படித்ததில் மூளையை குழப்பியது………...

Guest · Guest Sun Dec 15, 2019 1:32 pm

படித்ததில் மூளையை குழப்பியது………...

ஆன்மிகம் அல்லது ஆன்மவியல் (spirituality)

ஆன்ம + இகம் என்றும், ஆன்ம + இயம் .…………………….ஆன்மீகம் என்ற சொல்லானது, ஆன்மாவின் மீட்சி; ஆன்மா மீண்டெழும் நிலை; ஆன்மாவின் மீட்டெடுப்பு; உலக மாயையில் இருந்து விடுபட்டு, மெய்யுணர்வு பெறுதலையே "ஆன்மீகம்' எனும் சொல் குறிக்கிறது. ஆன்மீகம் என்பதே சரியான சொல்…….இது இந்துமதத்தை சேர்ந்தவரின் கருத்து.

சமயம், மதம், ஆத்திகம் தொடர்புடையவர்களால் வழங்கப்படும் ஒரு சொல் "ஆன்மிகம்'. இச்சொல்லே சரியான சொல்லாகும். பெரும்பாலோர் ஆன்மீகம் என்று தவறாக எழுதியும் பேசியும் வருகின்றனர்.

ஆன்ம + இகம் = ஆன்மிகம் ஆயிற்று. அதாவது, ஆன்மக் கொள்கைகளின் பிழிவுச் சாரமே ஆன்மிகம் ஆயிற்று. ஒரு முக்கியக் கொள்கையின் பிழிவுச்சாரம் என்பது இகம் - இயம் - இசம் - இயல் எனப் பல பெயர்களில் வழங்கப்படும்.
இகம் - இயம் - இசம் என்னும் சொற்களே சரி - உண்மை என்பதற்குச் சில எடுத்துக்காட்டுகளைக் காண்போம்.
தெய்விகம்-தெய்வீகம்
மார்ச்சியம் -மார்க்சீயம்
லெனினியம் -லெனினீயம்
காந்தியம் -காந்தீயம்
தேசியம் -தேசீயம்

இதேபோல் கண்ணியம், பெண்ணியம், கம்யூனிசம், சோசலிசம், தெய்விகம், ஆத்திகம், நாத்திகம் எனக் கூறிக்கொண்டே செல்லலாம். இவை போன்று ஆன்மக் கொள்கைகளின் பிழிவுச்சாரமே "ஆன்மிகம்' ஆயிற்று. எனவே, ஆன்மிகம் என்று எழுதுவதும் பேசுவதுமே சரியான பொருள் பொதிந்த சொல்லாகும்.இது தமிழாசிரியர் -குடந்தை வய்.மு. கும்பலிங்கம்

முட்டாள் கூகிளை நம்பிப் தேட முடியாது.கூகிளில் அதிக தமிழர்கள் இருந்தாலும் கூகிளுக்கு தமிழ் தெரியாது.அதன் மொழிபெயர்ப்புகளில் இருந்தே தெரிந்து கொள்ளலாம்.

கோவில், கோயில் - இவ்விரண்டில் எது மிகச் சரியானது? கம்பராமாயணத்தில் இரண்டு சொற்களும் உண்டு.

ஆன்மிகம் அல்லது ஆன்மீகம் எது சரி?

ஏன் ஆன்மீகத்தை மிகக் குறுக்கி ஒரு சமயத்துக்குள் அடக்கி விடுகிறார்கள்?

**ayyasamy ram** · **ayyasamy ram** Sun Dec 15, 2019 2:36 pm

கோவில்-சரியான இலக்கணப் பயன்பாடு; கோயில்-ஏற்கத்தக்க பிழை

கோவிலா, கோயிலா என்னும் கேள்வியைப் பலர் கேட்பது
வழக்கம். அதற்கான இலக்கண அடிப்படையிலான
பதிலைத் தேடிப் பார்த்தேன்.

கூகிள் தேடுதலும் நடத்தினேன். அப்போது 2010ஆம் ஆண்டு,
திசம்பர் 12ஆம் நாள் வெளியான தினமணிக் கதிரில்
அப்பதிலைக் கண்டு மகிழ்ந்தேன்.

அது நிறைவான விளக்கமாக உள்ளது. சுருங்கக் கூறின்,
"கோவில்" என்பது சரியான இலக்கணப் பயன்பாடு;
ஆனால் "கோயில்" என்னும் சொல்லும் நெடுங்காலம்
இலக்கியத்திலும் மக்கள் பயன்பாட்டிலும் வந்துவிட்டதால்
அது "ஏற்கத்தக்க பிழை" எனலாம்.

சென்னைப் பேரகர முதலி (Tamil Lexicon, Madras)
தரும் தகவல்படி, தெலுங்கு மற்றும் மலையாள மொழிகளிலும்
"கோவில்", "கோயில்" என்னும் இரு பயன்பாடுகளும் உள்ளன.

ஆயினும், ஊர்ப்பெயர்களில் மக்கள் வழக்கத்தில் "கோவில்"
என்று வரும்போது அதை மாற்றாமல் அப்படியே பயன்
படுத்துவதே முறை.

எடுத்துக்காட்டுகள்: நாகர்கோவில் (நாகர்கோயில் அல்ல);
கோவில்பட்டி (கோயில்பட்டி அல்ல).
-
--------------------------
நன்றி-விக்கிபீடியா