இந்தியர் அதிகம் விரும்பும் உணவு: முதல் இடத்தில் பிரியாணி !

**krishnaamma** · **krishnaamma** Tue Dec 24, 2019 9:59 pm

இந்தியர் அதிகம் விரும்பும் உணவு: முதல் இடத்தில் பிரியாணி !

புதுடில்லி : இந்த ஆண்டில், இந்தியர்கள் அதிகம் விரும்பி சாப்பிட்ட உணவு பிரியாணி என்பது 'ஸ்விகி' நடத்திய ஆய்வில் தெரியவந்துள்ளது. நாடு முழுவதும் ஒரு நிமிடத்திற்கு 95 பேர் பிரியாணி ஆர்டர் செய்ததும், நொடிக்கு 1.6 பிரியாணி ஆர்டர் வந்ததாகவும் அந்நிறுவனம் தெரிவித்துள்ளது.

உணவு விநியோகம் செய்யும் தொழிலில் ஈடுபட்டுள்ள ஸ்விகி நிறுவனம், ஒவ்வொரு ஆண்டும், இது போன்ற அறிக்கைகளை வெளியிடும். அந்த வகையில், இந்த ஆண்டு ஜனவரி முதல் அக்டோபர் வரையில் தங்கள் நிறுவனம் செயல்படும் 500 நகரங்களில் ஆய்வு செய்து, இந்தியர்களின் உணவு முறை குறித்த அறிக்கையை வெளியிட்டுள்ளது.

அதில், கடந்த 3 ஆண்டுகளாக பிரியாணி தொடர்ந்து முதலிடத்தில் உள்ளது தெரியவந்துள்ளது. ஒரு நிமிடத்திற்கு 95 பேர் பிரியாணி ஆர்டர் செய்கின்றனர்.

நொடிக்கு 1.6 பிரியாணி ஆர்டர் வந்துள்ளது. இதற்கு அடுத்த இடத்தில் கிச்சடி உள்ளது.
முந்தைய ஆண்டை காட்டிலும், கிச்சடி ஆர்டர் செய்வது 128 சதவீதம் அதிகரித்துள்ளது. அடுத்ததாக பீட்சா உள்ளது. பீட்சாவின் சுவை, அதிக சீஸ், வெங்காயம், பனீர், காளான், குடைமிளகாய் போன்றவற்றை தூவ வேண்டும் என அதனை வாங்குவோர் கேட்டுக் கொண்டதாக ஸ்விகி தெரிவித்துள்ளது.

இனிப்புகளில் குலாப் ஜாமூன், பருப்பு அல்வா ஆகியவையும் இந்தியர்களை அதிகம் கவர்ந்துள்ளது. மும்பையில், மட்டும் ஐஸ்கிரீம் பலூடா அதிகம் விற்பனையாகியுள்ளது. குர்கானில் உள்ள ஸ்விகியின் ஆயுர்வேத கடையில் கோமியம் கூட ஆர்டர் செய்யப்பட்டுள்ளது. கொச்சியை சேர்ந்த சுதா என்ற பெண், இந்த ஆண்டு அதிக ஆர்டர்களை குவித்தவர். அவர் 13 மாதத்தில், 6,838 ஆர்டர்களை பெற்றுள்ளார் எனவும் ஸ்விகி தெரிவித்துள்ளது.

நன்றி தினமலர்

இந்தியர் அதிகம் விரும்பும் உணவு: முதல் இடத்தில் பிரியாணி !

இந்தியர் அதிகம் விரும்பும் உணவு: முதல் இடத்தில் பிரியாணி !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக