மரணத்தைத் தவிர்க்கும் மருந்து ---திருப்பாவை

மாதங்களில் நான் மார்கழி என்று கண்ணன் சொன்ன மார்கழி இன்றுடன் முடிகிறது .சற்று சோகமாகத்தான் இருக்கிறது ,முன்பெல்லாம் விடியலில் எழுந்து
குளிர் நீரில் குளித்து புதுச்சேரி வரதராஜப் பெருமாள் கோவில் சென்றதுண்டு .
அங்கே நாளும் திருப்பாவை அனைவராலும் சேர்ந்துப்பாடப்பெறும் .
இப்போது அவ்வாறு செய்ய உடல் ஒத்துழைப்பதில்லை .
ஸ்ரீ ஆண்டாள் அருளிய சங்கத் தமிழ் மாலை எனும் திருப்பாவை எனும்
டாக்டர் மோகன் தாஸ் எழுதிய மரணத்தை தவிர்க்கும் மருந்து என்ற புத்தகத்தை இந்த மார்கழியில் படித்தேன் .
அவர் திருப்பாவையை ஒரு வித்தியாசமான கோணத்தில் அணுகுகிறார்
மரணத்தை தவிர்க்கும் முப்பு எனும் மருந்தைப்பற்றி கூறுவதாகக் கூறுகிறார்
முக்திக்குப்பதிலாக அது முப்புவிக்கே வழிகாட்டுகிறது என்கிறார் .
அகரத்தை சிறப்பித்துள்ள திருப்பாவை தந்த 30 பாடல்களும் ஆண்டாள் அடைந்த கற்பூரத் தேகத்தைப்போல் மனித குளமும் அடைய போதும் என்கிறார் .
மிக வித்தியாசமான முறையில் அதில் உள்ள ஒவ்வொரு வார்த்தைக்கும்
விளக்கம் அளிக்கிறார் .மார்கழி நீர்தான் அகர நீர் என்கிறார் .
மார்கழித்திங்கள் மதிநிறைந்த நன்னாளால்,
நீராடப்போதுவீர், போதுமினோ, நேரிழையீர்!
சீர்மல்கும் ஆய்ப்பாடிச் செல்வ சிறுமீர்காள்!
கூர்வேல் கொடுந்தொழிலன் நந்தகோபன் குமரன்
ஏர் ஆர்ந்தகண்ணி யசோதை இளஞ்சிங்கம்
கார்மேனிச்செங்கண், கதிர்மதியம் போல் முகத்தான்
நாராயணனே நமக்கே பறை தருவான்
பாரோர் புகழப் படிந்தேலோரெம்பாவாய்.
எனும் பாடலுக்கு ஆயர்பாடியை சிற்றம்பலம் என்கிறார் ,
மார்கழி நீர் அமுத நீர் என்கிறார் அது நிறைந்த நாளே நல்லநாள் என்கிறார் .
எனவே அனைவரும் மார்கழி நீர் அருந்துவோம் வாருங்கள் என்கிறார் .
இவ்வாறு 30 பாடலுக்கும் மிக வித்தியாசமான ஞான உரை கூறி உள்ளார் .
இப்போதைக்கு இது அறிமுகமே ! நம்பர்களுக்கு ஆர்வம் இருப்பின் மீண்டும் இதுபற்றி எழுதுகிறேன் .
அண்ணாமலை சுகுமாரன்
13/1/18
படங்கள் இணையத்தில் கிடைத்தது

அருமையான பதிவு ஐயா, மிக்க நன்றி ! ............