நீ ஒரு அழகிய கவி!

ஸ்ரீ கிருஷ்ணன் · 13/11/2009

நீ ஒரு அழகிய கவி

ஜந்தடி நான்கு அங்குலத்தில்

பிறந்த நீ

ஓர் கறுப்பு சித்திரம்

தினமும்

சுத்திப்போடச்சொல் உனக்கு

உன் கயல் விழி பார்வையால்

நான் கூட சொக்கிப் போகின்றேன்

உன் சங்கீத சிரிப்புக்களை

சேமித்து வைத்திருக்கிறேன்

கலையாத என் கனவுகளுக்காக

மலரைப்போல் சிறிக்கும்

உனக்கு வாய்க்கப்போகும்

அந்த மச்சமுள்ளவன் யார்

அழும்போது பெண்கள்

அழகற்று போவார்களாம்

அது பெண்களுக்கு

ஆனால் நீயோ

எனது பேரழகியல்லவா

பிரியமாய்

இருப்பதால்தான் உன்

பெயர் கூட பிரியா

என்றமைந்ததோ.

ஒரே ஒரு முறை உன்

பெயரை உரக்கச்சொல்

எப்போதும் என்னுள்

எதிரொலித்துக் கொண்டிருக்கும்

அந்த கவிதை.