்ச்சி)

இதே புள்ளிமயங்கியல் நூற்பா 80இல் , ‘பூலங் கோடு’ என அம் சாரியை பெறும் புணர்ச்சியை நாம் பார்த்தோம் ! அந்த இடத்தில் இளம்பூரணர் ‘உதளங் கோடு’ பற்றிக் கூறியிருக்கலாமே? – ஐயம் !

நூற்பா 80 லகர  ஈறு பற்றியதாதலால் அங்கு கூறவில்லை !

சரி ! இந்த நூற்பாவில் (புள். 105) அல்வழிப் புணர்ச்சிகளைத்தானே கூறிவந்தார் ?; ஏன் ‘உதளங்காய்’ என வேற்றுமைப் புணர்ச்சி கூறவேண்டும் ?

இந்தப் பகுதி ளகர ஈற்றுப் பகுதி ! இப் பகுதிக்கு முன்பும் பின்பும் ‘உதள்’ பற்றிய புணர்ச்சி கூற இடம் இல்லை ! எனவேதான் இளம்பூரணர் இங்கேயே முடித்தார் !
‘உதள்’ என்பதற்கு உதள்மரம் என்ற ஒரு பொருளைத்தான் இளம்பூரணர் சுட்டினார் ! மரம் என்பதற்கு ஏற்பவே  ‘காய்’ , ‘பூ’ என்றெல்லாம் குறித்தார் !

‘உதள்’ என்றால் ‘ஆண் ஆடு ’ எனவும் ஒரு பொருள் உண்டு (தொல். மரபு. 47) . ( ஆண் ஆடு – கிடாய் ; Ram)

நச்சினார்க்கினியர் இதனைப் பிடித்துக்கொண்டார் ! பிடித்து ,  “உதள் என்பது யாட்டினை உணர்த்துங்கால் ,முற்கூறிய முடிபுகள்,  இருவழிக்கும் ஏற்றவாறே முடிக்க” என்றார் !

யாட்டினை – ஆட்டை

இருவழிக்கும் – வேற்றுமைப் புணர்ச்சிக்கும் , அல்வழிப் புணர்ச்சிக்கும் .

நச்சினார்க்கினியர் தந்த எடுத்துக்காட்டுகளை  ‘இருவழியிலும்’ வருமாறு விளக்கலாம் ! :-

உதள் + கோடு = உதட்  கோடு (திரிபு) (வேற்றுமைப் புணர்ச்சி)

(கோடு – கொம்பு; Horn)

உதள் + கடிது = உதள் கடிது (இயல்பு ) (அல்வழிப் புணர்ச்சி)

உதள் + நன்று = உதணன்று (திரிபு) (அல்வழிப் புணர்ச்சி)

இளம்பூரணர் குறித்த ‘உதள்’ மரத்தைப் பார்க்க ஆசையா ?
இதுதான் உதள் மரம் ! :-
[You must be registered and logged in to see this link.]
 Courtesy – ntbg.org

உதள் மரத்திற்குக் ‘காட்டு மாமரம்’ என்றும் ஒரு பெயர் உண்டு ! இதன் காய் மாங்காய் போலவே இருக்கும் !இதன் பருப்பு விசத்தன்மை கொண்டது ! தற்கொலை செய்வோர் இதனை உண்பராம் ! இதனால் இம் மரத்திற்கே ‘தற்கொலை மரம்’ (Suicide tree) என்றும் பெயர் ! பூ , நறுமணம் உள்ளது. இதன் தாவரவியல் பெயர்-Cerbera odollam . இதன் தாயகம் இந்தியா என்கின்றனர் ! இங்கே தமிழர்கள் சுறுசுறுப்புக் காட்டவேண்டும் ! இம்மரம் முதலில் தமிழகத்தில் தோன்றியதா ? என்று ஆயவேண்டும் ! கீழே உதள் மரத்தின் பூவும் காய்களும் ! :-
(Couresy- Toptropicals.com)http://img41.imageshack.us/img41/1730/opr9.
[You must be registered and logged in to see this link.]




***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (114)

Post by Dr.S.Soundarapandian on Sat Aug 10, 2013 2:40 pm

தொடத் தொடத் தொல்காப்பியம் (114)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

‘ள்’ ஈற்றில் அடுத்த நூற்பா !:-

“தொழிற்பெய  ரெல்லாந் தொழிற்பெய ரியல” (புள்ளி மயங்கியல் 106)

தொல்காப்பியக் கண்ணாமூச்சிகளில் இதுவும் ஒன்று !

முன் நூற்பாக்களைப் படித்தால்தான் இந் நூற்பா விளங்கும் !

‘தொழிற்பெயர் இயல’ – ஞகார ஈற்றுத் தொழிற்பெயர் போல !

அஃதாவது , ஞகார ஈற்றுத் தொழிற்பெயரான ‘உரிஞ்’ என்பது , வேற்றுமையில் , வல்லெழுத்து வரும்போது , ‘உரிஞுக் கடுமை’ என்றும் , அல்வழியில் , வல்லெழுத்து வரும்போது, ‘உருஞுக் கடிது’ என்றும் , வேற்றுமையில் , மெல்லெழுத்து வரும்போது , ‘உரிஞு மாட்சி’ என்றும் , அல்வழியில் மெல்லெழுத்து வரும்போது , ‘உரிஞு மாண்டது’ என்றும் , புள்ளி மயங்கியல் நூற்பாக்கள் 1,2 ஆகியவற்றால் விதித்தார் தொல்காப்பியர் !

அவற்றையே ‘ள்’ ஈற்றுக்கும் வைத்துக் கொள்க என்று இங்கு (புள். 106) குறிக்கிறார் அவர் !

இதன்படி ,

துள் + கடிது = துள்ளுக் கடிது (வன் கணம் புணர்ந்தது) (அல்வழிப் புணர்ச்சி)
துள் + சிறிது = துள்ளுச் சிறிது (வன் கணம் புணர்ந்தது) (அல்வழிப் புணர்ச்சி)
துள் + தீது = துள்ளுத் தீது (வன் கணம் புணர்ந்தது) (அல்வழிப் புணர்ச்சி)
துள் + பெரிது = துள்ளுப் பெரிது (வன் கணம் புணர்ந்தது) (அல்வழிப் புணர்ச்சி)

துள் + ஞான்றது = துள்ளு ஞான்றது (மென் கணம் புணர்ந்தது) (அல்வழிப் புணர்ச்சி)
துள் + நீண்டது = துள்ளு நீண்டது (மென் கணம் புணர்ந்தது) (அல்வழிப் புணர்ச்சி)
துள் + மாண்டது = துள்ளு மாண்டது (மென் கணம் புணர்ந்தது) (அல்வழிப் புணர்ச்சி)

துள் + வலிது = துள்ளு வலிது (இடைக் கணத்தில் வகரம் புணர்ந்தது) (அல்வழிப் புணர்ச்சி)

துள் + கடுமை = துள்ளுக் கடுமை (வன் கணம் புணர்ந்தது) (வேற்றுமைப் புணர்ச்சி)
துள் + சிறுமை = துள்ளுச் சிறுமை (வன் கணம் புணர்ந்தது) (வேற்றுமைப் புணர்ச்சி)
துள் + தீமை = துள்ளுத் தீமை (வன் கணம் புணர்ந்தது) (வேற்றுமைப் புணர்ச்சி)
துள் + பெருமை = துள்ளுப் பெருமை (வன் கணம் புணர்ந்தது) (வேற்றுமைப் புணர்ச்சி)

துள் + ஞாற்சி = துள்ளு ஞாற்சி (மென் கணம் புணர்ந்தது) (வேற்றுமைப் புணர்ச்சி)
துள் + நீட்சி = துள்ளு நீட்சி (மென் கணம் புணர்ந்தது) (வேற்றுமைப் புணர்ச்சி)
துள் + மாட்சி = துள்ளு மாட்சி (மென் கணம் புணர்ந்தது) (வேற்றுமைப் புணர்ச்சி)

துள் + வலிமை = துள்ளு வலிமை (இடைக் கணத்தில் வகரம் புணர்ந்தது)        
(வேற்றுமைப் புணர்ச்சி)

துள் – முதனிலைத் தொழிற்பெயர் ; மொழியியலில் , Verbal Noun Base .

‘துள்ளல்’ , ‘துள்ளுதல்’ – ஆகிய தொழிற் பெயர்களை நீங்கள் நினைத்துக்கொண்டால் , ‘துள்’ என்பது முதனிலைத் தொழிற்பெயர் என்பது விளங்கிவிடும் !

இந் நூற்பா (புள். 106) உரையில் , இளம்பூரணர் , “தொழிற் பெயர்கள் இருவழியும் இவ்வாறன்றிப் , பிறவாறு முடிவனவும் கொள்க!” என்கிறார் !

இரு வழியும் -  வேற்றுமையிலும் , அல்வழியிலும் .

இதற்கு இளம்பூரணர் தரும் எடுத்துக்காட்டுகளை வருமாறு பிரித்தெழுதலாம் ! :-

கோள் + கடிது = கோள் கடிது √  (அல்வழிப் புணர்ச்சி)
கோள் + கடிது = கோட் கடிது √  (அல்வழிப் புணர்ச்சி)

கோள் + சிறிது = கோள் சிறிது √  (அல்வழிப் புணர்ச்சி)
கோள் + சிறிது = கோட்  சிறிது √  (அல்வழிப் புணர்ச்சி)

கோள் + தீது = கோள் தீது √  (அல்வழிப் புணர்ச்சி)
கோள் + தீது = கோட்  டீது √  (அல்வழிப் புணர்ச்சி)

கோள் + பெரிது = கோள் பெரிது √  (அல்வழிப் புணர்ச்சி)
கோள் + பெரிது = கோட்  பெரிது √  (அல்வழிப் புணர்ச்சி)


வாள் + கடிது = வாள் கடிது √  (அல்வழிப் புணர்ச்சி)
வாள் + கடிது = வாட் கடிது √  (அல்வழிப் புணர்ச்சி)

வாள் + சிறிது = வாள் சிறிது √  (அல்வழிப் புணர்ச்சி)
வாள் + சிறிது = வாட்  சிறிது √  (அல்வழிப் புணர்ச்சி)

வாள் + தீது = வாள் தீது √  (அல்வழிப் புணர்ச்சி)
வாள் + தீது = வாட்  டீது √  (அல்வழிப் புணர்ச்சி)

வாள் + பெரிது = வாள் பெரிது √  (அல்வழிப் புணர்ச்சி)
வாள் + பெரிது = வாட்  பெரிது √  (அல்வழிப் புணர்ச்சி)


கோள் + கடுமை = கோள் கடுமை √  (வேற்றுமைப் புணர்ச்சி)
கோள் + கடுமை = கோட்  கடுமை √  (வேற்றுமைப் புணர்ச்சி)

கோள் + சிறுமை = கோள் சிறுமை √  (வேற்றுமைப் புணர்ச்சி)
கோள் + சிறுமை = கோட்  சிறுமை √  (வேற்றுமைப் புணர்ச்சி)

கோள் + தீமை = கோள் தீமை √  (வேற்றுமைப் புணர்ச்சி)
கோள் + தீமை = கோட்  டீமை √  (வேற்றுமைப் புணர்ச்சி)

கோள் + பெருமை = கோள் பெருமை √  (வேற்றுமைப் புணர்ச்சி)
கோள் + பெருமை = கோட்  பெருமை √  (வேற்றுமைப் புணர்ச்சி)


வாள் + கடுமை = வாள் கடுமை √  (வேற்றுமைப் புணர்ச்சி)
வாள் + கடுமை = வாட்  கடுமை √  (வேற்றுமைப் புணர்ச்சி)

வாள் + சிறுமை = வாள் சிறுமை √  (வேற்றுமைப் புணர்ச்சி)
வாள் + சிறுமை = வாட்  சிறுமை √  (வேற்றுமைப் புணர்ச்சி)

வாள் + தீமை = வாள் தீமை √  (வேற்றுமைப் புணர்ச்சி)
வாள் + தீமை = வாட்  டீமை √  (வேற்றுமைப் புணர்ச்சி)

வாள் + பெருமை = வாள் பெருமை √  (வேற்றுமைப் புணர்ச்சி)
வாள் + பெருமை = வாட்  பெருமை √  (வேற்றுமைப் புணர்ச்சி)


ஆமாம் ! ‘வாள்’ என்பது பெயர்ச்சொல் (Noun) அல்லவா? இஃது எப்படித் தொழிற் பெயர் ஆகும் ? – ஐயம் !

இளம்பூரணர் இதற்கு விடை தருகிறார் ! -  “வாள் என்றது கொல்லுதலை” ! (புள்.106 உரை)

மொழியியலில் , ‘வாட் கடுமை’ என்பதை ‘Genitive Noun + Noun’ என்று பகுத்தாய்வர் !

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (115)

Post by Dr.S.Soundarapandian on Sat Aug 10, 2013 10:06 pm

தொடத் தொடத் தொல்காப்பியம் (115)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33


அடுத்து , ‘ள்’ ஈற்றில் , ‘இருள்’ என்ற சொல்லுக்கு வெளிச்சம் போடுகிறார் தொல்காப்பியர் ! :-

“இருளென் கிளவி வெயிலிய  னிலையும்” (புள்ளி மயங்கியல் 107)

இலக்கணத்தைச் சுவைபடத் தர வேண்டும் என்ற ஒரு எண்ணம் தொல்காப்பியருக்கு இருந்தமைக்கு இந்த இடம் சான்று !

‘இருள்’ எப்படிப் புணரும் என்றால் , ‘வெயில்’ போலப் புணரும் என்கிறார் ! முரண் தொடை (Antithesis) நயம் உள்ளது!

சரி ! ‘வெயில்’ பற்றி எங்கே சொன்னார் ?

புள்ளி மயங்கியல் நூற்பா 82இல் , வேற்றுமைப் புணர்ச்சியில் , ‘வெயில்’ எனும் ‘ல்’ ஈற்றுச் சொல் ,  ‘அத்து’ச்  சாரியையும் , ‘இன்’சாரியையும் பெறும் என்று ஏற்கனவே சொல்லியுள்ளார் ! அதனை இங்கு கொணர வேண்டும் !

கொணர்ந்தால் –
இருள் + அத்து + கொண்டான் = இருளத்துக் கொண்டான் (அத்துச் சாரியை)(வேற்றுமைப் புணர்ச்சி)
இருள் + இன் + கொண்டான் = இருளிற் கொண்டான் (இன் சாரியை)(வேற்றுமைப் புணர்ச்சி)

இருள் + அத்து + சென்றான் = இருளத்துச் சென்றான் (அத்துச் சாரியை)(வேற்றுமைப் புணர்ச்சி)
இருள் + இன் + சென்றான் = இருளிற் சென்றான் (இன் சாரியை)(வேற்றுமைப் புணர்ச்சி)

இருள் + அத்து + தந்தான் = இருளத்துத் தந்தான் (அத்துச் சாரியை)(வேற்றுமைப் புணர்ச்சி)
இருள் + இன் + தந்தான் = இருளிற் றந்தான் (இன் சாரியை)(வேற்றுமைப் புணர்ச்சி)

இருள் + அத்து + போயினான் = இருளத்துப் போயினான் (அத்துச் சாரியை)(வேற்றுமைப்
புணர்ச்சி)
இருள் + இன் + போயினான் = இருளிற் போயினான் (இன் சாரியை)(வேற்றுமைப் புணர்ச்சி)

அடுத்துப் -  ‘புள்’ , ‘வள்’ ! :-

“புள்ளும் வள்ளுந் தொழிற்பெய ரியல” (புள்ளி மயங்கியல் 108)

‘உரிஞ்’ என்ற தொழிற்பெயரை (புள். 1,2) நினைப் பூட்டுகிறார் தொல்காப்பியர் ! அதன்படிதான் ‘புள்’ , ‘வள்’ என்கிறார் அவர் !

இதன்படி –

புள் + கடிது = புள்ளுக் கடிது (உகரச் சாரியை)(அல்வழிப் புணர்ச்சி)
புள் + சிறிது = புள்ளுச் சிறிது (உகரச் சாரியை (அல்வழிப் புணர்ச்சி)
புள் + தீது = புள்ளுத்  தீது (உகரச் சாரியை (அல்வழிப் புணர்ச்சி)
புள் + பெரிது = புள்ளுப் பெரிது (உகரச் சாரியை (அல்வழிப் புணர்ச்சி)

புள் + ஞான்றது = புள்ளு ஞான்றது (உகரச் சாரியை)(அல்வழிப் புணர்ச்சி)
புள் + நீண்டது = புள்ளு நீண்டது (உகரச் சாரியை)(அல்வழிப் புணர்ச்சி)
புள் + மாண்டது = புள்ளு மாண்டது (உகரச் சாரியை)(அல்வழிப் புணர்ச்சி)

புள் + வலிது = புள்ளு வலிது (உகரச் சாரியை)(அல்வழிப் புணர்ச்சி)

வள் + கடிது = வள்ளுக் கடிது (உகரச் சாரியை)(அல்வழிப் புணர்ச்சி)
வள் + சிறிது = வள்ளுச் சிறிது (உகரச் சாரியை (அல்வழிப் புணர்ச்சி)
வள் + தீது = வள்ளுத்  தீது (உகரச் சாரியை (அல்வழிப் புணர்ச்சி)
வள் + பெரிது = வள்ளுப் பெரிது (உகரச் சாரியை (அல்வழிப் புணர்ச்சி)

வள் + ஞான்றது = வள்ளு ஞான்றது (உகரச் சாரியை)(அல்வழிப் புணர்ச்சி)
வள் + நீண்டது = வள்ளு நீண்டது (உகரச் சாரியை)(அல்வழிப் புணர்ச்சி)
வள் + மாண்டது = வள்ளு மாண்டது (உகரச் சாரியை)(அல்வழிப் புணர்ச்சி)

வள் + வலிது = வள்ளு வலிது (உகரச் சாரியை)(அல்வழிப் புணர்ச்சி)

புள் + கடுமை = புள்ளுக் கடுமை (உகரச் சாரியை)(வேற்றுமைப் புணர்ச்சி)
புள் + சிறுமை = புள்ளுச் சிறுமை (உகரச் சாரியை) (வேற்றுமைப் புணர்ச்சி)
புள் + தீமை = புள்ளுத்  தீமை (உகரச் சாரியை) (வேற்றுமைப் புணர்ச்சி)
புள் + பெருமை = புள்ளுப் பெருமை (உகரச் சாரியை )(வேற்றுமைப் புணர்ச்சி)

புள் + ஞாற்சி = புள்ளு ஞாற்சி (உகரச் சாரியை)(வேற்றுமைப் புணர்ச்சி)
புள் + நீட்சி = புள்ளு நீட்சி (உகரச் சாரியை)(வேற்றுமைப் புணர்ச்சி)
புள் + மாட்சி = புள்ளு மாட்சி (உகரச் சாரியை)(வேற்றுமைப் புணர்ச்சி)

புள் + வலிமை = புள்ளு வலிமை (உகரச் சாரியை)(வேற்றுமைப் புணர்ச்சி)

இளம்பூரணர் உரையில் , “இரு வழியும் வேற்றுமைத் திரிபு எய்தி முடிவனவும் கொள்க”என்றார் !

இதற்கு அவர் தந்த சான்றுகளை வருமாறு விரிக்கலாம் ! :-

புள் + கடிது = புட் கடிது (அல்வழிப் புணர்ச்சி)
புள் + சிறிது = புட் சிறிது (அல்வழிப் புணர்ச்சி)
புள் + தீது = புட் டீது (அல்வழிப் புணர்ச்சி)
புள் + பெரிது = புட் பெரிது (அல்வழிப் புணர்ச்சி)

புள் + ஞான்றது = புண் ஞான்றது (அல்வழிப் புணர்ச்சி)
புள் + நீண்டது = புண் ணீண்டது (அல்வழிப் புணர்ச்சி)
புள் + மாண்டது = புண் மாண்டது (அல்வழிப் புணர்ச்சி)

புள் + வலிது = புள் வலிது (அல்வழிப் புணர்ச்சி)

புள் + கடுமை = புட் கடுமை (வேற்றுமைப் புணர்ச்சி)
புள் + சிறுமை = புட் சிறுமை (வேற்றுமைப் புணர்ச்சி)
புள் + தீமை = புட்  டீமை  (வேற்றுமைப் புணர்ச்சி)
புள் + பெருமை = புட் பெருமை (வேற்றுமைப் புணர்ச்சி)

புள் + ஞாற்சி = புண் ஞாற்சி (வேற்றுமைப் புணர்ச்சி)
புள் + நீட்சி = புண் ணீட்சி (வேற்றுமைப் புணர்ச்சி)
புள் + மாட்சி = புண் மாட்சி (வேற்றுமைப் புணர்ச்சி)

புள் + வலிமை = புள் வலிமை (வேற்றுமைப் புணர்ச்சி)

இத்துடன் விட்டாரா இளம்பூரணர் ?

“பள் என்பதன்கண்ணும் , கள் என்பதன்கண்ணும் இரு வழியும் இவ்விரு முடிபு பெற்றவழிக் கொள்க” என்று கூறிச் சில சான்றுகளைத் தருகிறார் !
அவற்றை வருமாறு பிரித்து ஆயலாம் ! :-
பள் + கடிது = பள்ளுக் கடிது √  (அல்வழிப் புணர்ச்சி)
பள் + கடிது = பட்  கடிது √  (அல்வழிப் புணர்ச்சி)

பள் + கடுமை = பள்ளுக் கடுமை √  (வேற்றுமைப் புணர்ச்சி)
பள் + கடுமை = பட்  கடுமை √  (வேற்றுமைப் புணர்ச்சி)

கள் + கடிது = கள்ளுக் கடிது √  (அல்வழிப் புணர்ச்சி)
கள் + கடிது = கட்  கடிது √  (அல்வழிப் புணர்ச்சி)

கள் + கடுமை = கள்ளுக் கடுமை √  (வேற்றுமைப் புணர்ச்சி)
கள் + கடுமை = கட்  கடுமை √  (வேற்றுமைப் புணர்ச்சி)

புள் -  பறவை (‘குடம்பை தனித் தொழியப் புள் பறந்தற்றே’)
பள் – ஒரு பண் ; பள்ளர் சாதியையும் குறிக்கும் .
கள் – கள்ளுதல் (திருடுதல்)

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

Re: தொடத் தொடத் தொல்காப்பியம்(461)

Post by ராஜு சரவணன் on Sun Aug 11, 2013 8:17 am

நன்றி ஐயா புன்னகை

ராஜு சரவணன்
வழிநடத்துனர்


நிகழ்நிலை
இணையாநிலை

பதிவுகள் : 4638
மதிப்பீடுகள் : 1529

View user profile http://puthutamilan.blogspot.in/

Back to top Go down

தொடத் தொடத் தொல்காப்பியம் (116)

Post by Dr.S.Soundarapandian on Fri Aug 16, 2013 10:38 pm

தொடத் தொடத் தொல்காப்பியம் (116)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

புள்ளி மயங்கியலில் (Combination of Consonant - finals) , இப்போது ‘ள்’ ஈற்றின் கடைசி நூற்பா ! :-

“மக்க ளென்னும் பெயர்நிலைக் கிளவி
தக்கவழி யறிந்து வலித்தலு முரித்தே”  (புள்ளி மயங்கியல் 109)

               ‘மக்கள்’ என்பது உயர்திணைப் பெயர் (Personal class noun) .

உயர்திணைப் பெயராயின் , ‘எல்லா வழியும் இயல்பாகும்’ என்று முன்பே (தொகை மரபு 10) தொல்காப்பியர் விதித்துள்ளார் !

அதற்கு ஒரு விதிவிலக்குத்தான் இந்த  (புள்ளி மயங்கியல் 109) நூற்பா !

இந்த நுட்பத்தை இளம்பூரணர் உரை தருகிறது !

அந்த விதிவிலக்கு யாது ?

மக்கள் என்னும் சொல் , சில இடங்களில் வலிக்கவும் பெறும் என்பதுதான் !

அஃதாவது , ‘இயல்பாகும்’ என்ற விதிப்படி (தொகை மரபு 10)’

மக்கள் + தலை = மக்கள் தலை
என்றே வரும் என்பது இளம்பூரணர் கருத்து . ஆனால் , இறந்து கிடந்த மக்களாயின் –பிணங்களாயின்- பிணங்களின் தலையைக் குறிக்க , ‘மக்கள் + தலை = மக்கட் டலை’ என்று வரும் ; இதைத்தான் தொல்காப்பியர்(புள்ளி மயங்கியல்109) கூறுகிறார் என்பது இளம்பூரணர் வாதமாக உள்ளது !

நச்சினார்க்கினியரும் இதை ஆதரிக்கிறார் !

நச்சினார்க்கினியர் , “இக் கிடந்தது மக்கட் டலை” என்று எடுத்துக்கட்டுத் தருகிறார் !

“இங்கே கிடந்தது மக்களின் தலை” என்பது இதன் பொருள் !

ஆனால் , “சிறுபான்மை ‘மக்கட் பண்பு’ , ‘மக்கட் சுட்டு’ எனவும் வரும்” என்றும் நச்சினார்க்கினியர் கூறுகிறார் !

‘மக்கட் சுட்டு’ , ‘மக்கட் பண்பு’ முதலிய திரிந்த வடிவங்கள் தொல்காப்பியர் காலத்திலேயே வந்திருக்க வேண்டும் ! அவற்றைக் கொள்ளவேண்டும் என்பதே நச்சினார்க்கினியர் கருத்து !

‘தக்கவழி அறிந்து வலித்தலும் உரித்தே ’ என்று தொல்காப்பியர் (புள்ளி மயங்கியல் 109) கூறிவிட்டதால் , ‘மக்கட் பண்பு’ , ‘மக்கட் பேறு’ , ‘மக்கட் சுட்டு’ ஆகிய திரிந்த வடிவங்களை நாம் கொள்வது தொல்காப்பியருக்கு ஏற்புடையதே !

கை , செவி தலை , புறம் (முதுகு) ஆகிய உறுப்புகளை ‘மக்கள்’ எனும் சொல்லோடு சேர்க்கும்போதுதான் உயிருடன் உள்ள மக்களாயின் , ‘மக்கள் தலை’ , ‘மக்கள் செவி’ , ‘மக்கள் கை’ , ‘மக்கள் புறம்’ எனவும் , இறந்த மக்களாயின் ‘மக்கட் டலை’ , ‘மக்கட் செவி’ , ‘மக்கட் கை’ , ‘மக்கட் புறம்’என்று இளம்பூரணர் கூறினார் ! ‘மக்கட் பேறு’ , ‘மக்கட் செல்வம்’ என்ற சொற் புணர்ச்சிகள்   இருந்தமை இளம்பூரணர் அறிந்ததுதான் !

தொல்காப்பியத்தை நுணுகி ஆய்வோருக்கு ஓர் உண்மை புலனாகும் !

அஃதாவது , தலை, கால், கை , புறம் முதலிய உறுப்புகள் பிற சொற்களோடு புணரும்போது எப்படிப் புணரும் என்பதில் தொல்காப்பியரும் உரையாசிரியர்களும் கவனமாக இருந்துளர் என்பதுதான் அந்த உண்மை !

இந்த உண்மைக்கு ஏற்பத்தான் நாம் தொகை மரபு 10 , புள்ளி மயங்கியல் 109 ஆகியவற்றை அணுக வேண்டும் !

‘மக்கள் தலை’ என்ற மிகப் பழைய புணர்ச்சி குழப்பம் தந்ததால்தான், ‘இன்’ சாரியை புகுந்து , ‘மக்களின் தலை’ என்ற தெளிவைத் தந்தது !

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (117)

Post by Dr.S.Soundarapandian on Sat Aug 17, 2013 5:36 pm

தொடத் தொடத் தொல்காப்பியம் (117)
-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

பார்க்கப் போவது புள்ளி மயங்கியலின் இறுதி நூற்பா !:-

“உணரக் கூறிய புணரியன் மருங்கின்
கண்டுசெயற் குரியவை கண்ணினர் கொளலே”   (புள்ளி மயங்கியல் 110)

இது , புள்ளி மயங்கியலின் ‘புறனடை’ (Exceptions and Additions) !

              அஃதாவது , ‘இதுவரை என்னதான் விதிகள் கூறியிருப்பினும் , அவற்றில் அடங்காத புணர்ச்சிகள் வழக்கினுள் வருவதைப் பார்த்து , அவற்றையும் ஏற்றுக்கொள்க !’ என்பது கருத்து!

(I) ‘ன்’ ஈறு , வேற்றுமையில் , ‘ற்’ ஆக மாறும் என்பது விதி ! (புள்ளி. 37). ஆனால், இளம்பூரணர் தரும் எடுத்துக்காட்டுகளின்படி , இவ்விதிக்கு மாறான புணர்ச்சிகளும் தமிழில் உள !:-

விழன் + குளம் = விழற் குளம் ×
விழன் + குளம் = விழன் குளம் √  (வேற்றுமைப் புணர்ச்சி)

விழன் + சேறு = விழற் சேறு ×
விழன் + குளம் = விழன்  சேறு √  (வேற்றுமைப் புணர்ச்சி)

விழன் + தரை = விழற் றரை ×
விழன் + தரை = விழன் தரை √  (வேற்றுமைப் புணர்ச்சி)

விழன் + பழனம் = விழற் பழனம் ×
விழன் + பழனம் = விழன் பழனம் √  (வேற்றுமைப் புணர்ச்சி)

விழன் – நிழல்

(II)   ‘ர்’ ஈற்று வேற்றுமைப் புணர்ச்சியைத்தான் முன்பு (புள்ளி.67) கூறியிருந்தார் தொல்காப்பியர் !

இங்கு , இளம்பூரணர் , அல்வழியில் ‘ர்’ ஈற்றுச் சொற்கள் வருவதை எடுத்துக் காட்டுகிறார் !:-

நீர் + குறிது = நீர் குறிது (அல்வழிப் புணர்ச்சி)

நீர் + சிறிது = நீர் சிறிது (அல்வழிப் புணர்ச்சி)

நீர் + தீது = நீர் தீது (அல்வழிப் புணர்ச்சி)

நீர் + பெரிது = நீர் பெரிது (அல்வழிப் புணர்ச்சி)

 (III) ‘ர்’ ஈற்றுச் சொற்கள் சில ‘உறழும் ’ (வல்லொற்றுப் பெற்றும் பெறாதும் வரும்) என்று காட்டுகிறார் இளம்பூரணர் ! :-

வேர் + குறிது = வேர் குறிது √   (அல்வழிப் புணர்ச்சி)
      = வேர்க் குறிது √   (அல்வழிப் புணர்ச்சி)

(IV)  ‘கண்’ எனும் வேற்றுமை உருபு வராமல், ஆனால் அதனுடைய பொருளில் அமைந்த புணர்ச்சியானது வருமாறு அமையும் என்கிறார் இளம்பூரணர் !:-

அம்பர் + கொண்டான் = அம்பர்க் கொண்டான் (வேற்றுமைப் புணர்ச்சி )
இம்பர் + கொண்டான் = இம்பர்க் கொண்டான் (வேற்றுமைப் புணர்ச்சி )
உம்பர் + கொண்டான் = உம்பர்க் கொண்டான் (வேற்றுமைப் புணர்ச்சி )
எம்பர் + கொண்டான் = எம்பர்க் கொண்டான் (வேற்றுமைப் புணர்ச்சி )

அம்பர் – அவ்விடம் ; இம்பர் – இவ்விடம் ; உம்பர் – அங்கும் இல்லாது இங்கும் இல்லாது நடுவே ; எம்பர் – எவ்விடம் .

அம்பர் + சென்றான் = அம்பர்ச் சென்றான் (வேற்றுமைப் புணர்ச்சி )
இம்பர் + சென்றான் = இம்பர்ச் சென்றான் (வேற்றுமைப் புணர்ச்சி )
உம்பர் + சென்றான் = உம்பர்ச் சென்றான் (வேற்றுமைப் புணர்ச்சி )
எம்பர் + சென்றான் = எம்பர்ச் சென்றான் (வேற்றுமைப் புணர்ச்சி )

அம்பர் + தந்தான் = அம்பர்த்  தந்தான் (வேற்றுமைப் புணர்ச்சி )
இம்பர் + தந்தான் = இம்பர்த்  தந்தான் (வேற்றுமைப் புணர்ச்சி )
உம்பர் + தந்தான் = உம்பர்த்  தந்தான் (வேற்றுமைப் புணர்ச்சி )
எம்பர் + தந்தான் = எம்பர்த்  தந்தான் (வேற்றுமைப் புணர்ச்சி )

அம்பர் + போயினான் = அம்பர்ப் போயினான் (வேற்றுமைப் புணர்ச்சி )
இம்பர் + போயினான் = இம்பர்ப் போயினான் (வேற்றுமைப் புணர்ச்சி )
உம்பர் + போயினான் = உம்பர்ப் போயினான் (வேற்றுமைப் புணர்ச்சி )
எம்பர் + போயினான் = எம்பர்ப் போயினான் (வேற்றுமைப் புணர்ச்சி )

(V)  மேலே , அல்வழியையும் ( ‘நீர் குறிது’) , அல்வழி உறழ்ச்சியையும் ( ‘வேர் குறிது’, ‘வேர்க் குறிது’)  பார்த்தோ மல்லவா?

இளம்பூரணர் , அல்வழியில் , இயல்பில்லாமலும் உறழ்ச்சி இல்லாமலும் வல்லொற்றுப் பெற்றே புணரும் இடத்தைச் சுட்டுகிறார் ! :-

தகர் + குட்டி = தகர் குட்டி ×
                        = தகர்க் குட்டி √  (அல்வழிப் புணர்ச்சி)

‘தகர்க் குட்டி’ என்பதைத்  ‘தகரின் குட்டி’ என விரித்தால் – வேற்றுமைப் புணர்ச்சி ! ; ‘தகராகிய குட்டி’ என விரித்தால் , அல்வழிப் புணர்சி !
தகர் – ஆடு

(VI)   வடக்குப் பக்கக் கூரை , ‘வடசார்க் கூரை’ !   ‘வடக்குச் சார்’ என்பது மருவி , ‘வடசார்’ ஆனது !

இது மரூஉ!
இருப்பினும் , இதில் புணர்ச்சி  விதி எதுவும் மீறப்படவில்லை !

வட + சார் + கூரை = வடசார்க் கூரை

இதே போன்று , ‘இலக்கணத்தோடு பொருந்திய மரூஉ முடிபு’ பெற்ற இன்னொரு சொல்லாக இளம்பூரணர் காட்டுவது :-

‘தென்சார்க் கூரை’

(VII)  பூல் , வேல் , ஆல் ஆகிய மரப்பெயர்கள் வேற்றுமையில் அம்சாரியை பெரும் என்று முன்பு விதி (புள்ளி.80) கூறியிருந்தார் தொல்காப்பியர் !

இங்கு , இதே விதி பொருந்தும் மேலும் சில சான்றுகளை இளம்பூரணர் குறிக்கிறார் ! :-

உசிலம் + கோடு = உசிலங் கோடு (வேற்றுமைப் புணர்ச்சி)

எலியாலம் + கோடு = எலியாலங் கோடு (வேற்றுமைப் புணர்ச்சி)

(VIII)   ‘ல்’ ஈற்றுச் சொற்கள் , அல்வழியில் உறழும் என்று ( கல் குறிது √ ; கற் குறிது √) முன்பு கூறியிருந்தார் (புள்ளி. 73) தொல்காப்பியர் !

இங்கு , புறனடையில் , இளம்பூரணர் ,அல்வழியில் , ‘அம்’ சாரியை பெறுதலையும் சுட்டுகிறார் ! :-
கல் + பாறை = கல்லம் பாறை  (அம் – சாரியை ; அல்வழிப் புணர்ச்சி)

கல்லம் பாறை – கல்லாகிய பாறை .

(IX)  வேற்றுமையில் , அத்துச் சாரியை பெற்று , ‘ மழையத்துக் கொண்டான்’ என்றும்(உயிர் மயங்கியல் 85), ‘வெயிலத்துக் கொண்டான்’  என்றும் (புள்ளி. 82) வருதலைக்  கூறியிருந்தார் தொல்காப்பியர் !

இங்கு , இளம்பூரணர் –

அழல் + கொண்டான் = அழலத்துக் கொண்டான் (அத்து – சாரியை ; வேற்றுமைப் புணர்ச்சி)
என்று புதிய எடுத்துக்காட்டைத் தருகிறார் !

அழல் – நெருப்பு ; (வேள்வித் தீயின் முன் மணம் செய்து கொள்வது – அழற் கொள்வது)

(X)   ‘ல்’ ஈறு , வேற்றுமையில் , ‘ற்’ ஆகும் என்று முன்பு (புள்ளி மயங்கியல் 71)
கூறியிருந்தார் ( கல் + குறை = கற் குறை)தொல்காப்பியர் !

இங்கு , இளம்பூரணர் , ‘ல்’ ஈற்றுச் சொல் , அல்வழியிலும் ‘ற்’ ஆதலைக் காட்டுகிறார் ! :-

அழுக்கல் + போர் = அழுக்கற் போர் (அல்வழிப் புணர்ச்சி)

அழுக்கல் போர் – அழுக்கலாகிய போர் .

அழுக்கல் – அழுக்காறு ; பொறாமை.

‘அழுக்கற் போர்’ தான் , ‘அழுக்கப் போர்’ ஆகிப் , பின் ‘அக்கப் போர்’ ஆனது ! சரியான அக்கப் போர் !

(XI)  ‘ழ்’ ஈற்றில் ,அல்வழியில் , முன்பு (புள்ளி.94,95,96,97,98) சில எண்ணுப் பெயர்களுக்கே விதி கூறியிருந்தார் தொல்காப்பியர் !

இப் புறனடைச் சூத்திர உரையில் , இளம்பூரணர் , ‘ழ்’ ஈற்று அல்வழிப் புணர்ச்சிகள் சிலவற்றைக் கூடுதலாகக் காட்டுகிறார் ! :-

யாழ் + குறிது = யாழ் குறிது (அல்வழிப் புணர்ச்சி)

யாழ் + சிறிது = யாழ் சிறிது (அல்வழிப் புணர்ச்சி)

யாழ் + பெரிது = யாழ் பெரிது (அல்வழிப் புணர்ச்சி)

(XII)   ‘ழ்’ ஈற்று உறழ்ச்சியில் , முன்பு தொல்காப்பியர் , ‘பாழ்’ , ‘கீழ்’ ஆகிய சொற்களுக்கே விதி (புள்ளி.92,100) கூறியிருந்தார் !

இங்கு இளம்பூரணர் , மேலும் ஓர் எடுத்துக்காட்டுத் தருகிறார் !:-

வீழ் + குறிது = வீழ் குறிது √  (அல்வழிப் புணர்ச்சி)
வீழ் + குறிது = வீழ்க் குறிது √  (அல்வழிப் புணர்ச்சி)

(XIII) ‘அக்கு’ச் சாரியை பெற்று முடியும் ‘ழ்’ ஈற்றுச் சொற்களை ( ‘தாழ்’ , ‘தமிழ்’) வேற்றுமையில்தான் தொல்காப்பியர் (புள்ளி. 89 , 90) தந்திருந்தார் !

இங்கு , இளம்பூரணர் , அல்வழியில் ‘அக்கு’ வருவதைத் தருகிறார் ! :-

தாழ் + பாவை = தாழப் பாவை  (அக்குச் சாரியை) (அல்வழிப் புணர்ச்சி)

தாழ்ந்த உயரத்துப் பொம்மையைக் குறிக்கும் போலும் .

(XIV)  ‘ம்’ ஈற்றுப் புணர்ச்சிகளில் , வேற்றுமையில் , முன்பு (புள்ளி.36), அத்துச் சாரியையோடு ஆன் சாரியை புணரும் விதியையே தொல்காப்பியர் காட்டியிருந்தார் ( ‘மகத்தாற் கொண்டான்’) !

இங்கு , இளம்பூரணர் , அத்தோடு ‘இன்’ வருதலையும் சுட்டுகிறார் ! :-

குளம் + புறம் = குளத்தின் புறம் (அத்து , இன் - சாரியைகள்) (வேற்றுமைப் புணர்ச்சி)

மரம் + புறம் = மரத்தின் புறம் (அத்து , இன் - சாரியைகள்) (வேற்றுமைப் புணர்ச்சி)

‘குளம் + புறம் = குளத்துப் புறம்  ’ எனவும் ஆகும் !  ‘அத்து’ வேற்றுமை உருபின் பணியைச் செய்கிறது ! (Inflectional particle does the job of Case marker)

இதைத்தான் இளம்பூரணர், ‘உருபிற்கு எய்திய அத்து’ என்கிறார் !

அல்வழியில் உகரச் சாரியை பெறுதலுக்குத் தொல்காப்பியர் விதி (புள்ளி. 106) வகுத்திருந்தார் ( ‘துள்ளுக் கடிது’) !

இங்கு இளம்பூரணர் , ஐகாரச் சாரியைக் கூடுதலாக வழங்குகிறார் ! :-

ஒருநாள் + குழவி = ஒரு நாளைக் குழவி (ஐ - சாரியை) (அல்வழிப் புணர்ச்சி)

மேலே ‘உசிலம்’ என்றொரு சொல்லைப் படித்திருப்பீர்கள் !

‘உசிலம்’ என்பது ஒரு மரமாகும் !
உசில மரத்தைப் பார்க்க ஆவலாக உள்ளதா?
[You must be registered and logged in to see this link.]
Courtesy – granny.com

இதுதான் உசில மரம் ! இதன் தாவரவியல் பெயர்- Albizzia amara . இதன் பொதுப் பெயர் -  Black sirissa . தமிழில் இம்மரம் ‘சீக்கிரி மரம்’ எனப்படுகிறது ! சோப்பு மரம் , உஞ்சை மரம், உசிலை மரம் என்றெல்லாம் அறியப்படுவது இதுதான் !இன்றைய உசிலம் பட்டியில் அந்தக் காலத்தில் உசில மரங்கள் மண்டியிருந்திருக்கவேண்டும் ! தொல்காப்பிய ஆய்வால் உசிலம் பட்டிக்காரர்களுக்கு ஒரு வரலாறு கிடைத்துள்ளது! அது மட்டுமல்ல , ‘உஞ்சேனை மாகாளம்’ என்று திருமுறை குறிக்கும் உஞ்சனை எனும் ஊர் காரைக்குடியை அடுத்து இருப்பதாக அக்கோவில் கல்வெட்டுச் சான்று கொண்டு சூரிய நாராயணன் என்ற வரலாற்றுத்துறைப் பேராசிரியர் எழுதியுள்ளார் !அவர் காரைக்குடி அழகப்பா கலைக் கல்லூரியில் ( ‘பல்கலைக் கழகம்’ ஆனதெல்லாம் பிறகுதான்) பணிபுரிந்தபோது இதை க் கண்டுபிடித்தார். இந்த உஞ்சனையிலும் இதே உஞ்சை மரங்கள் அந்தக் காலத்தில் நிறைந்திருந்திருக்க வேண்டும் !திண்டுக்கல் மாவட்டக் கோட்டைப் பட்டி என்ற ஊர்ப் பெருமாள் கோயில் தல மரமும் உசிலை தான் .



‘எலியாலம்’ என்றொரு சொல்லையும் மேலே கண்டிருப்பீர்கள் !
எலியாலத்தைப் பார்க்க ஆசையா ?
[You must be registered and logged in to see this link.]
Courtesy -afason.itrademarket.com
‘எலியாலம்’ என்பதும் தாவரப் பெயர்தான் ! இது வேறொன்றுமில்லை ! காட்டாமணக்குதான் ! ‘Physic nut’ அறியப்படும் இதன் தாவரவியல் பெயர் – Jatropha curcas . காட்டாமணக்கு விதை நச்சுத் தன்மை கொண்டது; ஆனால் தாவர எரிபொருள்களில் முன்னிலை வகிப்பது காட்டாமணக்கு!

புள்ளி மயங்கியல் இத்துடன் நிறைவடைகிறது !

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (118)

Post by Dr.S.Soundarapandian on Wed Aug 21, 2013 10:24 pm

தொடத் தொடத் தொல்காப்பியம் (118)
-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

புள்ளி மயங்கியலை இதுவரை ஆய்ந்தோம் !

இதனை அடுத்து வருவது குற்றியலுகரப் புணரியல் (Combination of Abbreviate உ) !

எழுத்ததிகாரத்தில் 9ஆவது  இயலாகிய குற்றியலுகரப் புணரியலே எழுத்ததிகாரத்தின் கடைசி இயல் !

சொற்களின் ஈற்றில் குற்றியல் உகரம் இருந்தால் , அப்படிப் பட்ட சொற்கள் பிற சொற்களுடன் எப்படிப் புணரும் என்பதை விவரிக்கும் இயல் இது !

புணர்ச்சிகளில் தனிக் கவனத்திற்கு உரியது குற்றியலுகரப் புணர்ச்சி !

இதனால்தான் இதற்கு ஒரு தனி இயல் தேவைப்பட்டது தொல்காப்பியருக்கு !

முதல் நூற்பா !:-

“ஈரெழுத் தொருமொழி உயிர்த்தொட ரிடைத்தொடர்
ஆய்தத் தொடர்மொழி வன்றொடர் மென்றொடர்
ஆயிரு மூன்றே யுகரங் குறுகிடன்”  (குற்றியலுகரப் புணரியல் 1)

                     இளம்பூரணர் தந்த எடுத்துக்காட்டுகளைப் பொருத்தினால் –

1 . ஈரெழுத்து ஒரு மொழி  - ‘நாகு’

2 . உயிர்த் தொடர் மொழி  -  ‘வரகு’

3 .  இடைத் தொடர் மொழி  -  ‘தெள்கு’

4 .  ஆய்தத் தொடர் மொழி  -  ‘எஃகு’

5 .  வன் தொடர் மொழி  -  ‘சொக்கு’

6 . மென் தொடர் மொழி  -  ‘குரங்கு’

இந்த ஆறு இடங்களில்தான் உகரமாகனது குறுகும் என்பதே தொல்காப்பியம் !

‘ஈரெழுத்து ஒரு மொழி  ’ முதலிய தொல்காப்பிய நடையைவிட்டுப் பரம்பரை இலக்கண ஆசிரியர்கள் நமக்குக் கற்றுத் தந்த நடையில் மேல் ஆறையும் வருமாறு வேறு எடுத்துக்காட்டுகளுடன் தரலாம் !:-

1 . பாடு  - நெடில் தொடர்க் குற்றியலுகரம்

2 . பழகு  - உயிர்த் தொடர்க் குற்றியலுகரம்

3 . மல்கு  -  இடைத் தொடர்க் குற்றியலுகரம்

4 . கஃசு  -  ஆஃதத் தொடர்க் குற்றியலுகரம்

5 . பாக்கு  -  வன் தொடர்க் குற்றியலுகரம்

6 .  கலங்கு   - மென் தொடர்க் குற்றியலுகரம்

குற்றியலுகரத்தை உச்சரித்துப் பார்த்துத் தெரிந்துகொள்ளவேண்டும் !

எப்படி?

‘பாக்கூ’ என்று முதலில் சொல்லுங்கள் ; பிறகு ‘பாக்கு’ என்று சொல்லுங்கள் ; இப்போது உங்களுக்கு ஈற்று உகரத்தில் ஒரு வேறுபாடு தெரியவரும் ! அதுதான் குற்றியலுகரம் ! ஈற்றுக் குகரத்தை முழுவதுமாக (முற்றியலுகரமாக)உச்சரித்தால் ,ஏறக்குறைய ‘கூ’ என்றுதான் கேட்கும்! அது விகாரமாக இருக்கும் ! அதனால்தான் அங்கே உகரத்தைச் சற்றுக் குறைத்து (குற்றியலுகரமாக) உச்சரிக்கவேண்டும் எனத் தமிழ் இலக்கணம் கூறுகிறது ! வேறு ஒன்றுமில்லை !

‘கு’ – இதிலுள்ள உகரம் , முற்றியலுகரம் .

‘புகு’ – இதிலுள்ள இரண்டு  உகரங்களும் முற்றியலுகரங்கள்!

‘குட்டு’ – இதிலுள்ள முதல் உகரம் (க் + உ) , முற்றியலுகரம் ; இரண்டாவது உகரம் (ட் + உ) குற்றியலுகரம் !

‘அது’ – இதிலுள்ள உகரம் , முற்றியலுகரம் ! ஏனெனில் , தனியாக நிற்கும் ஒரு குறிலை (அ) அடுத்துள்ள மெய் மீது ஏறி நிற்கிறது ‘உ’ . கன்னடத்தில் இன்றும் ‘அதூ’ என்றுதான் உச்சரிக்கிறார்கள் ! தொல் தமிழின் பழைய எச்சம் எப்போதுமே தென்னிந்திய மொழிகளில் இருக்கும் !

‘சுண்ணாம்பு ’ – இதிலுள்ள ஈற்று உகரம் (ப்+ உ), மென்றொடர்க் குற்றியலுகரம் .

குற்றியலுகரத்திற்குப் பெயர் கொடுக்கும்போது , எந்த எழுத்து மீது ‘உ’ ஏறி நிற்கிறதோ அதற்கு முன் நிற்கும் எழுத்தைப் பார்க்கவேண்டும் ! முன் நிற்கும் எழுத்து வல்லின மெய்யாக இருந்தால் , குற்றியலுகரத்தை வன்றொடர்க் குற்றியலுகரம் எனல்வேண்டும் ! முன் நிற்கும் எழுத்து ஒரு மெய் மீது ஏறிய உயிராக இருந்தால் , குற்றியலுகரத்தை , உயிர்த்தொடர்க் குற்றியலுகரம் எனல்வேண்டும் !

‘விளாசு’ – இதிலுள்ள குற்றியலுகரம் நெடில்தொடர்க் குற்றியலுகரமா ?உயிர்த்தொடர்க் குற்றியலுகரமா?
உயிர்த்தொடர்க் குற்றியலுகரம் !

எப்படி ? ‘ளா’ என்பது நெடில்தானே ?

‘ளா’ நெடில்தான் ! ஆனால் நெடில்தொடர்க் குற்றியலுகரம் என்பது , தனியாக , ஒற்றையாக , நிற்கும் நெடில் எழுத்தை அடுத்து வரவேண்டும் ! பாடு , வாடு , காடு – இவற்றிலுள்ள உகரங்களே நெடில்தொடர்க் குற்றியலுகரங்கள் ! ‘விளாசு’ என்பதிலுள்ள ‘ஆ’ , தனியாக நிற்கும் நெடிலாக இல்லாது , ‘வி’யை அடுத்து வந்துள்ளதால் , ‘ளா’ வில்  உள்ள ‘ஆ’தான் நமக்குக் கணக்கு ! ‘ஆ’ – உயிராக இருப்பதால் , உயிர்த்தொடர்க் குற்றியலுகரம் என்றே ஆகும் !

குற்றியலுகரத்திற்கு மாத்திரை – ½
நமக்கு – இதிலுள்ள ஈற்று உகரத்திற்கு  ½ மாத்திரை எனில் , அது ஏறி நிற்கிறதே ‘க்’ அதற்குத் தனியாக 1/2 மாத்திரை ஒதுக்கி , ½ + ½ = 1  மாத்திரை ‘கு’விற்குக் கூறவேண்டுமா ?

அல்ல !

மொத்தக் ‘கு’விற்குமே மாத்திரை ½ தான் !

சவ்வு – இதிலுள்ள உகரம் முற்றியலுகரமாதலால் , மொத்த ‘வு’விற்குமே மாத்திரை 1 .

இளம்பூரணர் நெடில் தொடர்க் குற்றியலுகரத்திற்குக் கூறிய ‘நாகு’ என்பது இளமரத்தைக் குறிக்கும் !

தாவரவியலில் இது குறிப்பிடத் தக்க செய்தி !

தாவரவியலார் (Botanists) இளமரத்தைச், சிறு மரம் என்று தோராயமாகத்தான் எழுதுகின்றனர் !

அருமையான ‘நாகு’  தமிழர்களுக்குத் தெரியவராமற் போனது !

தரையோடு படர்ந்திருக்கும் சிறு செடிகள் (சாரணத்தி போல்வன) , புல் போன்றவற்றைத் தமிழர்கள் ‘பூண்டு’ என்று குறித்தனர் ! இந்தச் சொல்லையும் தமிழர்கள் பயன்படுத்துவதில்லை !

இவற்றையெல்லாம் தமிழர்கள் வழக்கில் பயன்படுத்தவேண்டும் !

தொல்காப்பிய ஆய்வு , இவ்வாறு , பல்துறை ஆய்வாகச் செல்வதைக் காணலாம் !

இளம்பூரணர் குறித்த ‘தெள்கு’ (Flea) , ஒரு பூச்சியின் பெயராகும் !

இதன் விலங்கினப் பொதுப் பெயர் – Pulicidae .

தெள்குப் பூச்சி , மருவித் , ‘தெள்ளுப் பூச்சி’ என இன்று வழங்குகிறது ! ‘தெள்ளு மணி’ , வேறு ! தெள்ளு மணி – தெளிவான மணி .

இளம்பூரணர் குறித்த தெள்குப் பூச்சியைக் காண ஆசையா ?


[You must be registered and logged in to see this link.]
Courtesy - Terminixsisindia.com
இதுதான் தெள்குப் பூச்சி ! ‘உண்ணி’ என்பதும் இதுவே ! மனிதனிடத்தும் நாய் போன்ற விலங்குகளிட்தும் உட்கார்ந்துகொள்ளும் இது !
மனிதன் மீது அமரும் உண்ணி - Pulex irritans;நாய் மீது அமரும் உண்ணி -  Ctenocephalides spp.;எலி மீது அமரும் உண்ணி - Xenopsylla cheopis.
உண்ணி ,தோலைத் துளைத்து உட்பரப்பில் இனப் பெருக்கம் செய்து நோய்க் கட்டிகளை உண்டாக்கும்! பாலுண்ணி , குருணை உண்ணி முதலிய பெயர்களில் தமிழர்கள் அறிந்துள்ளார்கள் !

 

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (119)

Post by Dr.S.Soundarapandian on Sat Aug 24, 2013 10:27 am

தொடத் தொடத் தொல்காப்பியம் (119)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

குற்றியலுகரப் புணரியலின் இரண்டாம் நூற்பா!:-

                              “அவற்றுள்
       ஈரொற்றுத் தொடர்மொழி யிடைத்தொட  ராகா”  (குற்றியலு.2)

‘ஈறொற்றுத் தொடர்மொழி’ – ர்க்கு , ய்க்கு , ழ்க்கு, போன்று இரு புள்ளி எழுத்துகளின் பின்னுள்ள மெய் மீது ஏறிய குற்றியலுகரம் !

‘இடைத் தொடர் ஆகா’ – வன்றொடர்க் குற்றியலுகரம், மென்றொடர்க் குற்றியலுகரம் தவிர , இடைத்தொடர்க் குற்றியலுகரம் அதற்கு முன்னுள்ள இடையின ஒற்றெழுத்துக்கு முன் வேறொரு ஒற்றெழுத்தைக் கொள்ளாது!  

ஈர்க்கு √  (வன்றொடர்க்  குற்றியலுகரம்)
ஈர்ய்கு ×  (இடைத்தொடர்க்  குற்றியலுகரமே; ஆனால் இப்படி ஒரு சொல் இல்லை)
ஈர்ல்கு ×  (இடைத்தொடர்க்  குற்றியலுகரமே; ஆனால்  இப்படி ஒரு சொல் இல்லை)
ஈர்வ்கு × (இடைத்தொடர்க்  குற்றியலுகரமே; ஆனால்  இப்படி ஒரு சொல் இல்லை)

                  மொய்ம்பு√  (மென்றொடர்க்  குற்றியலுகரம்)
மொய்ய்பு  ×  (இடைத்தொடர்க்  குற்றியலுகரமே; ஆனால்  இப்படி ஒரு சொல் இல்லை)
மொய்ர்பு ×  (இடைத்தொடர்க்  குற்றியலுகரமே; ஆனால்  இப்படி ஒரு சொல் இல்லை)
மொய்வ்பு × (இடைத்தொடர்க்  குற்றியலுகரமே; ஆனால்  இப்படி ஒரு சொல் இல்லை).

தமிழ்ச் சொற்கள் மீது தொல்காப்பியத்திற்கு உள்ள ஆளுமையைப் பார்த்தீர்களா?

வன்றொடர் , மென்றொடர்க் குற்றியலுகரங்கட்கு இல்லாத ஓர் இடைஞ்சல் இடைத்தொடர்க் குற்றியலுகரத்திற்கு உள்ளது!

தமிழ் ஒலி அமைப்பில் , வல்லின , மெல்லின உச்சரிப்பில் உள்ள எளிமை, இடையின எழுத்துகளில் இல்லை என்பதையே இது காட்டுகிறது !

ஒலியன்களின் மயக்கம் (Cluster of phonemes) என்ற வகையில் மொழியியலில் இது குறிப்பிடத் தக்கது !

இதனைத் தொடர்ந்து ,

“அல்லது கிளப்பினும் வேற்றுமைக் கண்ணும்
எல்லா விறுதியு முகர நிறையும்”                    (குற்றியலு. 3)

என்கிறார் தொல்காப்பியர் !

‘அல்லது கிளப்பினும் ’ – அல்வழிப் புணர்ச்சிகளிலும்

‘வேற்றுமைக் கண்ணும்’ – வேற்றுமைப் பொருட் புணர்ச்சிகளிலும்

‘உகரம் நிறையும்’ -  உகரமானது , நிறைந்த உகரமாகும் ; அஃதாவது முற்றியலுகரமாக நிற்கும் !

நாகு – நெடில்தொடர்க் குற்றியலுகரம்

நாகு + கடிது = நாகு கடிது   (அல்வழிப் புணர்ச்சி)

‘நாகு கடிது’ என்று சேர்ந்து வரும்போது  ‘கு’வின் உகரம் முற்றியலுகரம் ! ‘கு’வை முழுமையாக உச்சரித்தால்தான் அடுத்த எழுத்திற்குப் போகமுடியும் !

குற்றியலுகரப் புணரியல் நூற்பா ஒன்றில் ,தொல்காப்பியர் ,சொற்களின் ஈற்றில் வரும் குற்றியலுகரத்தையே நமக்கு அறிமுகப் படுத்தினார் என்பதை நினைத்தால் இந்த உண்மை விளங்கும் ! ஈற்றிலே குற்றியலுகரம் வந்தால் அதற்குமேல் போகவேண்டியிருக்காது அல்லவா?

நாகு + கடுமை = நாகு கடுமை  (வேற்றுமைப் பொருட் புணர்ச்சி)

‘நாகு கடுமை’ – இதிலுள்ள ‘கு’வின் உகரம் முற்றியலுகரம் !

வரகு – உயிர்த்தொடர்க் குற்றியலுகரம்

வரகு + கடிது = வரகு கடிது (அல்வழிப் புணர்ச்சி)
‘வரகு கடிது’ – இதிலுள்ள ‘கு’வின் உகரம் , முற்றியலுகரம் !


வரகு + கடுமை = வரகு கடுமை (வேற்றுமைப் புணர்ச்சி)
‘வரகு கடுமை’யில் உள்ள  ‘கு’வின் உகரம், முற்றியலுகரம் !

வரகு               கடிது
பெயர்  +  குறிப்பு வினை முற்று
Noun +  Appellative finite verb

மேல்வந்த கூற்றியலுகரம் பற்றி மேலும் ஆயலாமா?

குத்து – ஈற்று உகரம் வன்றொடர்க் குற்றியலுகரம் (மாத்திரை 1/2)

குத்துப் பாட்டு – ‘து’வின் உகரம் முற்றியலுகரம் (மாத்திரை 1) (வேற்றுமைப் பொருட் புணர்ச்சி)

‘குத்துப் பாட்டு’ – சொல்லிப் பாருங்கள் ! ‘து’வை முழுதாக உச்சரித்தால்தான் அடுத்த சொல்லுக்குப் போகமுடியும் !
‘குத்துச் சண்டை’ -   ‘து’வை முழுதாக உச்சரித்தால்தான் அடுத்த சண்டைக்குப் போகமுடியும் !
‘குத்துக்கு’ – ‘து’வின் உகரம் , குற்றியலுகரம் ! (மாத்திரை 1/2); ஈற்றுக் ‘கு’வின் உகரமும் , குற்றியலுகரம் (மாத்திரை 1/2).

எப்படி? இங்குமட்டும் இடையிலே உள்ள ‘து’வின் உகரம் குற்றியலுகரமானது?

மேல்  உரையை மீண்டும் பாருங்கள் ! ‘வேற்றுமைப் பொருட் புணர்ச்சிகளிலும்’ என்றுள்ளதல்லவா? இளம்பூரணர் ஆட்சிதான் இது !

எனவே , ‘வேற்றுமைக்கண் உகரம் நிறையும்’ என்ற  விதி , குகரப் புணர்ச்சிக்குப் பொருந்தாது ! கு –  தனி வேற்றுமை உருபு .

கேட்டு – ஈற்று உகரம் வன்றொடர்க் குற்றியலுகரம் (மாத்திரை 1/2) .

‘கேட்டு வாங்கு ’- ‘டு’வின் உகரம் , முற்றியலுகரம் (மாத்திரை 1) (அல்வழிப் புணர்ச்சி); ‘கு’வின் உகரம் குற்றியலுகரம் (மாத்திரை 1/2) .

தமிழ் மக்கள் நாவில் உகரம் உச்சரிக்கப்பட்டதைத் துல்லியமாகப் பதிவு செய்து கொடுத்துள்ளது குற்றியலுகர இலக்கணம் ! இது பெரிய வியப்புதான் !

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (120)

Post by Dr.S.Soundarapandian on Sat Aug 24, 2013 2:15 pm

தொடத் தொடத் தொல்காப்பியம் (120)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

சென்ற கட்டுரையில் , ‘குத்துச் சண்டை’யில் ,‘து’விலுள்ள உகரம் முற்றியலுகரம் என்று பார்த்தோமல்லவா?

இவ்வாறு இடையிலே மாட்டிக்கொண்ட எல்லா உகரங்களுமே முற்றியலுகரங்களல்ல ; இதற்கு விதிவிலக்கு உண்டு என்று அடுத்த நூற்பாவில் உரைக்கிறார் !:-

“வல்லொற்றுத் தொடர்மொழி வல்லெழுத்து வருவழி
தொல்லை யியற்கை நிலையலு முரித்தே”                  (குற்றியலு. 4)

‘வல்லொற்றுத் தொடர்மொழி’ -  வன்றொடர்க் குற்றியலுகரம்

‘வல்லெழுத்து வரும் வழி’  -  வல்லின எழுத்தை முதலாகக் கொண்ட சொல் வந்து புணர்ந்தால்

‘தொல்லை இயற்கை’ -  தொடக்கத்தில் (நூன் மரபு 12) கூறியபடி , குற்றியலுகரத்திற்கு ½ மாத்திரையே

‘நிலையலும் உரித்தே’ – வரலாம் , வராமல் 1 மாத்திரையும் பெறலாம் !

அஃதாவது , புணர்ச்சியின் நடுவே அகப்பட்ட  குற்றியல் உகரத்திற்கு  மாத்திரை 1 (குற்றியலு. 3) என்று தொல்காப்பியர் கூறியுள்ளார் ! ஒரு விதி விலக்காக , வன்றொடர்க் குற்றியலுகரத்திற்கு முன்பு வல்லெழுத்தை முதலாகக்கொண்ட சொல் வந்து புணரும் தருணத்தில் , குற்றியலுகரமானது ½ மாத்திரை பெறுதலும் உண்டு  என்பதே மேல் (குற்றியலு. 4) நூற்பாவின் கருத்து!

இதற்கு இளம்பூரணரின் எடுத்துக்காட்டுகள் !:-

கொக்கு + கடிது = கொக்குக் கடிது ( ‘கு’வின் உகர மாத்திரை 1/2) (அல்வழிப் புணர்ச்சி)

கொக்கு + கடுமை = கொக்குக் கடுமை ( ‘கு’வின் உகர மாத்திரை 1/2) (வேற்றுமைப் புணர்ச்சி)

‘கொக்குக் கடுமை’ – என்று சொல்லிப் பாருங்கள் !  ‘குக்’ என்பது ,ஏறத்தாழக் ‘கிக்’ என்றுதான் வரும் ! ‘கு’வின் உகரம் ½  மாத்திரை என்று இதனாலேதான் கூறமுடிகிறது !

‘குத்துப் பாட்டு’ என்பதிலுள்ள ‘து’ முழுமையாகவும் , ‘கொக்குக் கடுமை’ என்பதிலுள்ள ‘கு’ பாதியாகவும் உச்சரிப்பு வருவதை, நாம் இவற்றைச் சொல்லிச் சொல்லிப் பார்த்தால் விளங்கிக்கொள்ளலாம் !

மேல் நூற்பாவில் (குற்றியலு.4) ‘நிலையலும்’ என்று வந்ததல்லவா? இதிலுள்ள உம்மை , எதிர்மறை உம்மை !

இடையில் அகப்பட்ட குற்றியலுகரத்திற்கு 1 மாத்திரையும் இருக்கலாம் அப்படி இல்லாமல் ½ மாத்திரையும் இருக்கலாம் என்ற  பொருள் எடுப்பதற்கு உறுதுணையாக இருப்பது இந்த எதிர்மறை உம்மை !

மேல் நூற்பாவிற்கு வேறுவகையில் பொருள் கொண்டவர்கள் இந்த உம்மைக்கு விளக்கம் சொல்வதில்லை !

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (121)

Post by Dr.S.Soundarapandian on Sat Aug 24, 2013 8:31 pm

தொடத் தொடத் தொல்காப்பியம் (121)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

குற்றியலுகரப் புணரியலில் ,அடுத்துத் தொல்காப்பியர் கூறுவது:-

“யகரம் வருவழி யிகரங் குறுகும்
உகரக் கிளவி துவரத் தோன்றாது”  (குற்றியலு. 5)

‘யகரம் வரும் வழி’ -  ‘ய’வை முதலாகக் கொண்ட சொல் வந்து, குற்றியலுகரத்தை ஈறாகக் கொண்ட சொல்லுடன் புணரும்போது ,

‘இகரம் குறுகும்’ – அங்கே தோன்றும் இகரம், குற்றிய லிகரமாகும்!

‘உகரக் கிளவி’ – குற்றியலுகரம்

‘துவரத் தோன்றாது’ – குற்றியலுகரமானது அங்கே இராது !

துவர – முற்றிலும் ; வினையெச்சம் (Verbal participle)

‘துவர’  என்பதிலுள்ள ஈற்று ‘அ’ , எச்ச விகுதி ;  ‘Participle marker’ எனப்படும்.

மேல் நூற்பாப்படி ,

நாகு + யாது =  நாகியாது  ( ‘கி’யின் இகரம் குற்றியலிகரம்)
(நாகு – இதிலுள்ள உகரம் நெடில்தொடர்க் குற்றியலுகரம்)

வரகு + யாது = வரகியாது ( ‘கி’யின் இகரம் குற்றியலிகரம்)
(வரகு – இதிலுள்ள உகரம் உயிர்த்தொடர்க் குற்றியலுகரம்)

எஃகு + யாது = எஃகியாது ( ‘கி’யின் இகரம் குற்றியலிகரம்)
(எஃகு – இதிலுள்ள உகரம் ஆய்தத்தொடர்க் குற்றியலுகரம்)

கொக்கு + யாது = கொக்கியாது ( ‘கி’யின் இகரம் குற்றியலிகரம்)
(கொக்கு – இதிலுள்ள உகரம் வன்றொடர்க் குற்றியலுகரம்)

குரங்கு + யாது = குரங்கியாது ( ‘கி’யின் இகரம் குற்றியலிகரம்)
(குரங்கு – இதிலுள்ள உகரம் மென்றொடர்க் குற்றியலுகரம்)

இந்த இடத்தில் இளம்பூரணர் தன் பாடசாலை மாணவர்களுக்குக் கூடுதலாக ஒரு கருத்தைச்  சொல்கிறார் !

உயிர் மயங்கியலில் (நூ. 24) ,  ‘பலா’ என்பதுபோன்ற , குறிலை அடுத்த நெடில் அமைந்த சொல், புணர்ச்சிகளில் ‘அ’ பெற்றுப் , ‘பலா + கோடு = பலாஅக் கோடு’ என வருவது போலத்தான் ,இங்கும் குற்றியல் உகரத்தைத் தொடர்ந்து இகரம் வந்தது என்று கருதிக்கொள்ளுங்கள்  என்கிறார் !

தமிழ் ஒலிப்பு முறையில் (Articulation of Tamil sounds) ஒரு மொழியியல் நுட்பத்தைச் சொல்லியுள்ளார் இளம்பூரணர் !

ஓர் உயிரை ஒலிக்கையில் , நிலைமைக்கு ஏற்றவாறு, இன்னோர் உயிர் தோன்ற வாய்ப்பு உண்டு என்பதே அந்த மொழியியல் நுட்பம் (Linguistic nuance)!

குற்றியலிகரம் பற்றி மேலும் சிறிது காணலாம் !

முள்ளு + யார் = முள்ளியார் (இ- குற்றியலிகரம் அல்ல)

‘ளி’ ஒலி நன்கு , முழுதாகக் காதில் கேட்கிறதா இல்லையா? முழுதாகக் கேட்கும் இகரம் எப்படிக் குற்றியலிகரமாகும் ?உங்கள் காதை முதலில் நம்புங்கள் ! அடுத்தவர் ஓதிய விளக்கம் அப்புறம் !

மேல் ‘ளு’ முற்றியலுகரம் ஆதலின் , குற்றியலிகரம் தோன்றவில்லை !

பற்று + யாது = பற்றியாது (இ- குற்றியலிகரம்)
‘று’ குற்றியலுகரமாதலின் , குற்றியலிகரம் தோன்றிற்று !
‘இ’ முற்றியலிகரமாயின் , சொல்லின் இறுதி ,‘ஈயாது’என்பதுபோல ஒலிக்கும் !

பட்டு + யார் = பட்டியார் (இ - குற்றியலிகரம்)
‘டு’ குற்றியலுகரமாதலின் , குற்றியலிகரம் தோன்றிற்று !
‘இ’ முற்றியலிகரமாயின் , சொல்லின் இறுதி ,‘ஈயார்’என்பதுபோல ஒலிக்கும் !

வடு + யார் = வடியார் (இ - முற்றியலிகரம்)
‘டு’ முற்றியலுகரமாதலின் , குற்றியலிகரம் தோன்றவில்லை !

வட்டு + யார் = வட்டியார் (இ - குற்றியலிகரம்)
‘டு’ குற்றியலுகரமாதலின் , குற்றியலிகரம் தோன்றிற்று !

‘வடியார்’ என்பதையும் ‘வட்டியார்’ என்பதையும் உச்சரித்துப் பாருங்கள் !

‘வடியார்’ என்பதில் ‘டி’ முழுமையாக ஒலிக்கும்; ‘வட்டியார்’ என்பதில் ‘டி’பாதிதான் ஒலிக்கும் !  இடை இகரம் ,முழுமையாக ஒலித்தால் அது முற்றியலிகரம்; பாதியாக ஒலித்தால் அது குற்றியலிகரம் ! அவ்வளவுதான் !

‘குடியார்’ – இகரம் முற்றியலிகரம் !

‘குட்டியார்’ – இகரம் குற்றியலிகரம் !

எனவே , இளம்பூரணர் உரையில் எந்தப் பிழையும் இல்லை !

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (122)

Post by Dr.S.Soundarapandian on Sun Aug 25, 2013 10:35 am

தொடத் தொடத் தொல்காப்பியம் (122)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

குற்றியலுகரப் புணரியலில் அடுத்த நூற்பா!:-

“ஈரெழுத்து மொழியு முயிர்த்தொடர் மொழியும்
 வேற்றுமை யாயி னொற்றிடை யினமிகத்
தோற்றம் வேண்டும் வல்லெழுத்து மிகுதி”          (குற்றியலு. 6)

‘ஈரெழுத்து மொழி’ – நெடில் தொடர்க் குற்றியலுகரம்

‘உயிர்த்தொடர் மொழி’ -  உயிர்த்தொடர்க் குற்றியலுகரம்

‘வேற்றுமை யாயின்’  -   வேற்றுமைப் பொருட் புணர்ச்சிகளில்

‘ஒற்றிடை இனமிக’   -   வருமொழி முதல் எழுத்தின் இன எழுத்து மிக

‘தோற்றம் வேண்டும் வல்லெழுத்து மிகுதி’ – நிலைமொழி ஈறு இரட்டிக்கும் !

யாடு + கால் = யாட்டுக் கால் ( பகுதி ஒற்று இரட்டித்தது; இன எழுத்து  ‘க்’மிகுந்தது)
                 (யாடு – உகரம் , நெடில்தொடர்க் குற்றியலுகரம்) (வேற்றுமைப் புணர்ச்சி)

யாடு + செவி = யாட்டுச் செவி ( பகுதி ஒற்று இரட்டித்தது; இன எழுத்து ‘ச்’மிகுந்தது)
                                                             (வேற்றுமைப் புணர்ச்சி)

யாடு + தலை = யாட்டுத் தலை ( பகுதி ஒற்று இரட்டித்தது; இன எழுத்து ‘த்’ மிகுந்தது)
        (வேற்றுமைப் புணர்ச்சி)
யாடு + தலை = யாட்டுத் தலை ( பகுதி ஒற்று இரட்டித்தது; இன எழுத்து‘த்’ மிகுந்தது)
(வேற்றுமைப் புணர்ச்சி)

யாடு + புறம் = யாட்டுப் புறம் ( பகுதி ஒற்று இரட்டித்தது; இன எழுத்து‘ப்’ மிகுந்தது) )
(வேற்றுமைப்  புணர்ச்சி)

நெடில்தொடர்க் குற்றியலுகரச் சொற்களின் புணர்ச்சிகளை மேலே பார்த்தோம் ! கீழே உயிர்த்தொடர்க் குற்றியலுகரச் சொற்கள் புணரும் வகை ! :-

முயிறு + கால் = முயிற்றுக் கால் (பகுதி ‘ற்’இரட்டித்தது; இன எழுத்து ‘க்’ மிகுந்தது)
(முயிறு – உகரம் ,உயிர்த்தொடர்க் குற்றியலுகரம்) (வேற்றுமைப் புணர்ச்சி)

முயிறு + சினை = முயிற்றுச் சினை (பகுதி ‘ற்’இரட்டித்தது; இன எழுத்து ‘ச்’ மிகுந்தது)
(வேற்றுமைப் புணர்ச்சி)

முயிறு + தலை = முயிற்றுத் தலை (பகுதி ‘ற்’இரட்டித்தது; இன எழுத்து ‘த்’ மிகுந்தது)
(வேற்றுமைப் புணர்ச்சி)

முயிறு + புறம் = முயிற்றுப் புறம் (பகுதி ‘ற்’இரட்டித்தது; இன எழுத்து ‘ப்’ மிகுந்தது)
(வேற்றுமைப் புணர்ச்சி)

இதுவரை , வல்லெழுத்தை முதலாகக் கொண்ட சொற்கள் வந்து புணர்ந்ததையே பார்த்தோம் !

மற்ற கணங்கள் ?

இளம்பூரணர் இவற்றுக்கும் குறிப்புத் தருகிறார் ! ‘இயல்புக் கணத்து முடிபு கொள்க’என்பது அவரின் உரைச் சூத்திரம் !
‘வன்கணம்’ தவிர்த்த ஏனைய மூன்று கணங்களும் இயல்புக் கணங்களே !

உயிர்க்கணம் (உயிரெழுத்து) , இடைக்கணம்(இடையெழுத்து), மென்கணம் (மெல்லெழுத்து) ஆகியவை இயல்புக் கணங்களே !

இவை புணருமாறு !:-

யாடு + ஞாற்சி = யாட்டு ஞாற்சி  (பகுதி ‘ட்’ இரட்டித்தது) (வேற்றுமைப் புணர்ச்சி)

யாடு + நீட்சி = யாட்டு நீட்சி  (பகுதி ‘ட்’ இரட்டித்தது) (வேற்றுமைப் புணர்ச்சி)
யாடு + மாட்சி = யாட்டு மாட்சி  (பகுதி ‘ட்’ இரட்டித்தது) (வேற்றுமைப் புணர்ச்சி)
யாடு + யாப்பு = யாட்டி யாப்பு  (பகுதி ‘ட்’ இரட்டித்தது) (வேற்றுமைப் புணர்ச்சி)
யாடு + வலிமை = யாட்டு வலிமை  (பகுதி ‘ட்’ இரட்டித்தது) (வேற்றுமைப் புணர்ச்சி)
யாடு + அடைவு = யாட் டடைவு  (பகுதி ‘ட்’ இரட்டித்தது) (வேற்றுமைப் புணர்ச்சி)
யாடு + ஆட்டம் = யாட்  டாட்டம்  (பகுதி ‘ட்’ இரட்டித்தது) (வேற்றுமைப் புணர்ச்சி)

மேலே யான் தந்துள்ளவை இளம்பூரணர் சுருக்கமாகத் தந்ததன் விரிவே !

இவை ஒவ்வொன்றும் ஒரு ‘சூத்திரம்’தான் ! புணர்ச்சிகளில் ஐயம் வரும்போதெல்லாம் இவற்றை நினைத்துக்கொள்ளவேண்டும் !

இளம்பூரணர் ‘முயிறு’ என ஒன்றைச் சொன்னாரல்லவா?
என்ன அது ?  கண்ணா ‘முயிறு’ பார்க்க ஆசையா ?

[You must be registered and logged in to see this link.]
Courtesy-jameswhiteants.com
இதுதான் முயிறு ! ‘முசுறு’ என்பதும் இதுவே ! ‘உறவி’ என்று சங்க இலக்கியத்தில்(அகம்399) குறிப்பிடப்படுவது எல்லா வகை எறும்புகளையும் குறிக்கும். முயிறின் விலங்கியல் பெயர் -  Oecophylla smaragdina ; பொதுப் பெயர்- Weaver ants ; கூடு கட்டும் இயல்பு கொண்டது முயிறு! முதலில் ராணி முயிறு ஒரு கொத்து முட்டைகளை ஓரிடத்தில் இடுமாம்; அம் , அக் குட்டி முயிறுகளே கூடு கட்டுமாம் ! கூட்டுப் பணிக்கு முயிறு சரியான உதாரணம் என்று வியக்கின்றனர் எறும்பு ஆய்வாளர்கள் !

முயிறு கட்டிய கூட்டைப் பார்க்க ஆசையா?
[You must be registered and logged in to see this link.]
படம் – முனைவர் சு . சௌந்தரபாண்டியன்  

இவ்வளவையும் படித்துவிட்டு ‘ஆள் சரியான முசுடு’ என்று கூறமாட்டீர்களே ?

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (123)

Post by Dr.S.Soundarapandian on Mon Aug 26, 2013 9:40 pm

தொடத் தொடத் தொல்காப்பியம் (123)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

‘யாடு + கால்’ என்பது , பகுதி ஒற்று இரட்டித்து , இன எழுத்துச் சந்தி பெற்று ‘யாட்டுக் கால்’ என ஆகும் என்று முன் கட்டுரையில் பார்த்தோம் !

இதைச் சொல்லிய கையோடு , ‘இதற்கு விதி விலக்கும் உண்டு !’ என்கிறார் தொல்காப்பியர் ! :-

“ஒற்றிடை யினமிகா மொழியுமா ருளவே
அத்திறத் தில்லை வல்லெழுத்து மிகலே”   (குற்றியலு.7)

‘விதி விலக்கு’ என்றால், ‘பகுதி ஒற்று இரட்டிக்கக் கூடாது , இன எழுத்துச் சந்தி மிகக் கூடாது’ இல்லையா?

பார்ப்போம் , இதற்கு என்ன எடுத்துக்காட்டுகளை இளம்பூரணர் தருகிறார் என்று ! :-

நாகு + கால் = நாகு கால் (வேற்றுமைப் புணர்ச்சி) (பகுதியும் இரட்டவில்லை, சந்தியும்  
மிகவில்லை)
(நாகு – உகரம் , நெடில்தொடர்க் குற்றியலுகரம்)

நாகு + சினை = நாகு சினை (வேற்றுமைப் புணர்ச்சி)
நாகு + தலை = நாகு தலை (வேற்றுமைப் புணர்ச்சி)
நாகு + புறம் = நாகு புறம் (வேற்றுமைப் புணர்ச்சி)

வரகு + கதிர் = வரகு கதிர் (வேற்றுமைப் புணர்ச்சி) (பகுதியும் இரட்டவில்லை, சந்தியும்  
மிகவில்லை)
(வரகு – உகரம் , உயிர்த்தொடர்க் குற்றியலுகரம்)

வரகு + சினை = வரகு சினை (வேற்றுமைப் புணர்ச்சி)
வரகு + தலை = வரகு தலை (வேற்றுமைப் புணர்ச்சி)
வரகு + புறம் = வரகு புறம் (வேற்றுமைப் புணர்ச்சி)

‘வரகு கதிர்’ என இடைச் சந்தி இல்லாமல் வருவதை ஏற்றுக்கொள்வது சற்றுக் கடினமே ! ஆனால் ‘விதி விலக்கு’ என்றுதானே தொல்காப்பியரும் அனுமதித்திருக்கிறார்?

தவிரவும் , பழந்தமிழர்கள் உச்சரித்த முறையையும் நாம் கவனத்தில் கொள்ளவேண்டும் !
‘நாகு கால்’ என்று இடைவிடாமல் அன்று உச்சரித்துள்ளனர் !

‘வரகு கதிர்’ என்று  இடைவிடாமல் அன்று உச்சரித்துள்ளனர் !
      கிராமப் புறங்களில் இன்றும் இத்தகைய உச்சரிப்பைக் கேட்கலாம் !

தவிரவும் , ‘வரகு கதிர்’ என இடைச்சந்தி வராமல் இருப்பதில் உள்ள குழப்பத்தை நீக்க,இளம்பூரணர் உரையிலேயே ஒரு வழி உள்ளது !

அதன்படி, ‘இன்’ சாரியை சேர்ந்தால் குழப்பம் தீரும் !

வரகு + கால் = வரகின் கால்  (வேற்றுமைப் புணர்ச்சி)
நாகு + கால் = நாகின் கால் (வேற்றுமைப் புணர்ச்சி)
இந்த இடம் ஆழ்ந்து நோக்குதற்கு உரியது !
‘வரகு கதிர்’ என்ற சந்தியில்லாப் புணர்ச்சி ஒரு விதி விலக்குதான் !
உயிர்த்தொடர்க் குற்றியலுகரச் சொற்கள் எல்லாமே இப்படித்தான் சந்தியில்லாமல் புணரும் என்று எடுத்துக்கொள்ளக்கூடாது ! அப்படி எடுத்தால் , ‘முயிறு + கால் = முயிறு கால்’ என்றுதானே வரும் ? ‘முயிறு’விலுள்ள உகரமும் உயிர்த்தொடர்க் குற்றியலுகம்தானே ?
விதிவிலக்கை விதியாக எடுத்துக்கொண்டு பலர் துன்புறுகின்றனர் !
துன்புற்றுப் , ‘பரிசு சீட்டு’ , ‘அரசு செயலர்’ , ‘அரசு பேருந்து’ என்றுதான் சந்தியில்லாது எழுதவேண்டும் என வாதிடுகின்றனர் !
தவறு இது !

பரிசு சீட்டு ×
பரிசுச் சீட்டு √

அரசு செயலர் ×
அரசுச் செயலர் √

அரசு பேருந்து ×
அரசுப் பேருந்து √      என்றுதான் வரவேண்டும் !

உகர ஈற்றுப் பெயர் ,  வேற்றுமைப் புணர்ச்சியில் வல்லெழுத்துச் சந்தி பெறும் என்பதற்கு விதி – உயிர் மயங்கியல் நூ.57 ( ‘வேற்றுமைக் கண்ணும் …’)
கடு + காய் = கடுக்காய் (வேற்றுமைப் புணர்ச்சி)
இன்னொரு விதி – உயிர் மயங்கியல் நூ- 57 ( ‘எருவுஞ்…’) .
செரு + களம் = செருக்களம் (வேற்றுமைப் புணர்ச்சி)
கடு , செரு – இவைகளில் உயிர்த்தொடர்க் குற்றியலுகரம் இல்லை எனலாம் ! பொது விதிக்காகவே இவை காட்டப்பட்டன !  
சுருக்கமாகச் சொன்னால் , ‘உயிர்தொடர்க் குற்றியலுகரத்திற்கு அடுத்து ஒற்று வராது’ என்போர் கீழ்வரும் வடிவங்களுக்கு என்ன கூறுவர் ? :-

அழகு + பெண் = அழகுப் பெண் √ (வேற்றுமைப் புணர்ச்சி)
(அழகு – உகரம், உயிர்த்தொடர்க் குற்றியலுகரம்)

தரிசு + பட்டா = தரிசுப் பட்டா √ (வேற்றுமைப் புணர்ச்சி)
பரசு + காம்பு = பரசுக் காம்பு √ (வேற்றுமைப் புணர்ச்சி)
துருசு + கட்டி = துருசுக் கட்டி √ (வேற்றுமைப் புணர்ச்சி)
சுளகு + காது = சுளகுக் காது √ (வேற்றுமைப் புணர்ச்சி)
பரிசு + பெட்டி = பரிசுப் பெட்டி √ (வேற்றுமைப் புணர்ச்சி)

இளம்பூரணர் குறித்த ‘வரகு கதிர்’ எப்படி இருக்கும் , பார்த்திருக்கிறீர்களா?
[You must be registered and logged in to see this link.]
Courtesy- icrisat.org

இதுதான் ‘வரகு கதிர்’ ! வரகுதான் ‘வரகரிசி’ எனப்படுகிறது! வரகின் தாவரவியல் பெயர் - Paspalum scrobiculatum ; இதன் பொதுப்பெயர் – Common millet ; வரகின் தாயகம் இந்தியா எனப் போனால் போகிறதென்று ஒத்துக்கொண்டுள்ளனர் ! இதைச் சற்று விரித்து ‘இந்தியாவில் எங்கே ? தமிழகமா?’என்று தமிழர்கள் கேட்க வேண்டும் ! 3000 ஆண்டு வரலாறு வரகுக்கு இருக்கிறது என்கின்றனர் ! தமிழர் நாகரிகம் தொன்மையானது என்ற கருத்தை இங்கு இணைத்து ஆயவேண்டும் ! வரகு வேறு , கேழ்வரகு வேறு ! கேழ்வரகு , கேப்பை , ராகி எல்லாம் ஒன்று!

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

தொடத் தொடத் தொல்காப்பியம் (124)

Post by Dr.S.Soundarapandian on Thu Sep 05, 2013 9:28 pm

தொடத் தொடத் தொல்காப்பியம் (124)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

தொல்காப்பிய நூற்பாவில் ‘இடையொற்றுத் தொடர்’ என்பது, இடைத்தொடர்க் குற்றியலுகரத்தைக் குறிக்கும் !
‘ஆய்தத் தொடர்’ என்பது , ஆய்த்த் தொடர்க் குற்றியலுகரத்தைக் குறிக்கும் !

இந்த இருவகைக் குற்றியலுகரங்களும் , வேற்றுமையில் ,மெய்யெழுத்துச் சந்தி பெற்றும் வரும் ,பெறாமலும் வரும் என்கிறார் தொல்காப்பியர் ! :-

“இடையொற்றுத் தொடரு மாய்தத் தொடரும்
நடையா யியல வென்மனார் புலவர்” (குற்றியலு.8)

‘நடை ஆயியல’ என்பது கவனிக்கத் தக்கது !

”இடைத்தொடர்க் குற்றியலுகரமும் , ஆய்தத் தொடர்க் குற்றியலுகரமும் , புணர்ச்சியில் வல்லெழுத்துச் சந்தி பெறாது” என்று தொல்காப்பியர் கூறவில்லை !

“இந்த இரு குற்றியலுகரங்களும் , விதி விலக்காகப், புணர்ச்சியில் சந்தி பெறாமலும் வரும் ” என்பதே தொல்காப்பியர் கூறியது !

‘ஆ’ – என்ற சுட்டுப் பெயர் (Demonstrative pronoun) , ‘அந்த’ எனும் பொருள் கொண்டது. அகரத்தின் நீட்சிதான் ‘ஆ’!

‘அந்த’ என்பது முன் நூற்பாவைச் சுட்டும் !

முன் நூற்பாவில் (குற்றியலு.7),  ‘ஒற்றிடை இனம் மிகா மொழியுமார் உளவே’
என்று கூறியதிலுள்ள , ‘மொழியும்’என்பது நோக்கற்பாலது ! இதிலுள்ள உம்மை , எதிர்மறை உம்மை ! பொருள் யாதெனில் , ‘ஒற்றிடை வராத புணர்ச்சிகளும் உள’ என்பதே ! அப்படியானால் , ஒற்று இடையே வருவதுதான் இயல்பு என்பதுதானே கருத்து ?

நாம் எடுத்துக் கொண்ட நூற்பாவுக்கு வருவோம் !

தொல்காப்பியர் கூறிய விதிவிலக்கை உரியவகையில் நோக்காது ,    ‘இடைத்தொடர்க் குற்றியலுகரச் சொற்கள்  , வேற்றுமைப் புணர்ச்சியில் , ஒற்றெழுத்துச் சந்தி பெறா’ என்ற கருத்து நிலைநாட்டப்பட்டுவிட்டது !

விதிவிலக்கை விதியாக இப்படி நிலைநாட்டியவர் நன்னூலார்தான் !

நன்னூலைப் (உயிரீற்றுப் புணரியல் 32) பின்பற்றி இன்று பரவலாக ‘இயல்பு புணர்ச்சி’ என்றே எழுதுகின்றனர் !

‘வேற்றுமைப் புணர்ச்சி’ , ‘அல்வழிப் புணர்ச்சி’ என்று சொல்லிய கையோடு ‘இயல்புப் புணர்ச்சி’ எனச் சொல்லிப்பாருங்கள் , உண்மை விளங்கும் !

‘இயல்புப் புணர்ச்சி’ என்று எழுதுவதில் எந்த இலக்கணப் பிழையும் வராது ! ஒலிப்புமுறை (Articulation) நோக்கிலும் பிழை வராது!

சில இடைத்தொடர்க் குற்றியலுகரச் சொற்கள் புணர்வதைப்  பார்ப்போம் ! :-

மார்பு + கூடு = மார்புக் கூடு (வேற்றுமைப் புணர்ச்சி)
(மார்பு – உகரம் , இடைத்தொடர்க் குற்றியலுகரம்)

மார்பு + சளி = மார்புச் சளி (வேற்றுமைப் புணர்ச்சி)

மார்பு + தசை = மார்புத் தசை (வேற்றுமைப் புணர்ச்சி)

மார்பு + சங்கிலி = மார்புச் சங்கிலி (வேற்றுமைப் புணர்ச்சி)

மார்பு + கவசம் = மார்புக் கவசம் (வேற்றுமைப் புணர்ச்சி)

இயல்பு + குணம் = இயல்புக் குணம் (வேற்றுமைப் புணர்ச்சி)
இயல்பு + பண்பு = இயல்புப் பண்பு (வேற்றுமைப் புணர்ச்சி)

தொடர்பு + கடிதம் = தொடர்புக் கடிதம் (வேற்றுமைப் புணர்ச்சி)

கதழ்பு + செயல் = கதழ்புச் செயல் (வேற்றுமைப் புணர்ச்சி)
(கதழ்பு – விரைவு)

கேழ்பு + பண்பு = கேழ்புப் பண்பு (வேற்றுமைப் புணர்ச்சி)
(கேழ்பு – நன்மை ,blessing)

கீழ் வருவன உயிர்த்தொடர்க் குற்றியலுகரப் புணர்ச்சிகள் ! :-

உருபு + தொகை = உருபுத் தொகை (வேற்றுமைப் புணர்ச்சி)

வெருகு + கால் = வெருகுக் கால் (வேற்றுமைப் புணர்ச்சி)
(வெருகு – ஆண் பூனை )

உருது + புலவர் = உருதுப் புலவர் (வேற்றுமைப் புணர்ச்சி)

விருது + தேர்வு = விருதுத் தேர்வு (வேற்றுமைப் புணர்ச்சி)

விருது + சான்றிதழ் = விருதுச் சான்றிதழ் (வேற்றுமைப் புணர்ச்சி)

விருது + பட்டியல் = விருதுப் பட்டியல் (வேற்றுமைப் புணர்ச்சி)


கொலுசு + கால் = கொலுசுக் கால் (வேற்றுமைப் புணர்ச்சி)

வயது + பெண் = வயதுப் பெண் (வேற்றுமைப் புணர்ச்சி)

அறுகு + குப்பை = அறுகுக் குப்பை (வேற்றுமைப் புணர்ச்சி)
(அறுகு – புல் வகை)

அறுகு + குடிநீர் = அறுகுக் குடிநீர் (வேற்றுமைப் புணர்ச்சி)
(குடிநீர் – கஷாயம்)

மேலே கண்டவாறு ,இடைத்தொடர்க் குற்றியலுகரப் புணர்ச்சியாயினும் உயிர்த்தொடர்க் குற்றியலுகரப் புணர்ச்சியாயினும் மெய்யெழுத்துச் சந்தி பெறுதலே தமிழ் நாவின்  மரபு !

‘வயசுப் பெண்ணை வைத்துக்கொண்டு , இந்த ஆம்பிளைக்குக் கொஞ்ச மாவது பொறுப்பிருக்கா?’- முதியோள் வீட்டில் இரைவதை இலக்கணப் புலவர்கள் தடுக்கமுடியாது ! அவள் நாவில்  ‘வயசுப்’ என  ‘ப்’ ஒற்றெழுத்து வருகிறதே அதுதான் தமிழ் மரபு ! அதுதான் தமிழ் இலக்கணத்திற்கு அடிப்படையே ! (வயசு- உகரம் , உயிர்த்தொடர்க் குற்றியலுகரம்).

தமிழ்ப் பாட்டி எப்படிச் சொல்வாள்? ‘கருதுக் கம்பி’ என்றுதானே சொல்வாள்? (கருதுக் கம்பி – குத்துக் கம்பி). ‘கருது கம்பி’ என்றால் வினைத் தொகையாக அல்லவா நிற்கும் ? இலக்கண முரண் இல்லையா இஃது ? ! ‘கருதுக் கம்பி ’ என்றால்தானே பெயர்ச்சொல் கிடைக்கும் ? கருதுக் கம்பி – கூட்டுப் பெயர் (Compound noun ). இதை நாம் கருதக்கூடாதா? (கருது- உகரம் , உயிர்த்தொடர்க் குற்றியலுகரம்).


இடைத் தொடர்க் குற்றியலுகரச் சொல், புணர்ச்சியில், ஒற்றுப் பெறாது என்பதற்கு இளம்பூரணர் ‘தெள்கு கால்’ என்பதை எடுத்துக்காட்டாகத் தந்தார் ! ‘தெள்குக் கால்’என்றால் ‘தெள்கு’ என்ற பெயர்ச் சொல்லுக்கு  ஒரு வினைப் பண்பு (Verbal sense)  வரக் காணலாம் ! ‘நொண்டிக் கால் ’ என்பதுபோலத்  ‘தெள்குக் கால்’ அமைவதால் அதனைத் தவிர்ப்பதற்காகத் ‘தெள்கு கால்’ கொள்ளப்படுகிறது !  இது விதி விலக்கு ! விதி அல்ல !

அச்சில் உள்ள இளம்பூரணர் , நச்சினார்க்கினியர் உரைகளில் எல்லாம் ‘இயல்பு புணர்ச்சி’, ‘உருபு புணர்ச்சி’ என்றுதானே  உள்ளது ?

நல்ல கேள்வி !


உரையாசிரியர்கள் எழுதிய அதே சொல்லாட்சிகள்தாம் அச்சிட்ட பதிப்புகளில் வந்துள்ளன என்று யாராலும் கூற இயலாது ! நமக்குக் கிடைக்கும் உரையாசிரியர் நடை பதிப்பாசிரியரின் நடை கலந்ததுதான் !எனவே , பதிப்புகள் நமக்குச் சான்றாக அமையா!
இப்போது ஆய்தத் தொடர்க் குற்றியலுகரத்திற்கு வருவோம் !

இதுவும் , விதி விலக்காக , ‘ ஒற்றுச் சந்தி பெறாமலும் வரும்’என்றுதான் தொல்காப்பியர் கூறியுள்ளார் ! ‘எஃகு கால்’ என்ற இளம்பூரணரின் எடுத்துக்காட்டு ,விதிவிலக்கு எடுத்துக்காட்டுதான் !       ஆய்தம், அதனை அடுத்த குகரம், அதனைத் தொடரும் ககர நெடில் என மூன்று சிக்கலான ஒலிக்கூட்டத்தில் நான்காவதாக ‘க்’ சேர்வது பொருத்தமில்லைதான் ! எனவே ‘எஃகு கால்’ என்பதில் இடையொற்று வராது என்பதை விதிவிலக்காக ஏற்றுக்கொள்ளத்தான் வேண்டும் ! இதற்குத்தான் தொல்காப்பியரும் நூற்பா யாத்தார் !

கீழ்வரும் ஆய்தத் தொடர்க் குற்றியலுகரப்  புணர்ச்சிகளைப் பாருங்கள் !:-

எஃகு + சட்டி = எஃகுச் சட்டி (வேற்றுமைப் புணர்ச்சி)

எஃகு + துறை = எஃகுத் துறை (வேற்றுமைப் புணர்ச்சி)

எஃகு + கம்பி = எஃகுக் கம்பி (வேற்றுமைப் புணர்ச்சி)

எஃகு + சட்டம் = எஃகுச் சட்டம் (வேற்றுமைப் புணர்ச்சி)

- இங்கெல்லாம் ஒற்று வரத்தானே வேண்டும் ?

‘இரும்புச் சட்டி’ என்று உச்சரித்த கையோடு ‘எஃகுச் சட்டி’ என உச்சரித்துப் பாருங்கள் ! உண்மை விளங்கும் !

‘எஃகு சட்டம் கொண்டுவந்தாள் ’ – என்றால் , அவள் கொண்டு வந்தது , எஃகா? சட்டமா?அல்லது இரண்டுமா? ‘எஃகுச் சட்டம் கொண்டு வந்தாள்’ என்றால் பொருளில் எந்தக் குழப்பமும் இல்லை !  ‘எஃகாலாகிய சட்டத்தைக் கொண்டுவந்தாள்’ என்ற ஒரு பொருள்தான் அங்கே வருகிறது ! மொழியின் அடிப்படை விதியே குழப்பம் இருக்கக்கூடாது என்பதுதானே ?

இன்னும் குழப்பம் தீரவில்லையா?

மேலும் ஆய்வோம் !

1 .   இயல்புப் புணர்ச்சியில் ஒரு மாணவி பிழை செய்துள்ளாள் ; இதைத் தொடரில் எழுதுங்கள் என்றால் நீங்கள் எப்படி எழுதுவீர்கள் ?

‘ இயல்பு புணர்ச்சிப் பிழை செய்தாள்’ – என எழுதுவீர்களா?
இப்படி எழுதினால் , ‘இயல்பு என்ற பெண் , புணர்ச்சியில் பிழை செய்தாள் ’ என்றுதானே ஆகும் ? இது பிழையானது ஆயிற்றே ?

நாம் பார்த்ததுபோல , ‘இயல்புப் புணர்ச்சிப் பிழை செய்தாள்’ என எழுதினால் , ஒரு குழப்பமும் வராது !
இப்போது நாம் பார்த்தது , இடைத்தொடர்க் குற்றியலுகரத்திற்கு ; இனி, உயிர்த்தொடர்க் குற்றியலுகரத்தைப் பார்ப்போம் !

2 . உருபுப் புணர்ச்சியில் ஒரு மாணவி பிழை செய்துள்ளாள் ; இதை எப்படி எழுதுவீர்கள் ?

‘உருபு புணர்ச்சிப் பிழை செய்தாள்’ – என எழுதுவீர்ளா?

இப்படி எழுதினால் , ‘உருபு என்ற பெயர் உள்ள பெண் புணர்ச்சியில் பிழை செய்தாள்’என்றுதானே ஆகும் ? பொருளே மாறிவிடுகிறதே ?

நாம் பார்த்தது போல ‘உருபுப் புணர்ச்சியில் பிழை செய்தாள்’ என எழுதிப் பாருங்கள் ; எந்தப் பிழையும் வராது !

இவற்றிலிருந்து நமது ஆய்வு சரிதான் என ஆகுமல்லவா?
***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

Re: தொடத் தொடத் தொல்காப்பியம்(461)

Post by ராஜு சரவணன் on Thu Sep 05, 2013 9:40 pm

நன்றி அய்யா... தொடர்கிறோம் புன்னகை

ராஜு சரவணன்
வழிநடத்துனர்


நிகழ்நிலை
இணையாநிலை

பதிவுகள் : 4638
மதிப்பீடுகள் : 1529

View user profile http://puthutamilan.blogspot.in/

Back to top Go down

Re: தொடத் தொடத் தொல்காப்பியம்(461)

Post by mohu on Fri Sep 06, 2013 7:43 am

அருமையான விளக்கம் , நன்றி
avatar
mohu
பண்பாளர்


நிகழ்நிலை
இணையாநிலை

பதிவுகள் : 125
மதிப்பீடுகள் : 35

View user profile http://www.dhuruvamwm.blogspot.com

Back to top Go down

Re: தொடத் தொடத் தொல்காப்பியம்(461)

Post by பூவன் on Fri Sep 06, 2013 11:12 am

புணர்ச்சிகள் பற்றி அறிய தந்தமைக்கு நன்றி ஐய்யா
avatar
பூவன்
வி.ஐ.பி

வி.ஐ.பி

நிகழ்நிலை
இணையாநிலை

பதிவுகள் : 17648
மதிப்பீடுகள் : 2764

View user profile

Back to top Go down

தொடத் தொடத் தொல்காப்பியம் (125)

Post by Dr.S.Soundarapandian on Sat Sep 07, 2013 1:57 pm

தொடத் தொடத் தொல்காப்பியம் (125)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

குரங்கு + கால் = குரங்குக் கால் √
குரங்கு + கால் = குரக்குக் கால் √

இஃதெப்படி ? இரண்டுமா சரி ? தொல்காப்பிய விதி  இதற்கு உள்ளதா?

இதோ உள்ளது !:-

“வன்தொடர் மொழியும் மென்தொடர் மொழியும்
வந்த வல்லெழுத்து ஒற்றிடை மிகுமே
மெல்லொற்றுத் தொடர்மொழி மெல்லொற்று எல்லாம்
வல்லொற்று இறுதிக் கிளையொற்று ஆகும் ”  (குற்றியலு. 9)


‘வன்தொடர் மொழியும்’ – வன்றொடர்க் குற்றியலுகரமும்

‘மென்தொடர் மொழியும்’ – மென்றொடர்க் குற்றியலுகரமும்

‘வந்த வல்லெழுத்து’ – வரு சொல்லின் முதலெழுத்து வல்லின எழுத்தாகும்போது

‘ஒற்றிடை மிகுமே’ – நின்ற சொல்லுக்கும் , வரு சொல்லுக்கும் இடையே , வருசொல்லின் முதல் வல்லின எழுத்தின் மெய்யானது தோன்றும்

‘மெல்லொற்றுத் தொடர்மொழி’ – மென்றொடர்க் குற்றியலுகரம்

‘மெல்லொற்று எல்லாம்’ – இதிலுள்ள (மென்றொடர்க் குற்றியலுகரத்திலுள்ள) மெல்லின மெய் எல்லாம்

‘வல்லொற்று இறுதி ‘ – நிலைமொழி இறுதியில் வல்லொற்றுப் பெறும்

‘கிளையொற்று ஆகும்’ – அந்த மெல்லெழுத்தானது அதன் கிளையெழுத்து (இன எழுத்து) ஆகும் !

இவ்வுரைக் கேற்ப இளம்பூரணர் தந்துள்ள எடுத்துக்காட்டுகள் !:-

(1) கொக்கு + கால்  =  கொக்குக் கால் (வல்லெழுத்து  ‘க்’ இடை மிகுந்தது)
(வேற்றுமைப் புணர்ச்சி)
(கொக்கு – ஈற்று உகரம், வன்றொடர்க் குற்றியலுகரம்)

கொக்கு + சிறகு  =  கொக்குச் சிறகு (வல்லெழுத்து  ‘ச்’ இடை மிகுந்தது)
(வேற்றுமைப் புணர்ச்சி)

கொக்கு + தலை  =  கொக்குத் தலை (வல்லெழுத்து  ‘த்’ இடை மிகுந்தது)
(வேற்றுமைப் புணர்ச்சி)

கொக்கு + புறம்  =  கொக்குப் புறம் (வல்லெழுத்து  ‘ப்’ இடை மிகுந்தது)
(வேற்றுமைப் புணர்ச்சி)

மேல் நான்கும் வன்றொடர்க் குற்றியலுகரப் புணர்ச்சிகள் !

இனி , மென்றொடர்க் குற்றியலுகரப் புணர்ச்சிகள் !:-

(2)குரங்கு + கால்  =  குரங்குக் கால் (வல்லெழுத்து  ‘க்’ இடை மிகுந்தது)
(வேற்றுமைப் புணர்ச்சி)
(குரங்கு – ஈற்று உகரம், மென்றொடர்க் குற்றியலுகரம்)

குரங்கு + செவி  =  குரங்குச் செவி (வல்லெழுத்து  ‘ச்’ இடை மிகுந்தது)
(வேற்றுமைப் புணர்ச்சி)

குரங்கு + தலை  =  குரங்குத் தலை (வல்லெழுத்து  ‘த்’ இடை மிகுந்தது)
(வேற்றுமைப் புணர்ச்சி)

குரங்கு + புறம்  =  குரங்குப் புறம் (வல்லெழுத்து  ‘ப்’ இடை மிகுந்தது)
(வேற்றுமைப் புணர்ச்சி)

(3)குரங்கு + கால்  =  குரக்குக் கால் (  ‘ங்’கின் கிளையான ‘க்’ வந்தது;வல்லெழுத்து  ‘க்’ இடை மிகுந்தது) (வேற்றுமைப் புணர்ச்சி)
(குரங்கு – ஈற்று உகரம், மென்றொடர்க் குற்றியலுகரம்)

குரங்கு + செவி  =  குரக்குச் செவி(  ‘ங்’கின் கிளையான ‘க்’ வந்தது;வல்லெழுத்து  ‘ச்’ இடை மிகுந்தது) (வேற்றுமைப் புணர்ச்சி)

குரங்கு + தலை  =  குரக்குத் தலை (  ‘ங்’கின் கிளையான ‘க்’ வந்தது;வல்லெழுத்து  ‘த்’ இடை மிகுந்தது) (வேற்றுமைப் புணர்ச்சி)

குரங்கு + புறம்  =  குரக்குப் புறம் (  ‘ங்’கின் கிளையான ‘க்’ வந்தது;வல்லெழுத்து  ‘ப்’ இடை மிகுந்தது) (வேற்றுமைப் புணர்ச்சி)


எண்கு + குட்டி  =  எட்குக் குட்டி (‘ண்’ணின் கிளையான ‘ட்’ வந்தது;வல்லெழுத்து  ‘க்’ இடை மிகுந்தது) (வேற்றுமைப் புணர்ச்சி)
(எண்கு – ஈற்று உகரம், மென்றொடர்க் குற்றியலுகரம்)

எண்கு + செவி  =  எட்குச் செவி (‘ண்’ணின் கிளை ‘ட்’ வந்தது;வல்லெழுத்து  ‘ச்’ இடை மிகுந்தது) (வேற்றுமைப் புணர்ச்சி)

எண்கு + தலை  =  எட்குத் தலை (‘ண்’ணின் கிளை ‘ட்’ வந்தது;வல்லெழுத்து  ‘த்’ இடை மிகுந்தது) (வேற்றுமைப் புணர்ச்சி)
எண்கு + புறம்  =  எட்குப் புறம் (‘ண்’ணின் கிளை ‘ட்’ வந்தது;வல்லெழுத்து  ‘ப்’ இடை மிகுந்தது) (வேற்றுமைப் புணர்ச்சி)

எண்கு – கரடி .

கொக்கை விடமுடியவில்லை இளம்பூரணரால் ! மேலும் தொடர்கிறார் பாருங்கள் ! :-
“இவ்விரண்டு ஈற்றிற்கும் உருபிற்குச் சென்ற சாரியை பொருட்கு எய்திய வழி , இயைபு வல்லெழுத்து வீழ்க்க !”

தொல்காப்பிய மூலம் நமக்கு விளங்கினாலும் விளங்கும் , உரையாசிரியர்களின் உரை விளங்காது !

‘இவ்விரண்டு ஈற்றிற்கும்’ – ‘கொக்கு’ , ‘குரங்கு’ ஆகிய இரு சொற்களின் இறுதிக்கும்

‘உருபிற்குச் சென்ற சாரியை பொருட்கு எய்திய வழி’ – ‘கொக்கினது’ என்பதில் உள்ள ‘இன்’ சாரியை எதற்கு வந்தது ?  ‘அது’ என்ற வேற்றுமை உருபிற்காக வந்தது ! (இதுதான் ‘உருபிற்குச் சென்ற சாரியை’) ; அவ்வாறு வந்த ‘இன்’சாரியை , தானே வேற்றுமைப் பொருளைத் தந்து  ‘அது’வைத் தேவையற்றதாக்கிக்  ‘கொக்கினது’ என்பதற்குப் பதில் , ‘கொக்கின்’ என்று அதே பொருளில் நின்றுகொள்கிறது! (இதுவே ‘பொருட்கு எய்திய வழி’)

‘இயைபு வல்லெழுத்து வீழ்க்க’ – ‘கொக்குக் கால்’ என்றுதானே சற்றுமுன் பார்த்தோம் ? இதிலுள்ள இரண்டாம் ‘க்’கை நீக்குக !

இதன்படி ?

இதன்படி ! :-

(4) கொக்கு + கால் = கொக்கின் கால் (இன் சாரியை) (வேற்றுமைப் புணர்ச்சி)

குரங்கு + கால்  =  குரங்கின் கால் (இன் சாரியை) (வேற்றுமைப் புணர்ச்சி)

மேலே ,மென்றொடர்க் குற்றியலுகரப் புணர்ச்சியில் ,   ‘குரங்கு + கால் = குரக்குக் கால் ’ என வந்ததைப் பார்த்தோமல்லவா ? இதற்கு ஒரு விதிவிலக்கைக் கூறுகிறார் இளம்பூரணர் ! :-

(5) பரம்பு  + பாரி = பரப்புப் பாரி ×
= பரம்பிற் பாரி √ (இன் சாரியை வந்துள்ளது)(வேற்றுமைப் புணர்ச்சி)
(பரம்பு – ஈற்று உகரம், மென்றொடர்க் குற்றியலுகரம்)

‘குரங்கு + கால் = குரக்குக் கால்’ என்பதில் , வருமொழியானது, வல்லெழுத்தை முதலாகக் கொண்டது ( ‘கால்’ என்பதன் முதல் எழுத்து ‘க்’) ; இப்படியின்றி , வருமொழியானது, உயிரெழுத்தை , மெல்லெழுத்தை , இடையெழுத்தை முதலாகக் கொண்டாலும் ‘குரங்கு’ என்பது ‘குரக்கு’ என ஆகும் என்றொரு செய்தியைக் கூடுதலாகத் தருகிறார் இளம்பூரணர் ! :-

(6) குரங்கு  + ஞாற்சி  = குரக்கு ஞாற்சி (வேற்றுமைப் புணர்ச்சி)

குரங்கு  + நீட்சி  = குரக்கு நீட்சி (வேற்றுமைப் புணர்ச்சி)

குரங்கு  + மாட்சி  = குரக்கு மாட்சி (வேற்றுமைப் புணர்ச்சி)

குரங்கு  + யாப்பு  = குரக்கி யாப்பு (வேற்றுமைப் புணர்ச்சி)

குரங்கு  + வலிமை  = குரக்கு வலிமை (வேற்றுமைப் புணர்ச்சி)

குரங்கு  + அடைவு  = குரக்கடைவு (வேற்றுமைப் புணர்ச்சி)
குரங்கு  + ஆட்டம்  = குரக்காட்டம் (வேற்றுமைப் புணர்ச்சி)

சிலம்பு + அதிகாரம் = சிலப்பதிகாரம்  (வேற்றுமைப் புணர்ச்சி)

மேலே கண்ட சில புணர்ச்சிகள் நமக்கு அந்நியம்போலத் தோன்றும் ! ஆனால் அந்நியமல்ல !

கரும்பு + கட்டி = கருப்புக் கட்டி (வேற்றுமைப் புணர்ச்சி) ; இதுதான் ‘கருப்பட்டி’ ஆனது !  (கரும்பு – ஈற்று உகரம், மென்றொடர்க் குற்றியலுகரம்).

ஈச்சம் பழம் நீங்கள் சாப்பிட்டதுதானே ? வாருங்கள் இதிலொரு வாணவேடிக்கை !

ஈந்து + பழம் = ஈத்தம் பழம் (வேற்றுமைப் புணர்ச்சி) (மெல்லின ‘ந்’ , கிளை எழுத்தாகிய ‘த்’ ஆனது ; அம் சாரியை தோன்றியது ; ஈந்து – ஈற்று உகரம், மென்றொடர்க் குற்றியலுகரம் ).

ஈஞ்சு + பழம் = ஈச்சம் பழம்  (வேற்றுமைப் புணர்ச்சி) (மெல்லின ‘ஞ்’ , தன் கிளை எழுத்தாகிய ‘ச்’ ஆனது ; அம் சாரியை தோன்றியது ; ஈஞ்சு – ஈற்று உகரம், மென்றொடர்க் குற்றியலுகரம் ).
(ஈஞ்சம் பாக்கம் என்ற சென்னைப் பகுதியை இங்கு நினைவு கூர்க)

‘ஈந்துப் பழம்’ , ‘ஈஞ்சுப் பழம்’ என்றெல்லாம் வரவில்லை என்பதைப் பார்த்து மகிழ்க !

மொழியியலில் ,  ‘குரங்குக் கால் ’ என்பதை ‘Noun Dative + Noun ’ எனக் குறிப்பர் ! மொத்தத்தில் , NP (Noun Phrase) என்பர் ; மெய் (Consonant) , உயிர் (Vowel) அமைப்பில் , ‘CVCVCCVC  CVC ’ என எழுதுவர் (C- Consonant, V- Vowel; ‘கு’ என்பதில்  ‘க் + உ’ உள்ளதால் ,  ‘CV ’ எனக் குறிக்கவேண்டும் !)

***
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

Re: தொடத் தொடத் தொல்காப்பியம்(461)

Post by ராஜு சரவணன் on Sat Sep 07, 2013 2:08 pm

சிலப்பதிகாரம், கருப்பட்டி, ஈச்சம் பழம் பற்றிய புணர்ச்சி விளக்கங்கள் அருமை அய்யா புன்னகை

ராஜு சரவணன்
வழிநடத்துனர்


நிகழ்நிலை
இணையாநிலை

பதிவுகள் : 4638
மதிப்பீடுகள் : 1529

View user profile http://puthutamilan.blogspot.in/

Back to top Go down

தொடத் தொடத் தொல்காப்பியம் (126)

Post by Dr.S.Soundarapandian on Sun Sep 08, 2013 5:39 pm

தொடத் தொடத் தொல்காப்பியம் (126)

-முனைவர் சு.சௌந்தரபாண்டியன்
எம்.ஏ.(தமிழ்), எம்.ஏ.(ஆங்கிலம்), பி.எட்., டிப்.(வடமொழி),பி.எச்டி.
சென்னை-33

குற்றியலுகரப் புணரியலில் நாம் நின்று விளையாடுகிறோம் !

குருந்து – மென்றொடர்க் குற்றியலுகரச் சொல் !

வல்லெழுத்தை முதலாகக் கொண்ட  சொற்களுடன் ‘குருந்து’  புணரும்போது , எப்படிப் புணரும் ?

குருந்து + கோடு = குருந்துக் கோடு ×
   = குருத்துக் கோடு ×
  = குருந்தங் கோடு √(அம்- சாரியை)(வேற்றுமைப் புணர்ச்சி)
(குருந்து – ஈற்று உகரம் , மென்றொடர்க் குற்றியலுகரம்)

பார்த்தீர்களா?  ‘குரங்கு’ என்பதும் மென்றொடர்க் குற்றியலுகரச் சொல்தான் ! ஆனால் அஃது , ‘குரங்குக் கால்’ , ‘குரக்குக் கால்’ எனப் புணர்ந்தது போலக் ‘குருந்து’ புணரவில்லை !  

ஏன் ?

எனெனில் ‘குருந்து’ ஒரு மரம் !

மரத்தின் பெயராதலால் , மென்றொடர்க் குற்றியலுகரமாக இருந்தாலும் வேறு விதி தேவைப்படுகிறது , புணர்ச்சிக்கு!

அதைத்தான் தருகிறார் தொல்காப்பியர் ! :-

“மரப்பெயர்க்  கிளவிக் கம்மே சாரியை”  (குற்றியலு. 10)

அஃதாவது, வேற்றுமைப் புணர்ச்சியில், வன்றொடர் , மென்றொடர் இருவகைக் குற்றியலுகரங்களை ஈற்றிலே கொண்ட  மரப்பெயர்கள்  ‘அம்’ சாரியை பெற்றே  வல்லெழுத்தை முதலாகக் கொண்ட சொற்களுடன் புணரும் ! :-

தேக்கு + கோடு = தேக்குக் கோடு  ×
  =  தேக்கங் கோடு √ (அம்- சாரியை) (வேற்றுமைப் புணர்ச்சி)
(தேக்கு- ஈற்று உகரம் , வன்றொடர்க் குற்றியலுகரம்)

தேக்கு + செதிள் = தேக்கஞ் செதிள் (அம்- சாரியை) (வேற்றுமைப் புணர்ச்சி)

தேக்கு + தோல் = தேக்கந் தோல் (அம்- சாரியை) (வேற்றுமைப் புணர்ச்சி)

தேக்கு + பூ = தேக்கம் பூ (அம்- சாரியை) (வேற்றுமைப் புணர்ச்சி)

- மேல் நான்கும் வன்றொடர்க் குற்றியலுகர மரப்பெயர்ச் சொற்புணர்ச்சிகள் !

இனி, மென்றொடர்க் குற்றியலுகர மரப்பெயர்ச்  சொற்புணர்ச்சிகள் !:-

வேம்பு + கோடு = வேம்புக் கோடு ×
  = வேப்புக் கோடு ×
  = வேப்பங் கோடு √ (அம்- சாரியை) (வேற்றுமைப் புணர்ச்சி)
(வேம்பு- ஈற்று உகரம் , மென்றொடர்க் குற்றியலுகரம்)

வேம்பு + செதிள் = வேப்பஞ் செதிள் √ (அம்- சாரியை) (வேற்றுமைப் புணர்ச்சி)

வேம்பு + தோல் = வேப்பந் தோல் √ (அம்- சாரியை) (வேற்றுமைப் புணர்ச்சி)

வேம்பு + பூ = வேப்பம் பூ √ (அம்- சாரியை) (வேற்றுமைப் புணர்ச்சி)

அது சரி ! ஏன் மரப்பெயருக்குத் தனி விதி ?

இதில் என்ன மொழி நுட்பம் ?

இருக்கிறது !

புளிய மரத்தைப் பிடித்து ஆட்டினால் உண்மை தன்னைப் போல விழும் !

புளிய மரத்தின் தண்டைப் (இதுதான் ‘கோடு’) , ‘புளிக்கோடு’ என்று கூறினால் என்ன ஆகும் ?  ‘அந்தத் தண்டு புளிப்புச் சுவை உடையது’ என்றல்லவா ஆகும் ? எனவே , புணர்ச்சியை மாற்றவேண்டும் ! அங்கே கை கொடுப்பது சாரியை ! ‘அம்’சாரியை சேர்த்துப் ‘புளியங் கோடு’ என்றால் , ‘புளிய மரத்தின் தண்டு’ என்ற தெளிவான பொருள் வந்துவிடுகிறது !

இதுதான் மரப்பெயர்ப் புணர்ச்சிகளுக்கு ‘அம்’ சாரியை வந்த இரகசியம் !  

‘சாரியைகளுக்கு நுட்பப் பொருள் உண்டு ’ (Subtle Semantic value) என்ற மொழியியல் உண்மை இங்கு பெறப்படுகிறது !

எனவே சாரியைகளை ‘Euphonic extention’ (ஒலி நீட்டிப்பான்) என்று மொழியியலார் குறிப்பது பொருத்தமில்லை !

ஒரு மரத்து எடுத்துக் காட்டைக் கூறினீர்கள் ! அதைக்கொண்டு எல்லா மரப்பெயர்களுக்கும் விதி கூறிவிடுவதா ?

- நல்ல கேள்வி !
தமிழ்ச் சொற்களின் அமைப்பு அடிப்படைகளில்  (Basic principles of Tamil word making) இது  குறிப்பிடத் தக்கது! அஃதாவது , ஒரு புணர்ச்சி எனில் , அது எல்லாச் சொற்களுக்கும் பொருந்திவரவேண்டும் ! இதுதான் தமிழ்ச் சொற்களின் சட்டம் ! ‘புளியங் கோடு’ என ‘அம்’ சாரியை போட்டுக் கூறவேண்டும் என்ற விதியைக்  ‘குருந்து’ என்ற மரப் பெயருக்குப் பயன்படுத்தினால் கேடு ஒன்றும் இல்லை  என்பதை நோக்குவீர் ! எனவேதான் ‘அம்’சாரியை போட்டு மரப் பெயர்களைப் புணர்க்கலாம் என்ற விதி ஏற்பட்டது !

இப்படி ஏற்படும் விதிகளுக்குக் கட்டுப்படாமல் , அங்கு மிங்குமாகச் சில புணர்ச்சிகள் நெருடும்போது , அதற்கு விதிவிலக்குத் தரவேண்டியுள்ளது ! தொல்காப்பியத்தில் நாம் பார்க்கும் பல விதிவிலக்குகளின் இரகசியம் இதுதான் !

மேலே பார்த்த எடுத்துக்காட்டில் , ‘வேம்பு’ எனபது ,  ‘வேப்பு’ என வந்ததைக் கவனித்தீர்களா?

மென்றொடக் குற்றியலுகரச் சொல் ‘வேம்பு’ , ‘வேப்பு’ ஆனதுபோல எல்லா மென்றொடர்க் குற்றியலுகர மரப்பெயர்ச்  சொற்களிலும் மெல்லெழுத்து வல்லெழுத்தாகுமா?

ஆகாது என்கிறார் தொல்காப்பியர் !:-

“மெல்லொற்று வலியா மரப்பெயரு முளவே” (குற்றியலு.11 )

இதற்கு எடுத்துக்காட்டுகள் ! :-

புன்கு + கோடு = புற்குக் கோடு ×
= புன்கங் கோடு √  (அம் - சாரியை) (வேற்றுமைப் புணர்ச்சி)
(புன்கு – ஈற்று உகரம் , மென்றொடர்க் குற்றியலுகரம்)

புன்கு + செதிள் = புன்கஞ் செதிள்   (அம் - சாரியை) (வேற்றுமைப் புணர்ச்சி)

புன்கு + தோல் = புன்கந் தோல்   (அம் - சாரியை) (வேற்றுமைப் புணர்ச்சி)

புன்கு + பூ = புன்கம் பூ   (அம் - சாரியை) (வேற்றுமைப் புணர்ச்சி)

இங்கு இளம்பூரணர் விளக்கக்(?) குறிப்பு ஒன்றைத் தருகிறார் ! :-


“மற்று , இது நிலைமொழித் தொழிலை நிலைமொழி விலக்குமாதலின் சாரியை வகுப்பவே முடியும் பிற எனின் , இது நிலைமொழியின் உள் தொழிலாதலின் அவ்வாறு விலக்குண்ணா தென்பது கருத்து .”

எதாவது விளங்குகிறதா ?

கீழ்வருமாறு விளக்கலாம் ! :-

முதல் நிலைமொழித் தொழில் – ‘அம்’ சாரியை வருவதை ஏற்றல் .
இரண்டாம் நிலைமொழித் தொழில் –  ‘வேம்பு’ , ‘வேப்பு’ஆதல் .
‘நிலைமொழித் தொழிலை நிலைமொழி விலக்குதல்’ – முதல் நிலைமொழித் தொழிலை இரண்டாம் நிலைமொழித்தொழில் விலக்குதல் ; அஃதாவது,சாரியை ‘அம்’மின் தாக்கத்தை ‘வேம்பு’, ‘வேப்பு’ஆன செய்கை  விலக்கும் .
ஏனெனில் , இது நிலை மொழியின் உள் தொழில் – அஃதாவது, ‘வேம்பு’ , ‘வேப்பு’ ஆன செய்கை .
ஆதலின் விலக்குண்ணா – அதனால் (உள் தொழிலின் செயலால்) , ‘அம்’ வருவது நீங்காது !

சுருக்கமாக?

சுருக்கமாக – சாரியை வருவதால்தான் மரப்பெயரின் மெல்லெழுத்து , வல்லெழுத்தாக ஆகிறது என எண்ணவேண்டாம் ; நிலைமொழியின் உள் தொழிலைப் பொறுத்தே அது நடக்கிறது !
இதுதான் இளம்பூரணர் கூறவந்தது ! அந்தக்கால நடையில் , அதுவும் ஓலைச் சுவடியில் , கி.பி.11ஆம் நூற்றாண்டில் அவர் எழுதிய உரைநடை அது !

சரி !  ‘உள் தொழில்’ என்றாரே , ஏன் ‘புன்கு’ , ‘புற்கு’ஆகவில்லை , ‘குருந்து’ , ‘குருத்து’ஆகவில்லை ?

‘புன்கு + கோடு = புற்குக் கோடு’ என்று வருகிறது என வைத்துக்கொள்வோம் ! ‘புற்கு’ என்பது ஓர் ஒலிக்குறிப்புச் சொல் ! ‘புற்கென்று’ என்றெல்லாம் இஃது எழுதப்படும் ; மரப்பெயரில் ஒலிக்குறிப்பு வருவது பொருந்தாது ; எனவேதான் ‘புன்கம்’ ஆகிறது !

இதைப்போலவே ‘குருத்துக் கோடு’ என்று புணர்ச்சி வந்தால் , ‘குருத்து’ என்பது இளம் (tender) என்ற பொருளைத் தந்துவிடும் !

இதுவே  ‘புற்குக் கோடு’ , ‘குருத்துக் கோடு’ என்றெல்லாம் வராததன் இரகசியம் !

இளம்பூரணர் குறித்த குருந்த  மரத்தைப் பார்க்க ஆசையா ?

[You must be registered and logged in to see this link.]
  Courtesy - [You must be registered and logged in to see this link.]
இதுதான் குருந்தமரம் ! கண்ணன் சிறுவயதில் விளையாடிய மரம் இதுதான் !
இதன் தாவரவியல் பெயர்- Atalantia monophylla ; பொதுப்பெயர் -: Wild Lime;தமிழில் ‘காட்டு எலுமிச்சை’ , ‘காட்டு நாரங்கம்’ என்றெல்லாம் அறியப்படுவது;நாள்பட்ட மூட்டு வலிகளுக்கு இதன் எண்ணெய் மருந்தாகிறது; பழங்கள் ஊறுகாய்க்கும் பயன்படுகிறது.

கீழே குருந்தங்காய்கள் ! :-
[You must be registered and logged in to see this link.]
 Courtesy - opendata.keystone-foundation.org

கீழே குருந்தம் பூக்கள் !:-
[You must be registered and logged in to see this link.]

Courtesy - pitchandikulamforest.org -

இளம்பூரணர் குறித்த புன்க மரத்தைப் பார்க்க ஆசையா ?
[You must be registered and logged in to see this link.]
 
Courtesy-bioweb. uvlax.edu
இதுதான் புன்க மரம் ! புங்க மரம் என்பதும் இதுவே ! ‘தேவடியாள் வீடும் புங்க மரத்து நிழலும் ஒன்று’ என்று ஒரு பழமொழியே உண்டு ! குழந்தை இடுப்பில் கட்டிவிவார்களே ஒரு காய் அது புன்கங் காய்தான் !இதன் தாவரவியல் பெயர் - Pongamia glabra ; நெல் மூட்டைகளை அடுக்கிப் பூச்சி வராமல் இருக்கப் புன்கம் இலைகளைப் போட்டுவைப்பார்கள் !புன்கம் எண்ணைதான் Karanja oil !  இது சிறந்த கிருமிக்கொல்லி !  ‘Leucoderma’ எனப்படும் தோல் நிற மாறுபாட்டிற்கு இது மருந்தாகிறது.
கீழே உள்ளது புன்கம் பூ ! :-
[You must be registered and logged in to see this link.]

Courtesy -hcms.org.in
      ***


Last edited by Dr.S.Soundarapandian on Sun Sep 08, 2013 5:43 pm; edited 1 time in total (Reason for editing : Title no. not given)
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 3847
மதிப்பீடுகள் : 2008

View user profile http://ssoundarapandian.blogspot.in

Back to top Go down

Page 7 of 29 Previous  1 ... 6, 7, 8 ... 18 ... 29  Next

View previous topic View next topic Back to top


Permissions in this forum:
You cannot reply to topics in this forum