"எட்டு' போடும் தே.மு.தி.க., எம்.எல்.ஏ.: "தொகுதி வளர்ச்சிப் பணி" பட்டியல் டி'

soplangi · soplangi Sat Jun 15, 2013 12:45 pm

மதுரை: முதல்வர் ஜெயலலிதாவுக்கு, "ஜெ' போடும், தே.மு.தி.க.,- எம்.எல்.ஏ.,க் கள் எண்ணிக்கையில், "எட்டு' போட தயாராகி விட்டார், மதுரை திருப்பரங்குன்றம் தொகுதியின், ஏ.கே.டி.ராஜா. "தொகுதி வளர்ச்சிப் பணி' பட்டியலுடன், முதல்வருடன் சந்திப்பு, மிகவிரைவில் அரங்கேறப் போகிறது.

அ.தி.மு.க.,-தே.மு.தி.க., கூட்டணி உடைந்த பின், "தொகுதி வளர்ச்சிக்காக' முதல்வரை சந்தித்து, மனுக் கொடுக்கும், தே.மு.தி.க., எம்.எல்.ஏ., களின் எண்ணிக்கை, இதுவரை ஏழு. மதுரை சுந்தர்ராஜன் தொடங்கி, "மாபா' பாண்டியராஜன் வரை, ஜெயலலிதாவுக்கு "ஜெ' போடும் பட்டியல், தொடர்ந்து கொண்டே இருக்கிறது. இந்த "ராஜாக்கள்' பட்டியலில், மேலும் ஒரு "ராஜா' இணையப் போகிறார். அவர்,திருப்பரங்குன்றம் ஏ.கே.டி. ராஜா. இவரும், ஏழு பேர் கூறிய, அதே காரணத்தைத் தான் கூறப்போகிறார்.

"தொகுதி வளர்ச்சிப் பணிகள் தொடர்பாக, முதல்வரை சந்தித்தேன்' என்பது தான், அது. தே.மு.தி.க., வில் இருந்து, "முதல்படையானாக' அவரை இழுக்க முயற்சிகள் நடந்தன; ஆனால், சுந்தர்ராஜன் முந்தி கொண்டு விட்டார். தற்போது, "ஏழு'க்கு அடுத்து, "எட்டு' போட, அவர் தயார். இழுக்கும் வேலையில்தீவிரமாக இருப்பவர், மேயர் "ராஜன்' செல்லப்பா. விஜயகாந்துக்கு அடுத்தடுத்து அதிர்ச்சி தர, அ.தி.மு.க., மேலிடம் விரும்புகிறது. "மாபா' பாண்டியராஜனுக்குப்பின், சிறிது ஓய்வு கொடுத்து, "எட்டாவது' எம்.எல்.ஏ.,வின், எண்ணங்களை பூர்த்தி செய்ய, முடிவு செய்யப்பட்டு உள்ளது.

--- தினமலர்