தயார் நிலையில் பிஎஸ்எல்வி- சி20 ராக்கெட்: நாளை விண்ணில் ஏவப்படும்....!

**Muthumohamed** · **Muthumohamed** Sun Feb 24, 2013 11:46 am

தயார் நிலையில் பிஎஸ்எல்வி- சி20 ராக்கெட்: நாளை விண்ணில் ஏவப்படும்....!

பிஎஸ்எல்வி -சி 20 ராக்கெட்டை ஸ்ரீஹரிகோட்டாவில் இருந்து நாளைவிண்ணில் செலுத்துவதற்கான ஏற்பாடுகள் அனைத்தும் தயார் நிலையில் உள்ளன.இதற்கான 59 மணி நேர கவுன்ட் டவுன் நேற்று தொடங்கியது.

பிரான்ஸ் நாட்டு விண்வெளி ஆய்வு நிறுவனத்துடன் இந்தியா இணைந்து உருவாக்கிய, கடலின் தட்பவெப்ப நிலையை அறிய உதவும், சரல் உள்ளிட்ட 7 செயற்கை கோள்கள் விண்ணில் செலுத்தப்பட உள்ளன.

இந்த செயற்கைக்கோள்களை சுமந்து கொண்டு பிஎஸ்எல்வி - சி 20 ராக்கெட், ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் ஏவுதளத்தில் இருந்து நாளை மாலை 5.56 மணிக்கு விண்ணில் ஏவப்படுகிறது.

இதனை குடியரசுத் தலைவர் பிரணப் முகர்ஜி, ஆந்திர மாநில முதலமைச்சர் கிரண்குமார் ரெட்டிமற்றும் ஆளுநர் பார்வையிட உள்ளனர். குடியரசுத் தலைவரின் வருகையையொட்டி சதீஷ்தவான் விண்வெளி மையத்தில் பாதுகாப்பு ஏற்பாடுகள் பலப்படுத்தப்பட்டுள்ளன. பி.எஸ்.எல்.வி வரிசையில் இஸ்ரோ ஏவும் 23-வது ராக்கெட் இதுவாகும்.

முக்கிய செய்திகள்.காம்