எலி-சேவல் -பூனை கதை (தோற்றத்தை கண்டு ஏமாற கூடாது)

சரவணன் · சரவணன் Wed May 13, 2015 6:57 pm

குட்டி எலி ஒன்று பிறந்து வளர்ந்து வந்தது. அது முதல் முறையாக உலகத்தை பார்க்க தன் வளையிலிருந்து எட்டிப் பார்த்தது.ஒரு பக்கம் பூனை ஒன்று அழகாக உறங்கிக் கொண்டிருந்தது. அதன் எதிரே சேவல் ஒன்று கூறிய மூக்குடன் நின்று கொண்டிருந்தது. சேவலை பார்த்த மாத்திரத்தில் எலி பயந்து போய் மீண்டும் தன்னுடைய வளைக்குள்ளே சென்றது.

அது தன் தாயிடம் கூறியது. அம்மா அங்கே ஒரு பூனை இருந்தது அது அமைதியாகவும், அழகாகவும் உறங்கிக்கொண்டிருந்தது, அதை பார்த்து எனக்கு பயம் ஏதும் தோன்றவில்லை. ஆனால் ஒரு சேவல் கூறிய மூக்குடன் நின்றுகொண்டிருக்கிறது.அதை பார்த்து எனக்கு மிகுந்த பயம் வந்துவிட்டது, அதனால் நான் உடனே இங்கு வந்துவிட்டேன் என்றது.

இதை கேட்ட தாய் எலி, நகைத்துவிட்டு சொன்னது. உண்மையில் சேவல் ஒன்றும் நமக்கு எதிரி அல்ல. அது நம்மை ஒன்றும் செய்யாது. ஆனால் அங்கே அமைதியாக உறங்கிக்கொண்டிருக்கும் பூனை தான் நமக்கு எதிரி. அது நம்மை கொன்று விடும். ஆகவே தோற்றத்தை கொண்டு யாரையும் எடைபோடாதே என்று.