ஜிப்பா ஜிமிக்கி- திரை விமரிசனம்

**ayyasamy ram** · **ayyasamy ram** Fri Sep 25, 2015 6:38 pm

-
நாயகன் கிரிஷ்க் திவாகரும் நாயகி குஷ்பு பிரசாத்தும்
ஒரே கம்பெனியில் வேலை செய்து வருகிறார்கள்.
கிரிஷ்கின் அப்பா நரேனும், குஷ்புவின் அப்பா மதியும்
சிறுவயதிலிருந்தே நண்பர்கள்.

பெற்றோர்கள் நண்பர்களாக இருந்தாலும் இவர்களின்
பிள்ளைகள் கிரிஷ்க் மற்றும் குஷ்பு இருவரும் எலியும்
பூனையுமாக இருந்து வருகிறார்கள்.

இந்நிலையில் நாயகன், நாயகியின் பெற்றோர்கள்
இருவருக்கும் திருமணம் செய்து வைக்க முடிவு
செய்கிறார்கள். ஆனால் கிரிஷ்க் மற்றும் குஷ்புவிற்கு
இதில் விருப்பம் இல்லை. இருந்தாலும் இவர்களுக்கு
நிச்சயதார்த்தம் நடக்கிறது.

அப்பாவின் கட்டளையின்படி கிரிஷ்க் திருமணத்திற்கு
சம்மதிக்கிறார். ஆனால், குஷ்பு சம்மதித்தாலும் விருப்பம்
இல்லாமல் இருக்கிறார்.

இந்த சமயம் இவர்கள் வேலை பார்க்கும் இடத்தில் நண்பர்
ஒருவருக்கு திருமணம் நடக்க இருக்கிறது. அதற்கு
இருவரையும் மைசூருக்கு அழைக்கிறார். ஆனால் இருவரும்
அங்கு சென்றால் சந்திக்க நேரிடும், சண்டை வரும் என்று
செல்ல மறுக்கிறார்கள். கிரிஷ்க் மற்றும் குஷ்புவின் உடன்
பிறந்தவர்கள், அங்கு சென்றால் இருவரும் சண்டைப்
போடுவீர்கள். இதனை காரணமாக வைத்து திருமணத்தை
நிறுத்தி விடலாம் என்று ஆலோசனை கூறுகிறார்கள்.

அதன்படி இருவரும் மைசூருக்கு செல்கிறார்கள். எதிர்பாராத
விதமாக இருவரும் ஒரே பேருந்தில் பக்கத்து பக்கத்து சீட்டில்
பயணம் செய்யும் சூழ்நிலை ஏற்படுகிறது. பேருந்தில் இருந்து
இருவருக்கும் சண்டை ஏற்படுகிறது. செல்லும் வழியிலும் பல
பிரச்சனைகளை சந்திக்கிறார்கள். இந்த சண்டை
இருவருக்குள்ளும் காதலாக மாறுகிறது.

இந்நிலையில், குஷ்புவின் தாய்மாமன் இவர்கள் இருவரையும்
சொத்துக்காக கொல்ல நினைக்கிறார். இறுதியில் தாய்
மாமனிடம் இருந்து இருவரும் தப்பித்தார்களா? காதலில்
சேர்ந்தார்களா? என்பதே மீதிக்கதை.

படத்தில் நாயகனாக நடித்திருக்கும் கிரிஷ்க் புதுமுகம்
என்பதால் நடிக்க மிகவும் சிரமப்பட்டிருக்கிறார். ஆக்‌ஷன்
ஹீரோவுக்குண்டான உடற்கட்டை பெற்று ஆக்‌ஷன் காட்சிகளில்
சிறப்பாக நடித்திருக்கிறார்.

நாயகியாக நடித்திருக்கும் குஷ்பு பிரசாத் பார்ப்பதற்கு அழகாக
இருக்கிறார். நாயகனுடன் சண்டையிடும் காட்சிகள் ரசிக்கும்
படியாக இருக்கிறது. இன்னும் நடிப்பில் வலிமை படுத்திக்
கொண்டால் தமிழ் சினிமாவில் நீடிக்கலாம்.

நாயகன் அப்பாவாக நடித்திருக்கும் ஆடுகளம் நரேன், பாசமான
அப்பாவாக மனதில் பதிக்கிறார். படத்தில் சிறிதளவே வந்தாலும்
சிறப்பாக நடித்திருக்கிறார் நான் கடவுள் ராஜேந்திரன். இவருக்கு
கொடுக்கப்பட்டுள்ள பாடல் காட்சியும் சிறப்பாக இருக்கிறது.

நாயகன், நாயகிக்கும் உள்ள மோதலை ஒரு பயணமாக
சொல்லியிருக்கிறார் இயக்குனர் ராஜசேகர். படத்தில் சில காட்சிகள்
ரசிக்கும்படியாக இருந்தாலும் சில காட்சிகள் சலிப்பை
ஏற்படுத்தியிருக்கிறது.

ரனிப் இசையில் பாடல் அனைத்தும் கேட்கும் படியாக உள்ளது.
சரவண நட்ராஜின் ஒளிப்பதிவு படத்திற்கு பலமாக அமைந்திருக்கிறது.

மொத்தத்தில் ‘ஜிப்பா ஜிமிக்கி’ பொலிவு குறைவு.
-
---------------------------------
மாலை மலர்

**T.N.Balasubramanian** · **T.N.Balasubramanian** Fri Sep 25, 2015 6:41 pm

நன்றி பகிர்வுக்கு ayyasami ram

ரமணியன்

**ராஜா** · **ராஜா** Fri Sep 25, 2015 11:41 pm

உடனடியாக விமர்சனம் பதிந்தமைக்கு மிக்க நன்றி

shobana sahas · shobana sahas Sat Sep 26, 2015 3:37 am

விமர்சனம் எப்படி இருந்தாலும் , ரா . ரா அண்ணனுக்கு என் வாழ்த்துக்கள் .. ஒரு படம் இயக்குவது எவ்வளோ பெரிய விஷயம் ... ரா ரா அண்ணனுக்கு என் பாராட்டுக்கள் . அன்பு மலர்

**T.N.Balasubramanian** · **T.N.Balasubramanian** Sat Sep 26, 2015 10:22 am

shobana sahas wrote:விமர்சனம் எப்படி இருந்தாலும் , ரா . ரா அண்ணனுக்கு என் வாழ்த்துக்கள் .. ஒரு படம் இயக்குவது எவ்வளோ பெரிய விஷயம் ... ரா ரா அண்ணனுக்கு என் பாராட்டுக்கள் .

மேற்கோள் செய்த பதிவு: 1164737

மிகவும் உண்மை .

ராரா பாராட்டுக்குரியவரே !

ரமணியன்

**T.N.Balasubramanian** · **T.N.Balasubramanian** Sat Sep 26, 2015 10:24 am

ஜிப்பா ஜிமிக்கி- திரை விமரிசனம் Z8nknpI4S62UFQsa2KmE+220

பாராட்டுகள் ரா ரா அன்பு மலர்

ரமணியன்

pkselva · pkselva Sat Oct 10, 2015 9:16 am

ஜிப்பா ஜிமிகி - டப்பா டான்ஸ்

போகாதிங்க ரொம்ப போர்.

செல்வா!

**ராஜா** · **ராஜா** Sat Oct 10, 2015 10:59 am

pkselva wrote:ஜிப்பா ஜிமிகி - டப்பா டான்ஸ்
போகாதிங்க ரொம்ப போர்.செல்வா!

உங்க நேரடியான கருத்துக்கு மிக்க நன்றி செல்வா ...

நம்ம சகோதரர் ராரா இயக்கிய படம் , இதை உருவாக்குவதற்கு அவர் பட்ட கஷ்டங்கள் . தயாரிப்பின் ஒவ்வொரு நிலையிலும் ஏற்பட்ட தடைகள் என ஒவ்வொன்றையும் விடாமுயற்சியுடன் தன்னம்பிக்கையுடன் தாண்டி வந்து வெற்றிகரமாக படத்தை வெளிக்கொண்டு வருவதே இப்பல்லாம் மிகப்பெரிய வெற்றி தான்.

வாழ்த்துக்கள் ராரா புன்னகை

**Aathira** · **Aathira** Sat Oct 10, 2015 11:32 am

pkselva wrote:ஜிப்பா ஜிமிகி - டப்பா டான்ஸ்

போகாதிங்க ரொம்ப போர்.

செல்வா!

மேற்கோள் செய்த பதிவு: 1167935
நன்றி செல்வா அவர்களே.
ஒற்றை வரி விமர்சனத்தோடு, நிறை குறைகளைச் சொல்லுங்கள். அடுத்தக் கட்டத்திற்குப் போக ஏதுவாக இருக்குமே.