கிரிக்கெட் - இந்தியா மீண்டும் நம்பர்-1: ஒருநாள் அரங்கில் அசத்தல்

balakarthik · balakarthik Mon Jan 21, 2013 12:19 pm

ஐ.சி.சி., ஒருநாள் போட்டிக்கான "ரேங்கிங்' பட்டியலில், இந்திய அணி மீண்டும் "நம்பர்-1' இடம் பிடித்தது.

ஒருநாள் போட்டியில் சிறந்து விளங்கும் அணிகளுக்கான ரேங்கிங் (தரவரிசை) பட்டியலை, சர்வதேச கிரிக்கெட் கவுன்சில் (ஐ.சி.சி.,) துபாயில் வெளியிட்டது. இதில் இந்திய அணி 119 புள்ளிகளுடன் முதலிடத்துக்கு முன்னேறியது. இங்கிலாந்துக்கு எதிரான 2, 3வது ஒருநாள் போட்டியில் வெற்றி பெற்றதே இம்முன்னேற்றத்துக்கு காரணம். இதன்மூலம் நான்கு ஆண்டுகளுக்கு பின், இந்திய அணி மீண்டும் "நம்பர்-1' இடம் பிடித்துள்ளது. முன்னதாக 2009ம் ஆண்டு செப்டம்பர் மாதம் வெளியிடப்பட்ட ரேங்கிங்கில், இந்திய அணி முதலிடம் பிடித்தது.

தவிர, கடந்த 18 மாதங்களாக "நம்பர்-1' இடத்தில் இருந்த இங்கிலாந்து அணி, 118 புள்ளிகளுடன் 2வது இடத்துக்கு தள்ளப்பட்டது. நியூசிலாந்துக்கு எதிரான முதல் ஒருநாள் போட்டியில் தோல்வி கண்ட தென் ஆப்ரிக்க அணி 116 புள்ளிகளுடன் 3வது இடத்தில் உள்ளது. தலா 111 புள்ளிகளுடன் இலங்கை, ஆஸ்திரேலியா அணிகள் 4வது இடத்தை பகிர்ந்து கொண்டுள்ளன. பாகிஸ்தான் அணி 107 புள்ளிகளுடன் 6வது இடத்தில் உள்ளது.

இந்திய அணி, முதலிடத்தை தக்கவைத்துக் கொள்ள, ஜன. 23ம் தேதி மொகாலியில் நடக்கவுள்ள 4வது ஒருநாள் போட்டியில் கட்டாயம் வெற்றி பெற வேண்டும். இல்லையென்றால் இங்கிலாந்து அணி, மீண்டும் "நம்பர்-1' இடத்துக்கு முன்னேறும்.
ஒருநாள் போட்டி பேட்ஸ்மேன்களுக்கான ரேங்கிங்கில், இந்தியாவின் விராத் கோஹ்லி (3வது இடம்), கேப்டன் தோனி (4வது இடம்) "டாப்-10' வரிசையில் உள்ளனர். பவுலர்களுக்கான பட்டியலில் இந்திய சுழற்பந்துவீச்சாளர் அஷ்வின், 7வது இடத்தை இங்கிலாந்து வீரர் சுவானுடன் பகிர்ந்து கொண்டுள்ளார். "ஆல்-ரவுண்டர்'களுக்கான வரிசையில் இந்தியாவின் ரவிந்திர ஜடேஜா, 7வது இடத்தில் உள்ளார்.

ஒருநாள் போட்டிக்கான தரவரிசையில் "டாப்-6' அணிகள்:

அணி புள்ளி ரேங்க்
இந்தியா - 119 - 1
இங்கிலாந்து - 118 - 2
தென் ஆப்ரிக்கா - 116 - 3
இலங்கை - 111 - 4
ஆஸ்திரேலியா - 111 - 5
பாகிஸ்தான் - 107 - 6

* டெஸ்ட் போட்டிக்கான ரேங்கிங்கில் இந்திய அணி 105 புள்ளிகளுடன் 5வது இடத்தில் உள்ளது. முதலிடத்தில் தென் ஆப்ரிக்கா (124 புள்ளி) உள்ளது.

* "டுவென்டி-20' போட்டிக்கான தரவரிசையில் இந்தியா 119 புள்ளிகளுடன் 3வது இடத்தில் உள்ளது. இலங்கை அணி 127 புள்ளிகளுடன் முதலிடம் வகிக்கிறது.

நன்றி :- தினமலர்

பாலாஜி · பாலாஜி Mon Jan 21, 2013 12:27 pm

வாழ்த்துக்கள் இந்திய அணிக்கு சூப்பருங்க

பாலாஜி · பாலாஜி Mon Jan 21, 2013 12:30 pm

டெஸ்ட் தரவரிசையில் அவர்களிடம் முதல் இடத்தை இழந்தோம். ஒருநாள் தொடரில் அவர்களிடம் இருந்து முதல் இடத்தை பறித்தது மிக்க மகிழ்ச்சி ...

என்ன செய்வது இந்த மகிழச்சியிம் ஒரு சில வாரங்களுக்கு மட்டுமே ... (டெஸ்ட் தொடர் தர வரிசை அவ்வளவு சீக்கிரம் மாறாது , ஆனால் ஒரு நாள் தரவரிசை .....)

யினியவன் · யினியவன் Mon Jan 21, 2013 12:31 pm

வாழ்த்துகள் இந்திய அணிக்கு
(SA நியூசியடம் தோற்றதும் முக்கிய காரனமுங்கோ)

பாலாஜி · பாலாஜி Mon Jan 21, 2013 12:33 pm

யினியவன் wrote:வாழ்த்துகள் இந்திய அணிக்கு
(SA நியூசியடம் தோற்றதும் முக்கிய காரனமுங்கோ)

ஆமா , ஒரு நாள் தரவரிசை நிலையானது அல்ல .. டெஸ்ட் தர வரிசை போல (இந்தியா ஒரு வருடங்களுக்கு மேலாக டெஸ்ட் தர வரிசையில் முதல் இடத்தில் இருந்தது )

**அருண்** · **அருண்** Mon Jan 21, 2013 12:40 pm

இந்திய அணிக்கு வாழ்த்துகள்! தொடரட்டும் சாதனை! மகிழ்ச்சி

**Muthumohamed** · **Muthumohamed** Mon Jan 21, 2013 7:18 pm

இந்திய அணிக்கு வாழ்த்துக்கள் மகிழ்ச்சி

**ரா.ரமேஷ்குமார்** · 23/01/2011

தர வரிசையில் முதல் இடம் பிடித்த நம் அணிக்கு வாழ்த்துக்கள்... அன்பு மலர்

இங்கிலாந்து அணிக்கு எதிராக மீதம் உள்ள இரு போட்டிகளிலும் வெற்றி பெற்றி தொடரை வென்றால் தரவரிசையில் முதல் இடம் பிடிப்பதை விட இன்னும் மகிழ்ச்சியாக இருக்கும்...