'டாக்டருக்கு படித்து சேவை செய்வேன்': முதலிடம் பிடித்த மாணவன் அபினேஷ்

**ராஜா** · **ராஜா** Thu May 09, 2013 12:19 pm

டாக்டருக்கு படித்து மக்களுக்கு சேவை செய்வேன்' என்று பிளஸ்-2 தேர்வில் மாநிலத்தில் முதல்-இடம் பெற்ற மாணவன் அபினேஷ் கூறினார்.

பிளஸ்-2 தேர்வில் நாமக்கல் கீரின் பார்க் பள்ளி மாணவன் அபினேஷ் 1189 மதிப்பெண் பெற்று மாநிலத்தில் முதல்-இடம் பெற்று உள்ளார். இது தவிர இவர் 4 பாடங்களில் 200-க்கு 200 மதிப்பெண் பெற்று உள்ளார். இவரது சொந்த ஊர் திண்டுக்கல் ஆகும். நாமக்கல்லில் விடுதியில் தங்கி இருந்து படித்தார்.

இவரது தந்தை சேகர் மதுரையில் உள்ள இந்தியன் வங்கியில் உதவி பொது மேலாளராக பணியாற்றி வருகிறார். தாயார் லதா திண்டுக்கல்லில் உள்ள ஒரு பள்ளியில் ஆசிரியையாக பணியாற்றி வருகிறார். இவருக்கு விக்னேஷ் என்ற அண்ணன் உள்ளார். இவர் பெங்களூரில் உள்ள ஒரு ஐ.டி. கம்பெனியில் வேலை பார்த்து வருகிறார்.

முதல் இடம் பெற்ற மாணவர் அபினேஷ் கூறும் போது 'டாக்டருக்கு படித்து மக்களுக்கு சேவை செய்வேன்' என்றார். மாணவர் அபினேஷ் பாட வாரியாக பெற்ற மதிப்பெண்கள் வருமாறு:-

தமிழ் - 196
ஆங்கிலம் - 193
கணக்கு - 200
இயற்பியல் - 200
வேதியியல் - 200
உயிரியல் - 200

**ராஜா** · **ராஜா** Thu May 09, 2013 12:21 pm

தம்பி , ஆர்வ கோளாறில் இப்படி பேசகூடாது , அப்புறமா உங்கப்பன் உன்னை கொன்னே போட்டுடுவாரு..... புன்னகை

உன்னை நம்பி எவ்வளவு investment பிளான் ரெடி பண்ணி உன்னை நாமக்கல் விடுதில அடைச்சு இப்படி மதிப்பெண் வாங்க வச்சா... நீ என்னடான்னா டாக்டர் ஆகி சேவை செய்வேன்னு சொல்லுற....