சத்தியபாமா பல்கலைக் கழக நிறுவனர் ஜேப்பியார் காலமானார் !

**krishnaamma** · **krishnaamma** Sun 19 Jun 2016 - 0:40

சத்தியபாமா கல்விக்குழுமங்களின் தலைவர் ஜேப்பியார் (வயது 85) சென்னையில் இன்று காலமானார்.

சத்தியபாமா கல்விக்குழுமங்களின் தலைவர் ஜேப்பியார் (வயது 85). சென்னை அருகே உள்ள சோழிங்கநல்லூரில் சத்தியபாமா பல்கலை வளாக வீட்டில் ஜேப்பியார் வசித்து வந்தார்.

உடல் நலக்குறைவினால் தனியார் மருத்துவமனையில் அனுமதிக்கப்பட்டிருந்தார். மருத்துவமனையில் இன்று அவர் சிகிச்சை பலனின்றி காலமானார்.

ஒருங்கிணைந்த சென்னை மாவட்டத்தின் அதிமுக செயலாளராக இருந்தவர் ஜேப்பியார். எம்.ஜி.ஆர். ஆட்சிக்காலத்தில் சட்டமன்ற உறுப்பினராக இருந்தார். மேலும், சட்டமேலவையின் அரசு கொறடாவாகவும் இருந்தார்.

கன்னியாகுமரி மாவட்டம் முட்டம் பகுதியை சேர்ந்தவர் ஜேப்பியார். ஜேஸடிமை பங்கி ராஜ் என்பது அவரது பெயர். சென்னை பல்கலைக் கழகத்தில் இளங்கலை சட்டமும், அண்ணா பல்கலைக் கழகத்தில் பி.ஹெச்.டி-யும் படித்தார்.

மாலைமலர்