தொடத் தொடத் தொல்காப்பியம் (569)

First topic message reminder :

தொடத் தொடத் தொல்காப்பியம் (1)

   - முனைவர் சு.சௌந்தரபாண்டியன்                
  எம்.ஏ.(தமிழ்),எம்.ஏ(ஆங்கிலம்),பி.எட்.,டிப்.(வடமொழி),பி.எச்டி
  சென்னை-33

 தொல்காப்பியத்தின் முதல் நூற்பாவில்,
                                                                                 
 “ எழுத்தெனப் படுப
  அகரமுதல்  னகர இறுவாய்
  முப்பஃது என்ப “        எனக் காண்கிறோம்.

                             
 இதில்  இரண்டு நுட்பங்கள் உள்ளன.
                          
 1) முப்பது எழுத்துக்களைக் கணக்கிடும்போது,  அ,ஆ,இ,ஈ,உ,ஊ,எ,ஏ,ஐ,ஒ,ஓ,ஔ என்ற  12 உயிர்களைக் கூறி, க,ங,ச,ஞ,ட,ண,த,ந ,ப,ம,ய,ர,ல,வ,ழ,ள,ற,ன எனும் 18 உயிர்மெய்களைச் சேர்த்து ,மொத்தம் 30 என்று பலர் கூறுவர்.

இங்கு ஒரு திருத்தம். பதினெட்டு உயிர்மெய்களைச் சேர்க்கக் கூடாது; பதினெட்டு மெய்களையே கணக்கில் சேர்க்கவேண்டும். அஃதாவது, 12 உயிர்களையும் ,க்,ங்,ச்,ஞ்,ட்,ண்,த்,ந்,ப்,ம்,ய்,ர்,ல்,வ்,ழ்,ள்,ற்,ன் என்ற 18 மெய்களையும் கூட்டி
30 என்று கூறவேண்டும்.

உயிர்மெய்,உயிரும் மெய்யும் சேர்ந்து வருவது; அடிப்படை எழுத்து அல்ல.

அடிப்படை எழுத்துக்கள் உயிர்களும் மெய்களுமே.

2) ‘படுப’ என்ற சொல் நோக்கத்தக்கது. எழுத்து அஃறிணையாதலால், ‘படுவ’ என்றுதானே வரவேண்டும்? ‘ப’ பலர்பால் ஈறாயிற்றே? ‘வ’ அல்லவா பலவின்பால் ஈறு? அப்படியானால் தொல்காப்பிய மூலத்தைத் திருத்தவேண்டுமா?

குழப்பத்தை நீக்குகிறார்! “செய்யுளின்பம் நோக்கி வகரம் நீக்கிப் பகரம் இடப்பட்டது” என்பது அவர் விளக்கம். ‘நூற்பா’ ஆனாலும் ‘செய்யுளின்பம்’ தேவை ;அதற்காகவே தொல்காப்பியர் ‘படுப’ என்று எழுதினார் என்பதே இளம்பூரணர் தரும் தெளிவாகும்!
குழப்பம் நீங்கியது!

நன்றி சசி அவர்களே !

Dr.S.Soundarapandian wrote:தொடத் தொடத் தொல்காப்பியம் (405)
‘ஐ’ உச்சரிப்பில் பாதியாக ‘ய்’ ஒலிப்பதால் , ‘ய்’யை ‘அரை உயிர்’ (Half vowel) என்பர் !
மொழியியலார்  ‘Approximant’ என்பதை அன்றே  ’ வளியிசை
 கண்ணுற்  றடைய’என்று மிகத் துல்லியமாகத் தொல்காப்பியர் கூறியுள்ளது வியப்பளிக்கிறது ! அஃதாவது , நாக்கு அண்ணத்தைத் தொடவேண்டும் என்று தொல்காப்பியர் கூறவில்லை ! வளி (=காற்று) அண்ணத்தைத் தொடவேண்டும் என்கிறார்!
***

[You must be registered and logged in to see this link.]
அருமையான படைப்பு ஐயா படிக்க படிக்க பிரமிப்பு,நன்றி ஐயா.

நன்றி பழ.முத்துராமலிங்கம் அவர்களே ! நீங்கள் நன்றாக ஊன்றிப் படிக்கிறீர்கள் !வாழ்க!

தொடத் தொடத் தொல்காப்பியம் (406)
-முனைவர் சு.சௌந்தரபாண்டியன்

‘ய்’யை அடுத்துத் தொல்காப்பியர் ,பிறப்பியலில் , மெல்லின எழுத்துகளின் பிறப்புப் பற்றி ஒரு நுணுக்கம் கூறுகிறார் ! –

“மெல்லெழுத் தாறும் பிறப்பி  னாக்கஞ்
 சொல்லிய பள்ளி நிலையின வாயினும்
 மூக்கின் வளியிசை யாப்புறத் தோன்றும்” (பிறப். 18)

அஃதாவது , ங,  ஞ, ண, ந, ம, ன என்ற ஆறு மெல்லெழுத்துகளின் பிறப்பைத் தொல்காப்பியர் கூற முன்பே (பிறப். 7,8,9,12, 15) பார்த்தோம் !

இப்போது என்ன சொல்ல வருகிறார் என்றால் , ‘நான் கூறியபடி ஆறு மெல்லெழுத்துகளும் பிறக்கும்; ஆனால் ஆறுமே மூக்கொலிகள்தாம் என்கிறார் !

‘மெல்லெழுத்து  ஆறும்’ – மெல்லெழுத்துகளாகிய ங,  ஞ, ண, ந, ம, ன என்ற ஆறின்,
’ பிறப்பின் ஆக்கஞ்’ – பிறப்பின் செயலானது,
‘  சொல்லிய பள்ளி’ – நான் சொல்லிய இடங்களில்,
‘நிலையின ஆயினும்’ – நின்று பிறப்பன ஆயினும்,
‘மூக்கின் வளியிசை யாப்புறத் தோன்றும்’ – அவை மூக்குக் காற்றாகவே வெளிப்படும் !

பள்ளி – இடம்.

சமணப் பள்ளி – சமணர் வாழ்விடம்.

தொல்காப்பியர் ‘மூக்கின் வளியிசை’ என்றதைத்தான் இன்றைய மொழியியலார் ‘Nasal’(‘மூக்கொலி’) என்கின்றனர்.

மெல்லெழுத்திற்கு மூக்குக் காற்று !

இடையெழுத்துக்கு?

வல்லெழுத்துக்கு?

இவ் வினாக்களுக்கு விடை கூறுகிறார் இளம்பூரணர் –

“யாப்புற என்றதனான், இடையெழுத்திற்கு மிடற்று வளியும், வல்லெழுத்திற்குத் தலைவளியும் கொள்க!”

அஃதாவது , ய, ர , ல ,வ, ழ , ள என்ற ஆறு இடையின எழுத்துக்களும் தொண்டைக் காற்றால் ஏற்படுகின்றன!
க , ச , ட , த , ப, ற என்ற ஆறு வல்லின எழுத்துக்களும் தலைக் காற்றால் ஏற்படுகின்றன!

 ‘தலைக் காற்று’ என்பது தொண்டைக்கு மேலே, மூக்குக்குக் கீழே உள்ள வாய்ப் பகுதி எனலாம் !

                                                                                              ***





***

Dr.S.Soundarapandian wrote:நன்றி பழ.முத்துராமலிங்கம் அவர்களே ! நீங்கள் நன்றாக ஊன்றிப் படிக்கிறீர்கள் !வாழ்க!

[You must be registered and logged in to see this link.]
நன்றி ஐயா,நீங்கள் இதை பதிவு செய்ய எவ்வளவு சிரத்தை எடுத்திருப்பீர்கள்
என்ற போது நான் அதற்கு சில நிமிடங்கள் செலவழிப்பதில் தப்பில்லை.

Dr.S.Soundarapandian wrote:
‘மெல்லெழுத்து  ஆறும்’ – மெல்லெழுத்துகளாகிய ங,  ஞ, ண, ந, ம, ன என்ற ஆறின்,
’ பிறப்பின் ஆக்கஞ்’ – பிறப்பின் செயலானது,
‘  சொல்லிய பள்ளி’ – நான் சொல்லிய இடங்களில்,
‘நிலையின ஆயினும்’ – நின்று பிறப்பன ஆயினும்,
‘மூக்கின் வளியிசை யாப்புறத் தோன்றும்’ – அவை மூக்குக் காற்றாகவே வெளிப்படும் !
தொல்காப்பியர் ‘மூக்கின் வளியிசை’ என்றதைத்தான் இன்றைய மொழியியலார் ‘Nasal’(‘மூக்கொலி’) என்கின்றனர்.மெல்லெழுத்திற்கு மூக்குக் காற்று !

[You must be registered and logged in to see this link.]
தொல்காப்பியர் மூக்கின் வளியிசையும்-மூக்கொலியும் ஒன்றே,நன்றி ஐயா.

நன்றி பழ.முத்துராமலிங்கம் அவர்களே !

தொடத் தொடத் தொல்காப்பியம் (407)
-முனைவர் சு.சௌந்தரபாண்டியன்

உயிரெழுத்துகள் எப்படிப் பிறக்கின்றன எனத் தொல்காப்பியர் காட்டினார் !

மெய்யெழுத்துகள் எப்படிப் பிறக்கின்றன என அவர் காட்டினார் !

ஆனால் சார்பெழுத்துகள்?

சார்பெழுத்துகளின் பிறப்பைப் பற்றித் தொல்காப்பியர் ஏதேனும் கூறியுள்ளாரா?

கூறியுள்ளார் !:-
“சார்ந்துவரி னல்லது தமக்கியல் பிலவெனத்
தேர்ந்துவெளிப் படுத்த வேனை மூன்றுந்
தத்தஞ் சார்பிற் பிறப்பொடு சிவணி
ஒத்த காட்சியிற் றம்மியல் பியலும்” (பிறப். 19)

 ‘சார்ந்துவரின் அல்லது தமக்கியல்பு இல எனத்
தேர்ந்துவெளிப் படுத்த ஏனை மூன்றும்’ – தமக்கு எனத் தனி இடம் இன்றிப் பிற எழுத்துகளை ஒட்டிக்கொண்டு வரக்கூடிய மூன்று சார்பெழுத்துகளும்,
‘தத்தம்  சார்பில் பிறப்பொடு சிவணி
ஒத்த காட்சியில்  தம்மியல்பு  இயலும்’ – தாம் எந்த எழுத்தைச் சார்ந்து பிறக்கிறதோ அந்த எழுத்தின் பிறப்பிடத்தையே தமது பிறப்பிடமாகக் கொள்ளும் !

நாகு – இங்கே குற்றியல் உகரம் ‘க்’மீது ஏறிக்கொண்டு வருகிறது ! எனவே இக் குற்றியலுகரத்தின் பிறப்பிடம் ‘க்’குக் குரிய பிறப்பிடமே !

நுந்தை – இங்கே குற்றியல் உகரம் ‘ந்’மீது ஏறிக்கொண்டு நிற்கிறது ! எனவே இக் குற்றியலுகரத்தின் பிறப்பிடம் ‘ந்’துக் குரிய பிறப்பிடமே !

கேண்மியா – இங்கே குற்றியல் இகரம், ‘ம்’மீது நிற்கிறது ! எனவே இக் குற்றியலிகரத்தின் பிறப்பிடம் ‘ம்’முக் குரிய பிறப்பிடமே !

இங்கு கூறப்படுவது பிறப்பிடம் பற்றியே தவிர , உச்சரிப்புப் பற்றியது அல்ல! குற்றியலுகரம் , குற்றியலிகரம் ஆகியவற்றைக் குறைந்த ஓசை கொடுத்துக் குறுகிய ‘உ’வாகவும் ,  குறுகிய ‘இ’யாகவுமே உச்சரிக்கவேண்டும் !

எஃகு – இங்குள்ள சார்பெழுத்தாகிய ‘ஃ’ , இதனை அடுத்துள்ள ‘க்’கைச் சார்ந்துள்ளது ! எனவே இந்த ஆய்தத்தின்  பிறப்பிடம் ‘க்’குக் குரிய பிறப்பிடமே !

கஃசு – இங்குள்ள சார்பெழுத்தாகிய ‘ஃ’ , இதனை அடுத்துள்ள ‘ச்’சைச் சார்ந்துள்ளது ! எனவே இந்த ஆய்தத்தின்  பிறப்பிடம் ‘ச்’சுக் குரிய பிறப்பிடமே ! அஃதாவது , ஆய்தத்தின் ஒலி , தனியாக  ‘ஹ்’ எனப் பிறப்பதில்லை என்பதே தொல்காப்பியர் கருத்து ! ஏறத்தாழக் ‘கச்சு’ என்பதுபோலத்தான் இந்த ஆய்தப் பிறப்பைக் கொள்கிறார் அவர் !

அது சரி , ‘அளபெடை’ என்கிறோமே , அதன் பிறப்பு ?

அளபெடைப் பிறப்பு நுணுக்கத்தைப் பற்றி இளம்பூரணர் கூறுகிறார் ! –
“அளபெடையும் உயிர்மெய்யும் தமக்கு அடியாகிய எழுத்துக்களது பிறப்பிடமே இடமாக வருமென்பது கொள்க !”.

மகாஅர் – இதிலுள்ள அளபெடையாகிய ‘அ’ , தனியாக , உயிரெழுத்துப் பிறக்கும் இடத்தில் பிறக்காது! அதற்கு முன்னே உள்ள ‘க்’பிறக்கும் இடத்தில்தான் பிறக்கும் !ஏனென்றால் , ‘காஅ’ என்றுதான்  இந்த அளபெடையை உச்சரிக்கிறோம் !

இளம்பூரணர் , தம் உரையில் இன்னொன்றையும் சொல்கிறார் ! – “ஆய்தத்திற்குக் குற்றெழுத்துச் சார்பே யெனினும் தலை வளியாற் பிறத்தலின் …”.

அஃதாவது , ஆய்த ஒலிப் பிறப்பிற்குக் காற்று தலைக் காற்று!

‘தலைக் காற்று’ப் பற்றி முன்பே பார்த்துள்ளோம் !

***

Dr.S.Soundarapandian wrote:
இங்கு கூறப்படுவது பிறப்பிடம் பற்றியே தவிர , உச்சரிப்புப் பற்றியது அல்ல! குற்றியலுகரம் , குற்றியலிகரம் ஆகியவற்றைக் குறைந்த ஓசை கொடுத்துக் குறுகிய ‘உ’வாகவும் ,  குறுகிய ‘இ’யாகவுமே உச்சரிக்கவேண்டும் !
எஃகு – இங்குள்ள சார்பெழுத்தாகிய ‘ஃ’ , இதனை அடுத்துள்ள ‘க்’கைச் சார்ந்துள்ளது ! எனவே இந்த ஆய்தத்தின்  பிறப்பிடம் ‘க்’குக் குரிய பிறப்பிடமே !
மகாஅர் – இதிலுள்ள அளபெடையாகிய ‘அ’ , தனியாக , உயிரெழுத்துப் பிறக்கும் இடத்தில் பிறக்காது! அதற்கு முன்னே உள்ள ‘க்’பிறக்கும் இடத்தில்தான் பிறக்கும் !ஏனென்றால் , ‘காஅ’ என்றுதான்  இந்த அளபெடையை உச்சரிக்கிறோம் !

[You must be registered and logged in to see this link.]

நன்றி பழ.முத்துராமலிங்கம் அவர்களே !