டோக்ளா

**சிவா** · **சிவா** Thu 19 Feb 2009 - 3:36

தேவையான பொருட்கள்:

அரிசி - 1_2 கிலோ
உ.பருப்பு - 100 கிராம்
க.பருப்பு - 50 கிராம்
மிளகாய் தூள் - 11_2 ஸ்பூன்
ப.மிளகாய், இஞ்சி, கொத்த மல்லி - தேவைக்கேற்ப
சமையல் சோடா - சிறிதளவு
உப்பு - தேவைக்கேற்ப

செய்முறை:-

முதலில் அரிசி, உ.பருப்பு, க.பருப்பு இந்த மூன்றையும் இரண்டு மணி நேரம் நீரில் ஊற வைக்க வேண்டும். பிறகு மிக்ஸியில் இம் மூன்றையும் சேர்த்து கர கரப்பாக அரைத்துக் கொள்ளவேண்டும். பின் உப்பு, சமையல் சோடா, புளித்த தயிர் அதில் போட்டு இட்லிக்கு மாவு பொங்குவதுபோல் பொங்க வேண்டும்.

அதன்பிறகு இஞ்சி, பச்சை மிளகாயை நன்றாக விழுதுபோல் அரைத்து, அந்த மாவு கலவையில் விட வேண்டும். எல்லாம் கலந்த மாவை இட்லி குக்கரில் வெயிட் போடாமல் உள்ளே செல்லுமாறு தட்டின்மேல் எண்ணெயைத் தடவி அதன் மேல் தட்டையாக மாவை விட்டு வைக்க வேண்டும். அது வெந்ததும் அதை எடுத்து மைசூர்பாகு கட் பண்ணுவதுபோல் கட் பண்ணி ஒரு பேசினில் போட்டு வைத்துக் கொள்ள வேண்டும். இதேபோல் எல்லா மாவையும் செய்ய வேண்டும்.

இறுதியில் அதன்மேல் மிளகாய் பொடியும், சிறிது சிறிதாக வெட்டிய கொத்த மல்லியையும் தூவ வேண்டும். உங்களுக்கு வேண்டு மென்றால்- கடுகும், எள்ளும் பொரித்து சேர்த்துக் கொள்ளலாம். பின் மைசூர்பாகு உடையாமல் அந்த பேசினை குலுக்க வேண்டும். இதற்கு சைட்டிஷாக, தக்காளி சாஸ், கொத்தமல்லி சட்னி சிறிது தொட்டுக் கொள்ளலாம்.

**krishnaamma** · **krishnaamma** Fri 4 Jun 2010 - 14:23

வடஇந்தியாவில் மிகபிரபலமான காலை சிற்றுண்டி . நம் இட்லி, பொங்கல் போல. புன்னகை

டோக்ளா

டோக்ளா

Re: டோக்ளா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக