ஜெ., மரணம் குறித்து விசாரிக்க விசாரணை கமிஷன்

சென்னை:
தமிழக முதல்வர் எடப்பாடி பழனிசாமி இன்று மதியம் திடீரென
நிருபர்களை தலைமை செயலகத்தில் சந்தித்தார்.

இந்த சந்தப்பில் ஜெ., மரணம் தொடர்பாக விசாரணை கமிஷன்
அமைக்கப்படும் என அவர் நிருபர்களிடம் தெரிவித்தார்.
முன்னதாக அவர் அமைச்சர்களுடன் அவசர ஆலோசனை
நடத்தினார்.

இவர் நிருபர்களிடம் பேசுகையில்; முன்னாள் முதல்வர்
ஜெ., உடல்நலக்குறைவு காரணமாக மருத்துவமனையில்
அனுமதிக்கப்பட்டு சிகிச்சை பலன் இன்றி 05. 12.2016 ல் இறந்தார்.
இது பல்வேறு சந்தேகங்கள் எழுந்து வருகின்றன.

இந்நிலையில் ஓய்வு பெற்ற நீதிபதி தலைமையில் விசாரணை
கமிஷன் அமைக்கப்படும். நீதிபதி யார் என்பது பின்னர்
அறிவிக்கப்படும். பல்வேறு தரப்பினரிடம் இருந்து கோரிக்கைகள்
வந்ததை அடுத்து இது அறிவிக்கப்படுகிறது.
-
போயஸ்கார்டன் இல்லம்
-
6 முறை தமிழக அமைச்சராக பணியாற்றி மக்களுக்காக
தன் இன்னுயிரை நீத்தார் ஜெயலலிதா.
தமிழகத்தின் முதல்வராக அரும்பாடு பட்ட ஜெயலலிதா
வாழ்ந்த போயஸ்கார்டனில் உள்ள வேதா நிலையம் இல்லம்
அரசுடமையாக்கப்படும்.
இது மக்களின் பார்வைக்கு அனுமதிக்கப்படும்.
இவ்வாறு எடப்பாடி பழனிசாமி தெரிவித்தார்.

ஓ.பி.எஸ்., அணி கோரிக்கை ஏற்பு
-
ஓ.பி.எஸ்., அணி தரப்பில் சசிகலா , தினகரன் குடும்பத்தினர் ஆட்சி,
கட்சியில் இருந்து விலக்கி வைக்க வேண்டும். ஜெ., மரணம் குறித்து
விசாரணை கமிஷன் அமைக்க வேண்டும் என்பது நீண்ட நாள்
கோரிக்கையாக இருந்து வந்தது.

ஏற்கனவே சசி குடும்பத்தினரை முதல்வர் ஓரம்கட்டி விட்டார்.
இன்றைய ஜெ., மரணம் தொடர்பாக முதல்வரின் அறிவிப்பு,
இரு அணிகள் இணைவதற்கு நெருங்கிய சமிக்ஞைகள் தெரிகிறது
என்றே சொல்லலாம்.
-
---------------------------------
தினமலர்