குஜராத்தில் முன்கூட்டியே தேர்தல் இல்லை: முதல்வர் விஜய் ரூபானி திட்டவட்டம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

குஜராத்தில் முன்கூட்டியே தேர்தல் இல்லை: முதல்வர் விஜய் ரூபானி திட்டவட்டம்

#1230500

ayyasamy ram
வழிநடத்துனர்: பதிவுகள் : 82413
இணைந்தது : 30/09/2013

Post ayyasamy ram Wed Jan 04, 2017 10:23 am

குஜராத்தில் முன்கூட்டியே தேர்தல் இல்லை: முதல்வர் விஜய் ரூபானி திட்டவட்டம் Q6m76FNTu2lYnduNR6WA+rupani

------------------------

குஜராத்தில் முன்கூட்டியே தேர்தல் நடைபெறாது என்று
அந்த மாநில முதல்வர் விஜய் ரூபானி திட்டவட்டமாகத் தெரிவித்தார்.

இதுகுறித்து அந்த மாநிலத்தின் ஆமதாபாத் நகரில் அவர் செவ்வாய்க்
கிழமை கூறியதாவது:

குஜராத் மாநிலத்தில் முன்கூட்டியே தேர்தல் நடப்பதற்கான வாய்ப்புகள்
இல்லை.

நிர்ணயிக்கப்பட்டபடி, இந்த ஆண்டின் பிற்பகுதியில்தான் தேர்தல்
நடைபெறும் என்று உறுதியாக நம்புகிறேன்.

தங்களது தொண்டர்களை உற்சாகப்படுத்துவதற்காக, காங்கிரஸ்
கட்சிதான் முன்கூட்டியே தேர்தல் நடைபெறும் என வதந்தி பரப்பி
வருகிறது என்றார் அவர்.

குஜராத்தில் கடந்த 20 ஆண்டுகளாக பாஜக ஆட்சி நடைபெற்று வருகிறது.

அந்த மாநிலத்தில் நீண்ட காலம் முதல்வராக இருந்த நரேந்திர மோடி,
நாட்டின் பிரதமராகப் பொறுப்பேற்றதைத் தொடர்ந்து மாநில முதல்வர்
பதவிக்கு ஆனந்திபென் படேல் தேர்ந்தெடுக்கப்பட்டார்.

எனினும், அவர் அண்மையில் திடீரென்று பதவி விலகி, புதிய முதல்வராக
விஜய் ரூபானி தேர்ந்தெடுக்கப்பட்டதைத் தொடர்ந்து மாநிலத் தேர்தல்
முன்கூட்டியே நடத்தப்படலாம் என்ற பேச்சு எழுந்தது.

இந்த நிலையில், உத்தரப் பிரதேசம், பஞ்சாப் மாநிலங்களில் பாஜக
படுதோல்வி அடையும் எனவும், அதற்கு முன்னதாகவே குஜராத்தில் அந்தக்
கட்சி தேர்தலை எதிர்கொள்ளலாம் எனவும் மாநில காங்கிரஸ் பிரிவு
தலைவர் பரத்சிங் சோலங்கி அண்மையில் கூறியிருந்தார்.

இதற்குப் பதிலளிக்கும் வகையிலேயே விஜய் ரூபானி இவ்வாறு
தெரிவித்தார்.
-
-------------------------------------------------
தினமணி

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1