அழகி தட்டச்சு மென்பொருள் - இலவசம்.

தமிழ் தட்டச்சு செய்யத் தெரியாமல் தமிழில் பேசுவதைப் போன்றே ஆங்கில எழுத்துக்களைத் தட்டினால் தமிழ் வார்த்தைகளைத் தரும் (Phonetic Transliteration முறையில்) அருமையான சாப்ட்வேர் அழகி. உதாரணமாக, அம்மா என்று தட்டச்சு செய்ய ammA என்று தட்டினால் கணினித் திரையில் "அம்மா" என்ற சொல் தோன்றும். இதற்கு எந்த விதமான தட்டச்சு முறையையும் பயிலத் தேவையில்லை. ஒரு text ஃபைலை உருவாக்கிக் கொண்டால், எந்த எழுத்துருவில்(Font) வேண்டுமானாலும் தட்டச்சு செய்யலாம். ஒவ்வொரு எழுத்துருவுக்கும்(Font) உண்டான பிரத்தியேக text ஃபைலை உருவாக்குவதும் எளிமையானது. Copy & Paste செய்யத் தெரிந்தால் போதுமானது. இவ்வளவு சிறப்பம்சங்கள் கொண்ட ஒரு மென்பொருள் முற்றிலும் இலவசமாகக் கிடைக்கிறது என்பது தமிழ் தெரிந்தும் தட்டச்சு செய்யத் தெரியாதவர்களுக்கு ஒரு வரப்பிரசாதம். தற்சமயம் தமிழைத் தவிர மலையாளம், தெலுங்கு, கன்னடம், சௌராஷ்ட்ரா, ஹிந்தி உள்ளிட்ட 16 மொழிகளில் பேசுவதைப் போன்றே(Phonetic Transliteration) தட்டச்சு செய்ய இயலும். இவ்வளவு சிறப்பம்சங்கள் கொண்ட மென்பொருளை 12 ஆண்டுகளுக்கும் மேலாக இலவசமாக அனைவரது பயன்பாட்டிற்கும் அளித்துவரும் திரு. விஸ்வநாதன் அவர்கள் எதிர்பார்ப்பதெல்லாம் இந்த மென்பொருள் மற்றும் பல நூற்றுக்கணக்கானவர்களைச் சென்றடைய வேண்டும் என்ற ஒற்றை வேண்டுகோள் மட்டுமே. வேறு எதையும் அவர் நம்மிடம் எதிர்பார்க்கவில்லை. எனவே, பெயரைப் போலவே அழகான இந்தத் தட்டச்சு மென்பொருள் மற்றும் பலரைச் சென்றடையத் துணைபுரிவோம். கீழுள்ள சுட்டிகளைத் தட்டி மேலும் பல விவரங்களை அறியலாம்.
https://www.azhagi.com/
http://azhagi.com/contribute.html
http://azhagi.com/spread.html

இந்தப் வலைப் பக்கங்களில் அவரது கொடை மிகவும் பெரிது;அரிது. ஆனால் அவர் எதிர்பார்ப்பதெல்லாம் இந்த மென்பொருள் பற்றிய தகவலை அனைவரையும் சேரச் செய்ய வைப்பதை மட்டுமே.

ayyasamy ram wrote:
-

ஈகரை களஞ்சியத்திலும், தமிழில் பேசுவதைப் போன்றே
ஆங்கில எழுத்துக்களைத் தட்டினால் தமிழ் வார்த்தைகளைத்
தரும் வசதி உள்ளது
-

மேற்கோள் செய்த பதிவு: 1276343
அதை நான் அறிவேன் ஐயா. ஆனால் அழகி மென்பொருள் இன்னும் பல செயலிகளுடன் இணைத்து செயல்படுத்தப்படக் கூடியது. உதாரணமாக MS Word, Powerpoint, Excel & Paint இது போன்ற பல அப்ளிகேசன்களுடன் இணைத்து தட்டச்சு செய்யலாம். மேலும் ஒரு எழுத்துருவிலிருந்து மற்றோர் எழுத்துருவிற்கு மாற்றும் வசதியையும் தற்போது உள்ளடக்கியுள்ளது. இந்த மாற்றம் செய்யும் வசதியானது கீழ்க்கண்ட 20 எழுத்துருக்களுக்கு ஏற்படுத்தப்பட்டுள்ளது.
Unicode , SaiIndra , Tamil Bible , Tscii , பாமினி , LT - TM , SunTommy , Amudham , Ka, Diamond , DCI - TML - Ismail , Gee - Tamil உட்பட்ட எழுத்துருக்களை ஒன்றிலிருந்து மற்றொன்றாக மாற்றிக் கொள்ளலாம். முழு வேர்ட் டாகுமெண்ட்டையும் மாற்றலாம். குறிப்பிட்ட பனுவல்களையும்(Selected text) மாற்றிக்கொள்ளலாம்.

நான் என் கணினியில் NHM Writer தவிர வேறு எந்த தமிழ் எழுதியும் பயன்படுத்தியதில்லை.

அலைபேசிக்கு செல்லினம் தமிழ் எழுதி பயனப்டுத்துகிறேன்.

அன்பான தமிழார்வர்களுக்கு,

ஆங்கிலத்தில் தட்டச்சு செய்து தமிழில் பார்க்கும் வழக்கத்தை மாற்ற முயல்வோம்; முற்றாக ஒழிப்போம். தமிழைத் தமிழாகவே தட்டச்சு செய்யும் வசதி தொழில்நுட்பம் நீண்ட காலமாகவே வழங்கி வருகிறது. கைபேசியிலும் தமிழ் வந்துவிட்டது! அதற்கு இன்று கூகுளும் வசதி செய்து தருகிறது. தமிழைத் தட்டச்சு செய்யப் பழகுவோம். தமிழைப் போலொரு மொழியில்லை! அது கடன் வாங்கி வளர்ந்த ஆங்கிலம் வளர்க்கும் என்று எண்ணாதீர்கள்!!

சிவா wrote:நான் என் கணினியில் NHM Writer தவிர வேறு எந்த தமிழ் எழுதியும் பயன்படுத்தியதில்லை.

அலைபேசிக்கு செல்லினம் தமிழ் எழுதி பயனப்டுத்துகிறேன்.

மேற்கோள் செய்த பதிவு: 1276383

சிவா wrote:நான் என் கணினியில் NHM Writer தவிர வேறு எந்த தமிழ் எழுதியும் பயன்படுத்தியதில்லை.

அலைபேசிக்கு செல்லினம் தமிழ் எழுதி பயனப்டுத்துகிறேன்.

மேற்கோள் செய்த பதிவு: 1276383 நானும் இதைத் தான் பயன்படுத்துகிறேன். கைப்பேசியிலும் சிறப்பாக இயங்குகிறது.

நான் அழகி ப்ளஸ்
கைபேசிக்கு கபோராட்
இரண்டும் நல்ல முறையில்
உள்ளது.

குழலோன் wrote:அன்பான தமிழார்வர்களுக்கு,

ஆங்கிலத்தில் தட்டச்சு செய்து தமிழில் பார்க்கும் வழக்கத்தை மாற்ற முயல்வோம்; முற்றாக ஒழிப்போம்.  தமிழைத் தமிழாகவே தட்டச்சு செய்யும் வசதி தொழில்நுட்பம் நீண்ட காலமாகவே வழங்கி வருகிறது. கைபேசியிலும் தமிழ் வந்துவிட்டது! அதற்கு இன்று கூகுளும் வசதி செய்து தருகிறது.  தமிழைத் தட்டச்சு செய்யப் பழகுவோம். தமிழைப் போலொரு மொழியில்லை! அது கடன் வாங்கி வளர்ந்த ஆங்கிலம் வளர்க்கும் என்று எண்ணாதீர்கள்!!

மேற்கோள் செய்த பதிவு: 1276395
தமிழை ஆங்கிலம் வளர்க்கும் என்று நான் எண்ணவில்லை. தமிழின் தொனமை நாம் அறிந்த ஒன்றுதான். என்னைப் போன்ற தமிழ் தட்டச்சு செய்யத் தெரியாதவர்களுக்கு ஒரு பயனுள்ள இலவச மென்பொருளை ஒருவர் வழங்குகிறார். அந்த மென்பொருளுக்கான சப்போர்ட் (Help for Azhagi Software related Technical Problems) ஃபேஸ்புக் குழுவின் மூலமாக இலவசமாகவே வழங்கப்படுகிறது. அதிலுள்ள பதிவுகளைப் படிக்க, அக்குழுவில் இணையத் தேவையில்லை. நாம் ஏதாவது பதிவிட வேண்டுமென்றால் கீழ்க்கண்ட அழகி ஃபேஸ்புக் குழுவில் இணைந்தால் நம் சந்தேகங்களைப் பதிவிட்டுப் பதில் பெறலாம்.

Azhagi Support FB Community

இப்படிப்பட்ட ஒரு மென்பொருளைப் பயன்படுத்தி தட்டச்சு செய்யத் தெரியாதவர்கள் தட்டச்சு செய்யும் போது தமிழ் அழியாது. தமிழ் மேலும் மேலும் வளரும். இதில் உள்ள Converter வசதி நான் உபயோகித்து உணர்ந்திருக்கிறேன். 200 பக்கங்கள் கொண்ட ஒரு வேர்ட் டாகுமெண்ட்டை கிட்டத்தட்ட 45 நிமிடங்களுக்குள் Suntommy எழுத்துருவிலிருந்து வானவில் எழுத்துருவிற்கு மாற்ற முடிந்தது. அனைத்து ஃபார்மட்டிங்க் (Bold, Italic & Tabulation உள்ளிட்டவை ) அப்படியே retain ஆனது. ஓரிரு திருத்தங்களே நான் மேற்கொள்ள வேண்டியிருந்தது. இதே 200 பக்கங்களை நான் தட்டச்சு செய்வதென்றால், சில நாட்கள் ஆகும். என் போன்றோருக்கு (தமிழ் தட்டச்சு செய்யத் தெரியாதோருக்கு) உபயோகமாக இருக்கும் என்பதாலும், இந்தக் காலத்தில் தமிழைக் கணினியில் பயன்படுத்துவதற்கு இது போன்ற மென்பொருள்கள் இருப்பதால் சிரமமில்லாமல் (பணிச்சுமை குறைவாகும்)இருக்கும் என்பதாலும் கீழ்க்காணும் Font Encoding Converter பற்றி மற்றவர்களுக்குத் தெரியப்படுத்தலாம் என்ற நோக்கத்திலேயே பதிவிட்டேன்.  

Azhagi Any Font to Any Font Encodings Converter