Latest topics

ஆர்.கே.நகர் தொகுதியில் டி.டி.வி.தினகரன் போட்டி அதிகாரப்பூர்வ அறிவிப்பு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

ஆர்.கே.நகர் தொகுதியில் டி.டி.வி.தினகரன் போட்டி அதிகாரப்பூர்வ அறிவிப்பு

Post by ayyasamy ram Thu Nov 30, 2017 11:23 am

சென்னை,

ஆர்.கே.நகர் தொகுதிக்கு டிசம்பர் 21–ந் தேதி இடைத்தேர்தல் நடைபெற உள்ளது. இதற்கான வேட்புமனு தாக்கல் கடந்த 27–ந் தேதி தொடங்கி நடைபெற்று வருகிறது. இந்த தேர்தலில் அ.தி.மு.க. வேட்பாளர் யார்? என்பது இன்னும் அறிவிக்கப்படவில்லை.

இந்த நிலையில், பெங்களூரு சிறையில் இருக்கும் சசிகலாவை டி.டி.வி.தினகரன் நேற்று சந்தித்தார். அப்போது ஆர்.கே.நகர் இடைத்தேர்தலில் போட்டியிடுவது தொடர்பாக ஆலோசனை நடத்தியதாக தெரிகிறது. பின்னர் பெங்களூருவில் அவர் நிருபர்களிடம் கூறும்போது, ‘‘ஆர்.கே.நகரில் யார் போட்டியிடுவது என்பதை நிர்வாகிகளிடம் தெரிவித்து உள்ளேன். அவர்கள் ஆலோசனை நடத்தி மாலை 5 மணிக்கு அதிகாரப்பூர்வமாக அறிவிப்பார்கள்’’ என்றார்.

அதன்படி, நேற்று மாலை டி.டி.வி.தினகரன் அணியின் அவைத்தலைவர் அன்பழகன், பொருளாளர் ரங்கசாமி மற்றும் முன்னாள் அமைச்சர்கள் பழனியப்பன், செந்தில்பாலாஜி, செந்தமிழன் உள்ளிட்டோர் சென்னை பெசன்ட் நகரில் உள்ள டி.டி.வி.தினகரன் இல்லத்தில் ஆலோசனை நடத்தினர்.

பின்னர் அன்பழகன் நிருபர்களிடம் கூறும்போது, ‘‘ஆர்.கே.நகர் இடைத்தேர்தலில் சசிகலாவின் ஒப்புதலோடு டி.டி.வி.தினகரன் போட்டியிடுகிறார்’’ என்று அதிகாரப்பூர்வமாக அறிவித்தார்.

தினத்தந்தி

ayyasamy ram: வழிநடத்துனர்; பதிவுகள் : 82283
இணைந்தது : 30/09/2013