மாற்றம் எனும் பொருளில்

**கா.ந.கல்யாணசுந்தரம்** · 28/02/2009

நீண்ட இடைவெளிக்குப்பின் எனது கவிதை. ஈகரை உறவுகளுக்கு எனது அன்பான விசாரிப்புகள்.

இன்றைய நாட்களின் நகர்தல்
நரகத்தின் பிடியில்......
கண்விழித்த கணம் முதல்
இமை மூடும் இரவு வரை
யார் யாரோஏமாற்றுகிறார்கள் !
புள்ளிகளிடம் விலைவாசி தனது
உயர்வுக்கு தஞ்சமடைந்தது !
கச்சா எண்ணைதான்
நமது வாழ்வின் திசைகளை
நிர்ணயிக்கிறது !
ஸ்மார்ட் சிட்டியும் டிஜிட்டல் உலகும்
மெட்ரோ ரயிலில் பயணமாகிறது !
ஏழையின் ஒட்டிய வயிற்றில்
ஏக்கத்தின் ஏப்பம் மட்டுமே
நிரம்பியிருக்கிறது.....!
வளமனைத்தும் தாரைவார்த்து
வள்ளுவனின் குறளோடு
தமிழின் தொன்மையையும்
புதைகுழிக்குள் தள்ளும் காலம்
வந்தாலும் ஆச்சரியமில்லை !
மானுடத்தின் உதிர்தலில்
நடைபோடும் அரசியலார்
மாற்றம் எனும் பொருளில்
மகிழ்வெய்தி .....
கெடுப்பார் இலாமலே
கெடுவர் ....!

.............கா.ந.கல்யாணசுந்தரம்.

**M.Jagadeesan** · **M.Jagadeesan** Sun Sep 13, 2015 2:50 pm

அடிப்பாரை இல்லாத குழந்தை
...தறிகெட்டு வளர்வது போல
இடிப்பாரை இல்லாத மன்னன்
...கெடுப்பார் இல்லாமலே கெடுவான் !

இன்றுள்ள நாட்டின் நிலைமையைத் தெளிவாகப் படம்பிடித்துக் காட்டியுள்ள தங்கள் கவிதைக்குப் பாராட்டுக்கள் !