பேச்சில் கவனம் தேவை..

**ayyasamy ram** · **ayyasamy ram** Sun Jul 13, 2014 7:37 am

-
இந்திய விடுதலைப் போர் நடந்த காலகட்டத்தில்
தூத்துக்குடியில் ஒரு மாபெரும் பொதுக்கூட்டம்
நடந்து கொண்டிருந்தது.

அதில் கப்பலோட்டிய தமிழன் வ.உ.சிதம்பரமும்
கலந்து கொண்டார்.

முதலில் ஒரு தொண்டர் ஆவேசமாகப் பேச ஆரம்பித்தார்.

பேச்சின் இடையே, ”வெள்ளைக்காரர்கள் மூட்டை
முடிச்சுகளைக் கட்டிக் கொண்டு உடனே இந்தியாவை
விட்டு வெளியேற வேண்டும்” என்றார்.

இதைக் கேட்டதும் மேடையில் அமர்ந்திருந்த
வ.உ.சி. எழுந்தார். மைக்கின் அருகில் வந்து, “”மூட்டை
முடிச்சுகள் நம்முடையவை. வெள்ளையர்கள்
வெறுங்கையுடன்தான் வெளியேற வேண்டும்” என்றார்.

இதைக் கேட்டதும் கூட்டத்தினர் பலத்த ஆரவாரத்துடன்
கைதட்டினார்கள்.

சுதந்திரத்துக்காகப் பாடுபட்ட தலைவர்கள் ஒவ்வொரு
பேச்சிலும் எவ்வளவு கவனமாக இருந்திருக்கிறார்கள்
என்பது இந்நிகழ்ச்சி மூலம் தெளிவாகிறது.
-
—————————————
-அ.கற்பூரபூபதி, சின்னமனூர். (தினமணி)

**Manik** · **Manik** Sun Jul 13, 2014 8:56 am

எப்போதும் மக்களுக்காக சிந்திக்கும் போது சிந்தனைகள் தெளிவாக இருக்கும்..........

சுயநலம் என்று என்றைக்கு வருகிறதோ அப்போது பாருங்கள் சிந்தனையை வெள்ளைக்காரனுக்கு யார் அடிமையாக இருந்தாலும் பரவாயில்லை என்னை மட்டும் அடிமையாக்காதீர்கள் என்று யோசிக்க தோன்றும்..........

விடுதலைப் போரில் பாடுபட்ட அனைவருக்கும் நல்ல சிந்தனையே இருந்திருக்கிறது

இந்த பதிவைத் துவங்கியவர் நன்றி கூறியுள்ளார் Manik