உங்கள் கணினி சரியாக வேலை செய்கிறதா? செயல்திறன்,காணொளி சிறப்பாக வேலை செய்கிறதா?

சினிமா,தொலைக்காட்சி,இப்படி எல்லா அசைவுகளும் படங்களாக-frames- கொடுக்கப்படுகின்றன.வினாடிக்கு எத்தனை படங்கள் என்பதைப் பொறுத்து அதன் அசைவு தெளிவு அமையும்.

இந்தப் படங்களை கண்கள் ஏற்று மூளைக்கு அனுப்புகின்றன. அதைத் தொகுத்து அவற்றின் அசைவுகளை மூளை புரிந்து கொள்கிறது.பொதுவாக 24 fps-frames per second- மனிதக் கண்கள் ஏற்றுக் கொண்டாலும் பல்வேறு சந்தர்ப்பங்களில் இவை வேறுபடுகின்றன.

குறைந்த அளவு படங்கள் -frames- மெதுவாக தெளிவற்று காட்சி தருகிறது.அளவு -fps-கூடும் போது அந்தப் படங்கள் எந்த அளவில்-fps- எடுக்கப்பட்டதோ அவற்றுக்கு ஏற்ப தெளிவாகவும் சிறப்பாகவும் அமைகிறது.

மிகக் குறைவான fps உள்ள கணினிகளில் வீடியோ,அனிமேசன்கள் மெதுவாக,கலங்கலாக blurring ,அசைவு வேறுபட்டும் காணப்படும்.சாதரணமாக 24 ற்கு மேல் fps இருந்தால் காணொளி நன்றாக இருக்கும்.

ஓடிக் கொண்டிருக்கும் காணொளியில் வலது கிளிக் செய்து Stats for nerds என்பதை சொடுக்கினால் காணொளி பற்றிய அனைத்து தகவல்களையும் காணலாம்.

சினிமாவில் 24p, தொலைக்காட்சியில் 25p ற்கு மேல்,LCD TV இல் சற்று அதிகமாகவும், HD,அதிக resolution கொண்ட வீடியோக்களில் 50/60 p ஆகவும் இருக்கும். இருந்தால் சிறப்பாக இருக்கும்.அதிக fps கொண்டவை கண்ணுக்கு குளிர்ச்சியாகவும் பார்க்கும் போது இதமாகவும் இருக்கும்.
குறைந்த fps காட்டப்படுமாயின் பார்க்கும் வீடியோக்கள் தரம் குறைந்தவையாக இருக்கும். இப்படி தரம் குறைந்த வீடியோக்கள்,அதாவது மிகக் குறைந்த fps காணொளிகள் நமது கண்களை விரைவில் சோர்வடையச் செய்யும்.

இவற்றின் வேறுபாட்டைக் கவனிக்கவும்.கணினி செயல்திறன் சரியாக இருந்தால், பச்சை நிறத்தில்  fps ok எனவும், இல்லாவிட்டால் fps too slow எனவும் காட்டப்படும்.