ஒரு ஆசிரியரின் மரணத்திற்கு இந்திய நாடே கண்ணீர் அஞ்சலி

**சிவா** · **சிவா** Mon Aug 15, 2016 10:11 pm

தெலுங்கானா மாநிலத்தில் ரங்காரெட்டி மாவட்டம் மேடிகொண்டா கிராமத்தில் உள்ள தொடக்க பள்ளி ஒன்றில் சுதந்திர தின விழாவை கொண்டாடுவதற்கான ஏற்பாடுகளை செய்து வந்தனர்.

நேற்று மாலை, அந்த ஏற்பாடுகளை அப்பள்ளியின் தலைமை ஆசிரியை பிரபாவதி பார்வையிட்டு வந்தார். சில மாணவர்களும் இதை வேடிக்கை பார்த்து வந்தனர். இந்நிலையில், கொடி கம்பம் நடப்பட்ட போது அருகிலிருந்த மின்சார கம்பி எதிர்பாராதவிதமாக அறுந்து விழுந்தது.

மின்சார கம்பி 4 பள்ளி மாணவிகளை நோக்கி வருவதை கண்ட தலைமை ஆசிரியை, ஓடிச் சென்று அந்த மாணவர்களை தள்ளிவிட்டார். அப்போது, அந்த மின்கம்பி அவர் மீது விழுந்தது. மின்சாரம் தாக்கியதில் தலைமை ஆசிரியை பிரபாவதி சம்பவ இடத்திலேயே பரிதாபமாக இறந்தார். இதை பார்த்த பள்ளி மாணவர்கள் கதரி அழுதனர். அவரின் குணம் போற்றி நாடே அவருக்கு கண்ணீர் அஞ்சலி செலுத்தி வருகிறது.