பதவி ஏற்பு விழாவில் வசுந்தரா ராஜே சிந்தியாவை வாழ்த்திய அசோக் கெலாட்

**ராஜா** · **ராஜா** Sat 14 Dec 2013 - 14:14

5 மாநில தேர்தலில் ராஜஸ்தானில் காங்கிரசிடம் இருந்து பாரதீய ஜனதா ஆட்சியை கைப்பற்றியது. பாரதீய ஜனதா 162 இடங்களில் வெற்றி பெற்றது. காங்கிரஸ் 21 தொகுதியில் மட்டும் வெற்றி பெற்று மிக மோசமான தோல்வியை தழுவியது.

ஜெய்ப்பூரில் நேற்று நடந்த விழாவில் முதல்-மந்திரியாக வசுந்தரா ராஜே சிந்தியா பதவி ஏற்றார். இந்த விழாவில் பதவி இழந்த முன்னாள் முதல்- மந்திரி அசோக் கெலாட் கலந்து கொண்டு சிந்தியாவை வாழ்த்தினார். அப்போது பாரதீய ஜனதா பிரதமர் வேட்பாளர் நரேந்திரமோடியையும் அசோக்கெலாட் சந்தித்து கட்டித்தழுவி வாழ்த்தினார்.

பதவி ஏற்பு விழாவில் வசுந்தரா ராஜே சிந்தியாவை வாழ்த்திய அசோக் கெலாட் 7ef9c15c-ca8d-48db-a148-00970edde140_S_secvpf

பதவி ஏற்பு விழாவில் வசுந்தரா ராஜே சிந்தியாவை வாழ்த்திய அசோக் கெலாட் 7ef9c15c-ca8d-48db-a148-00970edde140_S_secvpf

தேர்தல் பிரசாரத்தின் போது அசோக் கெலாட் அரசு மீது நரேந்திரமோடி கடுமையாக தாக்கிப் பேசினார். இதே போல் அசோக் கெலாட்டும் பாரதீய ஜனதாவை கடுமையாக சாடினார். தேர்தல் பகையை மறந்து பதவி ஏற்பு விழாவில் அசோக் கெலாட் பங்கேற்றதை பாரதீய ஜனதா தலைவர்களும் அங்கு கூடியிருந்த ஆயிரக்கணக்கான தொண்டர்களும் மகிழ்ச்சி ஆரவாரம் செய்து வரவேற்றனர்.

-maalaimalar