சிரித்தால் சிரிக்கும் உலகமிது…!!

**ayyasamy ram** · **ayyasamy ram** Sun Aug 12, 2018 8:27 am

சிரித்தால் சிரிக்கும் உலகமிது
அழுதால் அழுவதில்லை – இந்த
நினைவுகள் யாவும் சரியோ தவறோ
எதுவும் புரியவில்லை!
–
குழந்தையின் உள்ளம் வளர்ந்த பின் இல்லை
கொடிமலர் கூட மணம் தரவில்லை!
கோவிலில் இருந்தால் அதன் பேர் தெய்வம்
தெருவில் கிடந்தால் கல்லென மாறும்!
–
காலம் என்பது நிலைக்கண்ணாடி
காட்டும் கோலங்கள் எத்தனை கோடி!
கண்ணால் காற்றைப் பார்த்தவரில்லை
பெண்மனம் அறிந்த மேதையுமில்லை!
–
ஆறுதல் கூறிட அன்னையுமில்லை
அறிவுரை சொல்லிட தந்தையுமில்லை
உருவை நிழலும் பிரிவதுமில்லை
உண்மை எனக்குப் பொருந்தவுமில்லை!
–
படம்: நம்பிக்கை நட்சத்திரம்
——————————-
>பூவை செங்குட்டுவன்
திரை இசைப்பாடல்கள் தொகுப்பிலிருந்து