லேப் டாப் . . .

சாந்தன் · சாந்தன் Tue Dec 15, 2009 10:27 am

லேப் டாப் . . .
----------------------

[You must be registered and logged in to see this image.]

லேப் டாப்பிற்குத் தமிழிலே மடிக் கம்ப்யூட்டர் என்கிறார்களே
அது சரியா ?
- என்று கேட்டான் அருமை நண்பன்.

அதிலென்ன சந்தேகம் ? LAP என்றால் மடிதானே ?
- எனத் திருப்பினேன் அவனை.

அவனோ விடுவதாக இல்லை.

' அப்படி என்றால் நோட்புக் கம்ப்யூட்டரை
என்ன சொல்லுவீர்களாம் ? '

- என மறுபடியும் மடக்கினான் என்னை !

' அதே பேர்தான், மடிக் கம்ப்யூட்டர் . . .!'
என்றேன் அழுத்தமாக.

எப்படி ?
லேப் டாப் அப்புறம் நோட்புக் கம்ப்யூட்டர் இரண்டுமே
மடித்து வைக்கப் படுவதால்
மடிக் கம்ப்யூட்டர்தானே - என விளக்கியும்
விட்டபாடில்லை அவன்.

இன்னும் தாவினான்.

ஓகோ, அப்படியா சேதி ?
இன்னொரு கேள்வி, டெஸ்க் டாப் கம்ம்யூட்டர் ,
இதை எப்படி மொழி பெயர்ப்பீர்களாம் ? - என்றான்.

அதானே,
நானும் யோசித்தேன்.

இந்தக் காலப் பிள்ளைகள் எல்லாம்,
நம் பால பருவம் போல் போல் அன்றி
கிட்டிப் புள், பம்பரம் என்றெல்லாம் வெளியே விளையாடவே
போவதில்லை,
மாறாக எந்நேரமும் கம்ப்யூட்டரே கதி என்று
சோம்பிக் கிடக்கிறதுகள் !

வெளி விளையாட்டுக்குப் போகவிடாமல்
அறைக்குள்ளே
வீடியோ கேம்ஸ் பார்த்துச் சோம்பேறித்தனமாய்
ஆக்கி விடுவதனால்
இந்த டெஸ்க் டாப்பை மடிக் கம்ப்யூட்டர் எனக் கூடச் சொல்ல்லாம்.
என் விளக்கவுரை நண்பனுக்கு விளங்கவில்லை.
உங்களுக்கு விளங்கி இருக்கும் என எண்ணுகிறேன்.
மடி என்றால் சோம்பல் என அர்த்தம்.

திருக்குறள் காலத்து வார்த்தை இது,
இப்போது
பயன் படுத்துவோமே !

அட, மடி என்ற வார்த்தைக்கு இவ்வளவு அர்த்தமா, என வியந்தான் நண்பன்.

அதுதான் தமிழின் FLEXIBILITY !

லேப் டாப் . . .

லேப் டாப் . . .

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக