ஸ்மார்ட் தொலைபேசி ஹேக்(Hack) செய்யப்பட்டுள்ளதா என்பதை எவ்வாறு அறிவது?

ராஜு சரவணன் · ராஜு சரவணன் Thu May 30, 2013 4:04 pm

அண்மையில் ஐபிஎல் சூதாட்டத்தில் சிக்கினார் சிறிசாந்த். அவரின் செல் போன் ஒட்டுக்கேட்கப்பட்டத்தும் அவர் கையும் களவுமாக பிடிபட பிரதான காரணமாக இருந்தது.

உங்களுடைய தொலைபேசியும் ஏதாவது சந்தர்ப்பத்தில் ஒட்டுக்கேட்கப்படுகின்றதா? அல்லது வைரஸ் அல்லது வேறு வகையில் ஹேக் செய்யப்பட்டுள்ளதா? என்பதை அறிவது எப்படி?

வேகம்

நீங்கள் பயன்படுத்துவது ஸ்மார்ட் போன்கள் எனின் திடீரென அதனது வேகம் குறைவதுபோன்று உங்களுக்கு தோன்றினால் அது வைரஸ் தாக்குதலுக்கான அறிகுறியாக இருக்கலாம். இதில் IOS டிவைஸ்கள் எனில் கவலைப்பட தேவையில்லை.

நகல் செய்யப்பட்ட தகவல்கள்

நண்பருக்கு அனுப்பும் மின்னஞ்சல் இருமுறை அனுப்பப்பட்டது போன்று தொலைபேசியில் தெரிகின்றதா? அல்லது ஒருமுறையே பதிவு செய்யப்பட்ட நண்பரின் தொடர்பு எண் இருமுறை பதிவாகியுள்ளதா? அப்படியாயின் நீங்கள் எச்சரிக்கையாக இருப்பது நல்லது.

டேட்டா யூசேஜ்

ஸ்மாட் தொலைபேசிகளில் இணையத்தை பயன்படுத்துபவர்களுக்கு திடீரென கடந்தமாதத்தின் கட்டண எண்ணிக்கை அதிகரித்துள்ளதெனில் உங்கள் தொலைபேசி ஹேக் செய்யப்பட்டதற்கான அறிகுறியில் இதுவும் ஒன்று.

பேட்டரி

கைத்தொலைபேசியில் வழக்கத்திற்கு மாறாக பேட்டரி தீர்ந்துவிடுகின்றதா? முன்பை விட அடிக்கடி சார்ஜ் செய்ய வேண்டிய தேவை ஏற்படுகின்றது எனில் ஸ்மார்ட் தொலைபேசியில் உங்களுக்கு தெரியாமல் ஏதாவதொரு அப்பிளிகேஷன் இயங்குகின்றது என கருதலாம்.

சந்தேகத்திடமான வெளிநாட்டு அழைப்புக்கள்

South America அல்லது ஆபிரிக்கா நாடுகளிலிருந்து புதிய வெளிநாட்டு அழைப்புக்கள் வந்தால் அவற்றிற்கு பதில் தரவேண்டாம் ஏனெனில் அவை மால்வேர் தாக்குதலாக இருக்கக்கூடும்.

தன்னிச்சையான SMS அனுப்புதல் அல்லது தொலைபேசி அழைப்புக்கள்

வைரஸ் தாக்குதலுக்குள்ளான அல்லது ஹேக் செய்யப்பட்ட தொலைபேசிகளிலிருந்தே குறிப்பிட்ட நண்பர்களின் தொடர்புகளை சேமித்து தன்னிச்சையான SMS அனுப்புதல் அல்லது தொலைபேசி அழைப்புக்கள் மேற்கொள்ளல் போன்றவையும் நடைபெறலாம்.

தவிர்ப்பது எப்படி?

ஸ்மார் போன்களில் இணையத்தை பயன்படுத்தும்போது சில உலாவிகள் குறிப்பிட்ட தளங்களுக்குச் செல்ல வேண்டாம் என அறிவுறுத்தலை தரும் அவற்றையே பயன்படுத்தவேண்டும்.

மற்றும் எல்லா அப்பிளிகேஷனுக்கும் கான்டெக் லிஸ்டை ஆக்செஸ் செய்வதற்கான அனுமதியை தரவேண்டிய அவசியமில்லை. அவாஸ்ட் போன்ற நிறுவனங்களிடமிருந்து மொபைலுக்கான ஆன்டிவைரஸ் அப்பிளிகேஷன்களையும் நிறுவிக்கொள்ளமுடியும்.

நன்றி 4 தமிழ் மீடியா