ராஜ்யசபா தேர்தல்: வெற்றி பெறப் போவது யார்?

**சிவா** · **சிவா** Thu Jun 27, 2013 1:50 pm

தமிழகத்தில் இன்று நடக்கவிருக்கும் ராஜ்யசபா தேர்தலில் மொத்தம் 6 சீட்களில் எம்.எல்.ஏ.,க்களின் எண்ணிக்கை அடிப்படையில் 4 அ.தி,மு.க., எம்.பி.,க்கள் வெற்றி பெறுவதும், இந்த கட்சியின் ஆதரவு பெற்ற இந்திய கம்யூ., கட்சியை சேர்ந்த டி. ராஜா ஆகியோரது வெற்றி உறுதியாகி விட்டது. ஆனால் தி.மு.க., சார்பில் போட்டியிடும் கனிமொழிக்கும், தே.மு.தி.க., சார்பில் போட்டியிடும் இளங்கோவன் ஆகியோரது வெற்றி மட்டும் ஓட்டு எண்ணி முடிக்கும்வரை உறுதியாக சொல்ல முடியாத நிலையில் உள்ளது.

அதே நேரத்தில் தி.மு.க,வுக்கு இந்த கட்சியின் எம்,எல்.ஏ.,க்கள் 23 பேர், இவர்களுக்கு ஆதரவாக காங்கிரஸ் கட்சியை சேர்ந்த 5 பேர், புதிய தமிழகம் 2 பேர், மனிதநேய மக்கள் கட்சி 2 பேர் ஆக மொத்தம் 32 பேர் இவர்களுக்கு ஓட்டளிக்கின்றனர். தே.மு.தி.க.,வை பொறுத்தவரை மொத்தம் 29 பேர்களில் 7 பேர் அதிருப்தி எம்.எல்.ஏ.,க்கள் இருப்பதால் 22 ஓட்டுக்கள் மட்டுமே பெறுவர். இதற்கிடையில் ஒவ்வாரு எம்.எல்.ஏ.,வும் 2 வது வாய்ப்பு யாருக்கு அளிக்க விரும்புகிறீர்கள் என்ற அடிப்பைடையில் அ.தி.மு., வோ மற்றும் , இடதுசாரிகளோ ஓட்டளிக்கும் பட்டசத்தில் யார் அதிக புள்ளிகள் பெறுகின்றனர் என்ற அடிப்படையில் வெற்றி உறுதி செய்யப்படும். இது போன்று யாரும் ஓட்டளிக்கவில்லை என்றால் தே.மு.தி.க.,வை விட , தி.மு.க., 32 ஓட்டுக்கள் கைவசம் வைத்திருப்பதால் கனிமொழிக்கே வெற்றி கிடைக்கும் என தி.மு.க.,வினர் நம்பிக்கை தெரிவித்துள்ளனர்.

காங்கிரஸ் ஆதரவை விஜயகாந்த் கேட்டபோதும் இந்த கட்சி இதனை நிராகரித்து விட்டது என்பது குறிப்பிடத்தக்கது. இலங்கை தமிழர் விவகாரத்தை காரணம் காட்டி ஐக்கிய முற்போக்கு கூட்டணியில் இருந்து வெளியேறிய தி.மு.க., கனிமொழிக்காக மீண்டும் பேச்சு நடத்தி ஆதரவை பெற்றது , இன்று ஓட்டுப்பதிவு முடிந்து மாலை 5 மணிக்கு பின்னர் எண்ணி அறிவிக்கப்படும் . அது வரை சஸ்பென்ஸ் நீடிக்கிறது. தற்போது ஓட்டளிப்பதற்கு சட்டசபைக்கு எம்.எல்.ஏ.,க்கள் வந்த படி உள்ளனர். முதல்வர் ஜெ., காலையில் ஓட்டளித்தார். ஒவ்வொரு கட்சியினருக்கும் குறிப்பிட்ட நேரம் ஒதுக்கப்பட்டுள்ளது. அதன்படி இன்று ஒட்டளித்து வருகின்றனர்.

கனிமொழி வெற்றி ? ராஜ்யசபா தேர்தலில்,அ.தி.மு.க., கூட்டணி வசம், 170 எம்.எல்.ஏ.,க்கள் உள்ளதால், அ.தி.மு.க., வேட்பாளர்கள், நான்கு பேர், இந்திய கம்யூ., வேட்பாளர் ஆகியோர் வெற்றி பெறுவது உறுதி. ஆறாவது இடத்திற்கு போட்டியிடும், தி.மு.க.,விடம், 32 எம்.எல்.ஏ.,க்கள் உள்ளனர். தே.மு.தி.க., எம்.எல்.ஏ.,க்கள், 29 பேரில், ஏழு பேர், அ.தி.மு.க., ஆதரவு எம்.எல்.ஏ.,க்களாக உள்ளனர். மீதம், 22 பேர் மட்டும் உள்ளனர். இரண்டு கட்சிகளுக்கும், வெற்றிக்குத் தேவையான எம்.எல்.ஏ.,க்கள் இல்லை.எனவே, அ.தி.மு.க., - எம்.எல்.ஏ.,க்கள், இரண்டாவது விருப்புரிமை அடிப்படையில், தே.மு.தி.க.,விற்கு ஓட்டளித்தால், தி.மு.க., வெற்றி பாதிக்கும். ஆனால், நேற்று நடந்த அ.தி.மு.க., - எம்.எல்.ஏ.,க்கள் கூட்டத்தில், இரண்டாவது ஓட்டு போடும்படி, அறிவுரை வழங்கப்படவில்லை. எனவே, அதிக ஓட்டுகள் அடிப்படையில், கனிமொழி வெற்றி பெறுவது, ஏறக்குறைய உறுதியாகி உள்ளது.இச்சூழலில், அ.தி.மு.க., ஆதரவைப் பெற, தே.மு.தி.க., முயற்சிப்பதாகவும், தகவல் வெளியானது. இதை அ.தி.மு.க.,வினர் உறுதிப்படுத்த மறுத்து விட்டனர்.

தினமலர்

யினியவன் · யினியவன் Thu Jun 27, 2013 2:45 pm

யாமறிந்த மொழிகளிலே இதைப்போன்ற
கச்சடா கனிமொழி யாம் கண்டதில்லை

**டார்வின்** · **டார்வின்** Thu Jun 27, 2013 4:22 pm

விஜயகாந்த் பாக்கட்டில் பணம் இல்லாததால் நிராகரித்து விடுவார்கள் ,, புன்னகை

**சிவா** · **சிவா** Thu Jun 27, 2013 4:30 pm

யினியவன் wrote:யாமறிந்த மொழிகளிலே இதைப்போன்ற
கச்சடா கனிமொழி யாம் கண்டதில்லை

நிறைய மொழிகளை தாம் அறிந்துள்ளீரோ.....!

யினியவன் · யினியவன் Thu Jun 27, 2013 4:50 pm

சிவா wrote:நிறைய மொழிகளை தாம் அறிந்துள்ளீரோ.....!

அறிந்தவரை அறிவேன் குரு புன்னகை

**அருண்** · **அருண்** Thu Jun 27, 2013 6:14 pm

அப்ப கனி ருசிய அறிந்து விடுவார்கள்..!

Sponsored content · Sponsored content

ராஜ்யசபா தேர்தல்: வெற்றி பெறப் போவது யார்?

ராஜ்யசபா தேர்தல்: வெற்றி பெறப் போவது யார்?

Re: ராஜ்யசபா தேர்தல்: வெற்றி பெறப் போவது யார்?

Re: ராஜ்யசபா தேர்தல்: வெற்றி பெறப் போவது யார்?

Re: ராஜ்யசபா தேர்தல்: வெற்றி பெறப் போவது யார்?

Re: ராஜ்யசபா தேர்தல்: வெற்றி பெறப் போவது யார்?

Re: ராஜ்யசபா தேர்தல்: வெற்றி பெறப் போவது யார்?

Re: ராஜ்யசபா தேர்தல்: வெற்றி பெறப் போவது யார்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக