முதியோர் இல்லத்தில்

selvarajj · selvarajj Sun Jul 14, 2013 11:27 pm

ஆசையாய் பெயரிட்டு
மெல்ல நடை பழக வைத்து
சிந்திய சோற்று பருக்கைகளை
சிரித்தவாறு சாப்பிட்டு
"கக்கா" வை மிதிக்காதே என்று
அதை கையினால் எடுத்ததும்

பல முறை தூக்கத்தை
கெடுத்துக் கொண்டு
நெஞ்சின் மேல் தாலாட்டியதையும்
பள்ளியில் சேர்பதற்கு
பல மணி நேரம்
வரிசையில் நின்றதும்

மானத்தை விற்று
கடன் வாங்கி
இரு சக்கர வாகனம்
வாங்கி கொடுத்தும்
தினமும் துடைத்து அதற்கு
பெட்ரோல் வாங்க காசு கொடுத்ததும்

இருந்த நிலத்தை விற்று
கல்லூரிக்கு அனுப்பியதும்
கண் பார்வை மங்கிய பின்னும்
அதிகாலை எழுந்து
பால் வாங்கி வந்ததும்
இல்லாத பரிச்சைக்கு பணம் கொடுத்ததும்

வேலைக்கு சேர்வதற்கு
வீட்டை வித்து பணம் கொடுத்ததும்
தலைக்கு மேல் கடனை வாங்கி
கல்யாணம் செய்து வைத்ததும்
சம்பளம் இல்லா வேலைக்காரனாய்
அனு தினமும் உழைத்ததும்

கொஞ்சம் கூட நினைவில் இல்லை
உன்னை முதியோர் இல்லத்தில்
ஓர் அகதியாய் விட்டு விட்டு
வந்த பின்னும் .... சூப்பருங்க

கவலை படாதீங்க. நமக்கு ஆண்டவன் உண்டு

**Muthumohamed** · **Muthumohamed** Mon Jul 15, 2013 12:30 am

கொஞ்சம் கூட நினைவில் இல்லை
உன்னை முதியோர் இல்லத்தில்
ஓர் அகதியாய் விட்டு விட்டு
வந்த பின்னும் ....
கவலை படாதீங்க. நமக்கு ஆண்டவன் உண்டு

அபார நம்பிக்கை தான் போங்க

**ஜாஹீதாபானு** · **ஜாஹீதாபானு** Mon Jul 15, 2013 4:07 pm

அருமை சித்தப்பா சூப்பருங்க

பகிர்வுக்கு நன்றி எழுதியவரின் பெயரையும் போடுங்க

சரியான தலைப்பில் பதிவு போடுங்க எல்லாப் பதிவையும் உறுப்பின அறிமுகப் பகுதியிலயே போடுறீங்க மண்டையில் அடி

**ராஜா** · **ராஜா** Mon Jul 15, 2013 4:10 pm

அருமை சித்தப்பா அய்யோ, நான் இல்லை

**ஜாஹீதாபானு** · **ஜாஹீதாபானு** Mon Jul 15, 2013 4:11 pm

ராஜா wrote: அருமை சித்தப்பா

ஏன் ஒடுறீங்க

**krishnaamma** · **krishnaamma** Mon Jul 15, 2013 4:44 pm

சரியான பகுதி il பதிவிடுங்கள் நண்பரே! நான் இப்போது மாற்றி விட்டேன் புன்னகை

சரியா?

**krishnaamma** · **krishnaamma** Mon Jul 15, 2013 4:58 pm

//அதிகாலை எழுந்து
பால் வாங்கி வந்ததும்
இல்லாத பரிச்சைக்கு பணம் கொடுத்ததும்//

இங்க ... இங்க....இங்க தான் பெற்றவர்கள் தப்பு செய்கிறார்கள்.... தங்கள் செய்வதை மகன் எப்படி ஏற்றுக்கொள்கிறான் அன்பதை கவனிப்பதே இல்லை...... பொய்யே சொல்லி ............. ஏமாற்றியே வாழ்ந்தவனிடம் ( சிறு வயது முதல்) நியாயத்தை எதிபார்ப்பது எந்த விதத்தில் நியாயம்?
.
.
நான் அந்த மாதிரி பிள்ளைகளை சபோட் செயலை, பெற்றவர்களை உஷாராக இருக்க சொல்கிறேன்.... " ஆற்றில் போட்டாலும் அளந்து போடு" என்பதை மறக்கக்கூடாது

ஆத்துல போட்டாலே அளந்து போடணும் எனும்போது..... யோசியுங்கள் பெற்றோர்களே.....
.
.
மேலும் ஒன்று சொல்லிக்க விருபுகிறேன் இங்கு.... ஃப்ளைட் il போயி வந்த வர்கள் கவனித்திருப்பார்கள்... அந்த ஏர்கோஸ்ட்ரஸ் நமக்கு விதி முறைகளை சொல்லும்போது,

ஏதாவது ஆபத்து நேரும் போது ஆக்ஸிஜன் மாஸ்குகள், உங்கள் இருக்கைக்கு மேலிருந்து கீழே விழும் அதை பொருத்திக்கொள்ளுங்கள். குழந்தை வைத்திருக்கும் அம்மாக்கள் முதலில் தங்களுக்கு பொருத்திக்கொள்ளவும் , பிறகு குழந்தைக்கு வைக்கவும் என்று சொல்வார்.

குழந்தை வளர்ப்பீலும் இது முக்கியும் என்று நான் கருதுகிறேன்............. தனக்கு நாளை உணவே இல்லை எனுபோது குழந்தைகளுக்காக தலையை அடகு வைக்காத்தீர்கள் நண்பர்களே ! "விரலுக்கு ஏற்ற வீக்கம் என்பதை மறவாதீர்கள்" பிறகு குழந்தை யை குறை சொல்லாதீர்கள் ! கூடாது

manikandan.dp · manikandan.dp Tue Jul 16, 2013 11:31 am

அருமையான பதிவு .... சூப்பருங்க

கிருஷ்ணாம்மா கருத்தும் அருமை ...... சூப்பருங்க

Sponsored content · Sponsored content

முதியோர் இல்லத்தில்

முதியோர் இல்லத்தில்

Re: முதியோர் இல்லத்தில்

Re: முதியோர் இல்லத்தில்

Re: முதியோர் இல்லத்தில்

Re: முதியோர் இல்லத்தில்

Re: முதியோர் இல்லத்தில்

Re: முதியோர் இல்லத்தில்

Re: முதியோர் இல்லத்தில்

Re: முதியோர் இல்லத்தில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக