உலக தமிழர் செய்திகள் பகுதிக்கு செய்திகள் அனுப்பலாம்!

by arularjuna Tue May 18, 2010 9:45 am

உலகின் பல்வேறு நாடுகளிலும் வாழும் தமிழர்களை இணைக்கும் பாலமாக தினமலர் இணையதளத்தில் உலகத்தமிழர் செய்திகள் பகுதி செயல்பட்டு வருகிறது. உலக தமிழர்கள் எல்லோரும் தமிழ்நாட்டில் ஒவ்வொரு மாவட்டத்திலும் நடக்கும் சம்பவங்களை தெரிந்து கொள்ளும் வகையில் நிறைய செய்திகளை அரசியல், பொது, சம்பவம், கோர்ட், மாவட்டங்கள் என பல பகுதிகளாக பிரித்து வழங்கி வருகிறது தினமலர் இணையதளம்.

வாசகர்களால் அதிகமுறை பார்க்கப்படும் செய்தி இணைய தளம் என்ற பெருமையைப் பெற்றுள்ள தினமலர் இணைய தளம், கடந்த 14ம் தேதி 6 லட்சத்து 97 ஆயிரம் பேர் பார்வையிடப்பட்டதாக கூகுள் இணைய தளம் அறிவித்துள்ளது.

உலகின் எல்லா நாடுகளிலும் நடைபெறும் தமிழர்கள் குறித்த செய்திகளை தமிழ்நாட்டு மக்களும், பிற மாநிலங்களில், பிற நாடுகளில் வசிக்கும் தமிழர்கள் தெரிந்து கொள்ளும் வகையில் உலகத்தமிழர் செய்திகள் வெளியிடப்பட்டு வருகிறது. இந்த பகுதியில் அமெரிக்கா, ஐரோப்பா, ஆப்ரிக்கா, வளைகுடா, தென்கிழக்கு ஆசியா, ஜப்பான், சீனா, ஆஸ்திரேலியா உள்ளிட்ட நாடுகளில் வாழும் தமிழர்கள் செய்திகள் இடம்பெற்று வருகின்றன. இந்த பகுதிக்கு தினமலர் இணைய தளத்தின் கவுரவ நிருபர்கள் மற்றும் வாசகர்கள் செய்திகளை அனுப்பி வருகிறார்கள்.

தினமலரின் இந்த சேவையை மேலும் விரிவுபடுத்தும் முயற்சியாக மேலும் பல கவுரவ நிருபர்களை நியமிக்க இருக்கிறோம். தாங்கள் வசிக்கும் நாட்டில் தங்களது பகுதியில் நடைபெறும் தமிழ் சங்கங்கள் மற்றும் தமிழ் பண்டிகைகள், கோயில் திருவிழாக்கள், சங்க கூட்டங்கள், பள்ளி விழாக்கள், நாட்டிய நிகழ்ச்சிகள், விளையாட்டு போட்டிகள், பயிற்சி முகாம்கள், சாதனையாளர்களின் விவரங்கள் போன்றவற்றை படங்களுடன் எங்களுக்கு அனுப்பலாம். ஆர்வம் உள்ள வாசகர்களுக்கு கவுரவ நிருபருக்கான அங்கீகாரத்தை அளிக்கவும் தினமலர் தயாராக உள்ளது.

வாசகர்கள் தங்கள் பகுதி்யில் நடக்கும் நிகழ்வுகளை உலகமெங்கிலும் உள்ள தமிழர்கள் தெரிந்து கொள்ள வசதியாக செய்திகளை படத்துடன் அனுப்பலாம். அனுப்ப வேண்டிய முகவரி :

nrireaders@dinamalar.in