தூர்வாரும் பணியில் 10 ஆயிரம்பேர் பங்கேற்றனர் !

**krishnaamma** · **krishnaamma** Mon 10 Jun 2013 - 20:28

கோவை, உக்கடம், பெரியகுளத்தை தூர்வாரும் மகத்தான பணியில், நேற்று மட்டும் 10 ஆயிரம்பேர் பங்கேற்றனர். பெரியகுளத்தை தூர்வாரும் பணி, கடந்த மாதம் 2ம் தேதி துவங்கியது. இப்பணியை "ராக்' அமைப்பிடம், மாநகராட்சி ஒப்படைத்துள்ளது. இதில், "சிறுதுளி' அமைப்பும் இணைந்துள்ளது. பருவமழை துவங்கும் முன், பணியை முடிக்க, நவீன இயந்திரங்கள் மூலம் தூர்வாரும் பணி தீவிரமடைந்துள்ளது. இப்பணியில், பொதுமக்களின் பங்களிப்பும் இருக்க வேண்டும் என்பதற்காக, ஞாயிறு தோறும் "ஊர்கூடி தூர்வாரும்' நிகழ்வும் நடந்தது. பல ஆயிரம் மக்கள், உணர்வுப்பூர்வமாக பங்கேற்று, தங்களின் வியர்வையை குளத்துக்கு காணிக்கையாக்கினர்.

குளம் தூர்வாரும் பணியில் மக்கள் பங்கேற்பது, நேற்றுடன் நிறைவு பெற்றது. நேற்று மட்டும், ஏறத்தாழ 10 ஆயிரம் மக்கள், சமூக அமைப்புகள், தன்னார்வ தொண்டு நிறுவனங்கள், அரசுப்பணியாளர்கள், பள்ளி மற்றும் கல்லூரி மாணவர்கள் என, பல அமைப்புகள் களம் இறங்கி தூர்வாரியதாக, "ராக்' அமைப்பினர் தெரிவித்தனர். மக்கள் வெள்ளம், கரைபுரண்டதால், உக்கடம் குளம் எங்கும் மனித தலைகளால் நிரம்பியது. இயற்கையை நேசிப்போர் சிந்திய வியர்வை துளிகளால், குளத்து மண்ணில் ஈரம் கசிந்தது. உக்கடம் குளத்தின் மொத்த பரப்பு 326 ஏக்கர். இதில், 80 ஏக்கர் அளவுக்கு தற்போது தண்ணீர் உள்ளது. இதுவரை, 197 ஏக்கரில் தூர்வாரப்பட்டுள்ளது. இன்னும் 25 ஏக்கர் மட்டுமே, பணிகள் நடக்க வேண்டியுள்ளது.பறவைகள் ஓய்வெடுக்கவும், கூடுகட்டி வாழவும் வசதியாக, 175 மீட்டர் அகலம், 12 மீட்டர் உயரத்தில் 4 தீவுகள் குளம் நடுவே அமைக்கப்பட்டுள்ளன. குளக்கரையில், 6 கி.மீ., சுற்றளவுக்கு மண் கொட்டி பலப்படுத்தப்பட்டுள்ளது.

இதுகுறித்து, "சிறுதுளி' நிர்வாக அறங்காவலர் வனிதாமோகன், "ராக்' அமைப்பின் செயலாளர் ரவீந்திரன் ஆகியோர் கூறியதாவது:தூர்வாரும் நிகழ்வில், இவ்வளவு எண்ணிக்கையில் மக்கள் வருவார்கள் என்று, நாங்கள் எதிர்பார்க்கவில்லை. இது, கோவை வரலாற்றில் ஒரு மைல்கல்லாக அமைந்துவிட்டது. தற்போது, தூர்வாரும் பணி முடிந்துள்ளது. குளக்கரையில் மரக்கன்றுகள் நடும் வேலைகளை துவங்க வேண்டும். குளத்துக்குள் அமைக்கப்பட்டுள்ள தீவுகளில் கனி மரங்களை நட்டு, பறவைகள் தங்குவதற்கான சூழலை உருவாக்க வேண்டும். இக்குளத்தில் நான்கு இடங்களில், சாக்கடை கழிவு நீர் கலக்கிறது. நான்கு குழாய்களையும் ஒன்றாக இணைத்து சுத்திகரிப்பு நிலையம் மூலம் மறுசுழற்சி செய்து, அதன்பிறகு தண்ணீரை குளத்தில் விடுவதற்கான பணிகளை செய்ய வேண்டும். இதற்கு மாநகராட்சி நிர்வாகத்தின் உதவியை கேட்டுள்ளோம். உக்கடம் குளம் சீரமைப்பு பணிக்காக, கோவை எம்.பி., நடராஜன் 50 லட்சம் ரூபாய், தொகுதி நிதியில் இருந்து வழங்க முன்வந்துள்ளார், என்றனர்.

நன்றி : தினமலர்

**krishnaamma** · **krishnaamma** Mon 10 Jun 2013 - 20:38

யினியவன் · யினியவன் Mon 10 Jun 2013 - 20:40

மக்கள் சக்திக்கு எடுத்துக்காட்டு.

இந்த பதிவைத் துவங்கியவர் நன்றி கூறியுள்ளார் யினியவன்

**மதுமிதா** · **மதுமிதா** Mon 10 Jun 2013 - 20:49

இந்த மாதிரி நாட்டு நல பணி திட்டங்கள் எல்லாத்துலயும் மக்கள் ஒன்று சேர்ந்தால் நன்றாக இருக்கும்

**krishnaamma** · **krishnaamma** Mon 10 Jun 2013 - 20:51

MADHUMITHA wrote:
இந்த மாதிரி நாட்டு நல பணி திட்டங்கள் எல்லாத்துலயும் மக்கள் ஒன்று சேர்ந்தால் நன்றாக இருக்கும்

ரொம்பவும் அப்படி சொல்ல முடியாது மது, அப்புறம் contract போச்சுன்னு அரசியல் வாதிங்க சண்டைக்கு வருவாங்க புன்னகை

**மதுமிதா** · **மதுமிதா** Mon 10 Jun 2013 - 20:59

krishnaamma wrote:
MADHUMITHA wrote:
இந்த மாதிரி நாட்டு நல பணி திட்டங்கள் எல்லாத்துலயும் மக்கள் ஒன்று சேர்ந்தால் நன்றாக இருக்கும்

ரொம்பவும் அப்படி சொல்ல முடியாது மது, அப்புறம் contract போச்சுன்னு அரசியல் வாதிங்க சண்டைக்கு வருவாங்க