உங்கள் பற்கள் பளிச்சென்று இருக்க பயனுள்ள குறிப்புகள்

 பற்களை ஆரோக்கியமான பராமரிக்க, சரியான நேரத்தில் உணவு உட்கொள்ள வேண்டும்.

 அதிகமான சர்க்கரை மற்றும் பதப்படுத்தப்பட்ட உணவு வகைகளான இனிப்புகள், குளிர்பானங்களைத் தவிர்க்கவும்.

 கால்ஷியம் மற்றும் வைட்டமின் மிகுதியாக உள்ள வெண்ணெய் கொய்யா, வாழைப்பழம், பால் போன்றவற்றை உட்கொள்ள வேண்டும்.

 ஆரோக்கியமான ஈறுகளைப் பெற வைட்டமின் சி அதிகமுள்ள பழங்களை தினமும் உட்கொள்ள வேண்டும்.

 சீராக பற்களை இரண்டு வேளை சுத்தம் செய்தாலே பற்கள் ஆரோக்கியமாக இருக்கும். அதனுடன் நாக்கை நன்றாக சுத்தம் செய்ய வேண்டும்.

 பற்களை சுத்தம் செய்வதற்கு சரியான வழிமுறைகளைப் பின்பற்ற வேண்டும். இல்லையெனில் தேய்மானம் ஏற்படும்.

 காபி மற்றும் மதுபானங்கள் அதிகளவு உட்கொண்டால் உடலில் உள்ள கால்ஷியம் அளவு குறைந்து பற்கள் மற்றும் ஈறுகளைச் சிதைத்து விடும்.

 ஈறுகளில் ரத்தக் கசிவு மற்றும் பற்களில் வலி ஏற்பட்டால், உடனே பல் மருத்துவரை அணுகவும்.

 பல் மருத்துவர்கள் பரிந்துரை செய்யும் பற்பசை மற்றும் ப்ரஷ்ஷை பயன்படுத்த வேண்டும்.

 பற்களை உணவு உட்கொள்ள மட்டும் பயன்படுத்த வேண்டும். உணவு அல்லாத பிற பொருட்களைக் கடித்தால் பற்கள் உடைய நேரிடும்.

 மருத்துவரீதியாக உங்களுக்கு ஏதேனும் குறைப்பாடுகள் இருந்தால் பல் மருத்துவரிடம் தெரிவிக்கவும்.

 புகையிலையைத் தவிர்த்தால் வாய் புற்றுநோயைத் தவிர்க்கலாம்.

 பற்குச்சிகளை பயன்படுத்தினால் பற்கள் மற்றும் ஈறுகள் பாதிக்கப்படும்.

 இரவு நேரத்தில் பற்களைக் கடிக்கும் பழக்கமோ, குறட்டை விடும் பழக்கமோ இருந்தால் அதற்கான தீர்வினை உடனடியாகத் தெரிந்து கொள்ளுங்கள். அருகிலுள்ள பல் மருத்துவரை அணுகவும்.

 ஆறு மாதங்களுக்கு ஒரு முறை பல் மருத்துவரை அணுகி பற்களை பரிசோதனை செய்தால் பல் சொத்தை மற்றும் ஈறுகளில் ஏற்படும் சிதைவுகளைக் கட்டுப்படுத்தலாம்.