கவிழ்கிறது அதிமுக அரசு? வருகிறது பொதுத்தேர்தல்!

இரா.மூர்த்தி · இரா.மூர்த்தி Fri Apr 14, 2017 5:11 pm

தமிழக அரசியல் வரலாற்றிலேயே இதுபோல் எப்போதும் வருமான வரித்துறையினர் ரெய்டு நடத்தி ஆவணங்களை கைப்பற்றியதில்லை. சோதனைகள் தொடர்ந்து மேலும் ஆவணங்கள் கைப்பற்றப்படும் நிலையில், தமிழக அரசு கவிழ வாய்ப்பு இருப்பதாக அரசியல் வட்டாரங்களில் பரபரப்பாக பேசப்பட்டு வருகிறது.

சேகர் ரெட்டி, ராம மோகன ராவ் தொடங்கி அமைச்சர் விஜயபாஸ்கர், நடிகர் சரத்குமார் வரை ஆளுங்கட்சிக்கு நெருக்கமானவர்களை குறிவைத்து ஏராளமான நம்பத்தகுந்த ஆதாரங்களை திரட்டியுள்ளது. இது ஆளுங்கட்சியை திகைப்பில் ஆழ்த்தியுள்ளது.

மேலும் தமிழக முதல்வர் எடப்பாடி பழனிசாமி, அமைச்சர்கள் தங்கமணி, வேலுமணி உள்பட 29 பேர் ரெய்டு பட்டியலில் ஹிட் லிஸ்டில் இருப்பதாக கூறப்படுகிறது.

அதுமட்டுமல்லாமல், ஜெயலலிதா வசித்த போயஸ் கார்டனுக்குள்ளும் விரைவில் வருமானவரித் துறை, மத்திய போலீஸ் பாதுகாப்புப் படையோடு நுழைய திட்டமிட்டுள்ளதாகவும் , தினகரன், திவாகரன், நடராஜன், விவேக் வீடுகளும் இந்த குறியில் தப்பாது என்றும் வருமான வரித்துறை வட்டாரம் தெரிவிக்கின்றது.

முதல்வர், அமைச்சர்கள் உள்ளிட்டோர் வீடுகளில் ரெய்டு நடத்தினால் கண்டிப்பாக ஆட்சி கவிழும் என்றும், அதனால் தமிழகத்தில் நடைபெறும் தேர்தல் பொதுத்தேர்தலாகத்தான் இருக்கும் இடைத்தேர்தலுக்கு வாய்ப்பு இல்லை என்றும் கூறப்படுகிறது.
தொடர்ந்து ரெய்டு நடைபெற்று வருவதால் பல அமைச்சர்கள் பீதியில் உள்ளனர். நன்றி செய்தி புனல்

**T.N.Balasubramanian** · **T.N.Balasubramanian** Fri Apr 14, 2017 10:34 pm

அசிங்க அரசியல்வாதிகளை அறவே நீக்க,
வேண்டியதெல்லாம் மக்களின் அறிவே !

ரமணியன்

**T.N.Balasubramanian** · **T.N.Balasubramanian** Fri Apr 14, 2017 10:41 pm

மற்ற ஊடகங்களில் இருந்து எடுத்து பதிவிடும் போது,
ஆதாரம் /மூலம் எந்த ஊடகத்தில் இருந்து எடுக்கப்பட்டது
என்பதை தெரிவிப்பதுடன் , அவர்களுக்கு நன்றி சொல்லுவது
ஈகரையின் விதிமுறைகளில் ஒன்று.
இனி ஆதாரங்களையும் நன்றியுடன் பதிவிடவும் மூர்த்தி அவர்களே.. புன்னகை

ரமணியன்

Sponsored content · Sponsored content

கவிழ்கிறது அதிமுக அரசு? வருகிறது பொதுத்தேர்தல்!

கவிழ்கிறது அதிமுக அரசு? வருகிறது பொதுத்தேர்தல்!

Re: கவிழ்கிறது அதிமுக அரசு? வருகிறது பொதுத்தேர்தல்!

Re: கவிழ்கிறது அதிமுக அரசு? வருகிறது பொதுத்தேர்தல்!

Re: கவிழ்கிறது அதிமுக அரசு? வருகிறது பொதுத்தேர்தல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக