நீதி மன்ற செய்திகள்.

by சிவனாசான் Thu Mar 28, 2019 9:16 pm

சென்னை : ஊழல்வாதிகளை தேச விரோதிகளாக அறிவிக்க வேண்டும் என சென்னை ஐகோர்ட் கருத்து தெரிவித்துள்ளது.ஈரோடு மாவட்டம் மொடக்குறிச்சி விஏஓ சரவணன், தன் மீதான லஞ்ச புகாருக்காக பிறப்பிக்கப்பட்ட சஸ்பெண்ட் உத்தரவை ரத்து செய்ய வேண்டும் என சென்னை ஐகோர்ட்டில் வழக்கு தொடர்ந்தார். இவ்வழக்கை விசாரித்த ஐகோர்ட் நீதிபதி சுப்ரமணியன், சஸ்பெண்ட் உத்தரவை ரத்து செய்ய மறுத்து, மனுவை தள்ளுபடி செய்தார். அப்போது கருத்து தெரிவித்த நீதிபதி, தற்போது இந்திய மக்கள் கருவறை முதல் கல்லறை வரை லஞ்சத்தை எதிர் கொள்ள வேண்டி உள்ளது. நாட்டின் வளர்ச்சிக்கு தடையாக இருக்கும் ஊழல்வாதிகளை தேச விரோதிகளாக அறிவிக்க வேண்டும்.ஊழலுக்கு நீதித்துறையும் விதிவிலக்கல்ல. கல்வி நிறுவனங்கள், அரசு அலுவலகங்களில் லஞ்சத்திற்கு பதிலாக இச்சைக்கு இணங்க வலியுறுத்தும் துரதிஷ்டவசமான நிலை உள்ளது வேதனை அளிக்கிறது. ஊழலுக்கு எதிராக போராடும் பாண்டவர்களை ஊழல்வாதிகளான கவுரவர்களிடம் இருந்து நீதிமன்றங்கள் தான் பாதுகாக்க வேண்டும். ஓட்டுக்கு லஞ்சம் கொடுப்பது சமுதாய சீரழிவுக்கு வழிவகுக்கிறது. தேர்தலில் லஞ்சம் கொடுத்து வெல்பவர்கள் ஜனநாயக அடித்தளத்தை ஆட்டம் காணச் செய்வார்கள். இவ்வாறு அவர் தெரிவித்தார்.

by சிவனாசான் Thu Mar 28, 2019 9:34 pm

புதுடில்லி : திருப்பரங்குன்றம் உள்ளிட்ட 3 தொகுதிகளுக்கு தற்போது தேர்தல் நடத்த முடியாது என சுப்ரீம் கோர்ட்டில் தேர்தல் கமிஷன் பதிலளித்துள்ளது.திருப்பரங்குன்றம், அரவக்குறிச்சி, ஒட்டப்பிடாரம் ஆகிய 3 தொகுதிகளுக்கான சட்டசபை இடைத்தேர்தலை உடனடியாக நடத்த வேண்டும் என திமுக சார்பில் சுப்ரீம் கோர்ட்டில் வழக்கு தொடரப்பட்டிருந்தது. இவ்வழக்கு விசாரணையின் போது, 3 தொகுதிகளுக்கும் உடனடியாக தேர்தல் நடத்த முடியாது. சரியான காலம் வரும் போது தான் தேர்தல் நடத்த முடியும். அவசர கதியில் தேர்தல் நடத்த முடியாது என தேர்தல் கமிஷன் பதிலளித்தது. ஏப்ரல் 18 க்கு பிறகு கூட 3 தொகுதிகளுக்கும் இடைத்தேர்தலை நடத்தலாம் என திமுக சார்பில் வாதிடப்பட்டது.இதனைக் கேட்ட சுப்ரீம் கோர்ட், தேர்தல் கமிஷனின் கோரிக்கையை ஏற்றது. மேலும், 3 தொகுதிகளுக்கும் உடனடியாக இடைத்தேர்தல் நடத்த தேர்தல் கமிஷனுக்கு கோர்ட் உத்தரவிட முடியாது என தெரிவித்துள்ளது.

நீதி மன்ற செய்திகள்.

நீதி மன்ற செய்திகள்.

Re: நீதி மன்ற செய்திகள்.