முதல் நாள் முதல் காட்சி விமர்சனம்: பட்டாஸ்

**ayyasamy ram** · **ayyasamy ram** Thu 16 Jan 2020 - 11:33

முதல் நாள் முதல் காட்சி விமர்சனம்: பட்டாஸ் 1579061038855

தந்தையைக் கொன்ற வில்லனைப் பழிவாங்கி,
தாயின் சபதத்தை நிறைவேற்றும் மகனின் கதைதான்
‘பட்டாஸ்’.

நண்பனுடன் சேர்ந்து திருடுவதை வழக்கமாக வைத்திருக்கும்
தனுஷ், தன் எதிர் வீட்டில் குடியிருக்கும் மெஹ்ரீன் லந்து தாங்க
முடியாமல், அவர் வேலை பார்க்கும் குத்துச்சண்டைப் பயிற்சி
மையத்தில் உள்ள மெடல், கோப்பைகளைத் திருடுகிறார்.

எனவே, மெஹ்ரீன் சம்பளத்தை ஒரேடியாகக் குறைப்பதோடு,
தொலைந்துபோன பொருட்கள் கிடைக்கும்வரை வேறெங்கும்
வேலைக்குச் செல்லக்கூடாது என உத்தரவு போடுகிறார் பயிற்சி
மையத்தின் நிர்வாகி.

மெஹ்ரீனின் சான்றிதழ்கள் அங்கு இருக்க, தன் தவறுக்கு
பிராயச்சித்தமாகவும், தன் மனதுக்குப் பிடித்த பெண் என்பதாலும்
அந்த சான்றிதழ்களைத் திருடச் செல்கிறார் தனுஷ்.

இன்னொரு பக்கம், வெளிநாட்டுக்காரன் ஒருவனைக் கொன்ற
குற்றத்துக்காக கேரளாவில் உள்ள சிறையில் ஆயுள் தண்டனை
அனுபவிக்கிறார் சினேகா.

தண்டனைக்காலம் முடிந்து வெளியே வரும் சினேகா, வில்லன்
நவீன் சந்திராவைக் கொல்வதற்காக, அவனுடைய குத்துச்
சண்டைப் பயிற்சி மையத்துக்குச் செல்கிறார்.
அங்கு, இறந்துவிட்டதாக நினைத்த தன் மகன் தனுஷைப்
பார்க்கிறார் சினேகா.
---

**ayyasamy ram** · **ayyasamy ram** Thu 16 Jan 2020 - 11:34

முதல் நாள் முதல் காட்சி விமர்சனம்: பட்டாஸ் 1579061052855

சினேகா - மகன் தனுஷ் பிரிந்தது ஏன்?
அப்பா தனுஷ் என்னவானார்?
நவீன் சந்திரா வில்லன் ஆனது ஏன்? போன்ற கேள்விகளுக்கு
விடைசொல்கிறது மீதிக்கதை.

அப்பா (திரவியப் பெருமாள்) - மகன் (பட்டாஸ் என்கிற சக்தி)
என இரட்டை வேடங்களில், அந்தந்த கதாபாத்திரங்களுக்குத்
தேவையானதை 100 சதவீதம் தந்துள்ளார் தனுஷ். மீசை,
தாடியை மழித்தாலே போதும்... சின்னப்பையன் லுக்,
எந்தவித மெனக்கிடலும் இல்லாமல் தானாக அமைவது
தனுஷுக்கு கிடைத்த வரம்.
திருடனாக மகன் கதாபாத்திரத்தில் அவர் அடிக்கும் லூட்டிகள்,
நிஜமாகவே பட்டாஸ் ரகம். சதீஷுடன் சேர்ந்து அவர் செய்யும்
காமெடிகள், வெடித்துச் சிரிக்க வைக்கின்றன.

அதேசமயம், பொறுப்புள்ள தற்காப்புக்கலை வீரனாக தந்தை
கதாபாத்திரத்திலும் தன்னை நிரூபித்துள்ளார் தனுஷ். ச
ங்க இலக்கியங்களில் கூறப்படும் ஆண்மகனின் காதல், வீரம்
இரண்டையுமே செம்மையாக வெளிப்படுத்தியுள்ளார்.

அடிமுறை கலையில் அவர் அடியெடுத்து வைத்ததைப் பார்க்கும்
போது, நம் நரம்புக்குள்ளும் ‘ஜிவ்’வென்று ரத்தம் பாய்கிறது.
--

**ayyasamy ram** · **ayyasamy ram** Thu 16 Jan 2020 - 11:36

முதல் நாள் முதல் காட்சி விமர்சனம்: பட்டாஸ் 1579061064855

-
கன்னியாகுமரி கதாபாத்திரத்தில் அப்பா தனுஷுக்கு மனைவி,
மகன் தனுஷுக்கு அம்மா என நிறைவாகச் செய்துள்ளார்
சினேகா. சில வருட இடைவெளிக்குப் பின் நடிப்பது, தனுஷுக்கு
அம்மாவா என்ற விமர்சனங்களையெல்லாம் தாண்டி,
சினேகாவின் சினிமா வாழ்க்கையில் பேசப்படும்

படமாக இது நிச்சயம் அமையும். படத்தின் மையப் பாத்திரமே
சினேகாதான். அவரை வைத்துத்தான் கதையே நகர்கிறது.
சிறிது உடல் எடை கூடிவிட்டது என்பதைத் தவிர வேறெந்தக்
குறையும் அவரிடத்தில் இல்லை.

அடிமுறைக் கலையை சொல்லித்தரும் ஆசானாக, அந்தக்
கதாபாத்திரத்துக்குண்டான மரியாதையைத் தன் நடிப்பின்
மூலம் நிலைநிறுத்தியிருக்கிறார் நாசர். இந்தப் படத்தின் மூலம்
காமெடியனாக அறிமுகமாகியிருக்கும் ‘கலக்கப்போவது யாரு’
சதீஷ், கிடைக்கிற கேப்பில் அடித்தாடுகிறார்.

சில பந்துகள் பவுண்டரி, சில பந்துகள் இரண்டு ரன்கள் என
எந்தப் பந்தையும் வீணடிக்காமல் அடித்து ஆயிடியிருக்கிறார்.

அவருடன் சேர்ந்து சில இடங்களில் முனீஸ்காந்தும் சிரிக்க
வைக்கிறார். மகன் தனுஷ் ஜோடியாக நடித்துள்ள மெஹ்ரீன்,
முதல் பாதியில் சொதப்பியிருக்கிறார். இரண்டாம் பாதியில்
ஒன்றிரண்டு காட்சிகளில் வந்தாலும், கச்சிதமாக நடித்துள்ளார்.

தனுஷுக்கு நிகரான கதாபாத்திரமாக வில்லனாக வரும்
நவீன் சந்திரா கதாபாத்திரம் சரியாகக் கட்டமைக்கப்
படவில்லை.
--

**ayyasamy ram** · **ayyasamy ram** Thu 16 Jan 2020 - 11:36

முதல் நாள் முதல் காட்சி விமர்சனம்: பட்டாஸ் 1579061075855

விவேக் - மெர்வின் இசையில் பாடல்கள் எதுவும் மனதில்
பதியவோ, கொண்டாடப்படும் அளவுக்கோ இல்லை. அறிவு
எழுதி, பாடியுள்ள ‘மவனே’ பாடல் மட்டும் ரசிக்க வைக்கிறது.
பின்னணி இசை பரவாயில்லை. ஓம் பிரகாஷின் ஒளிப்பதிவு
ரம்யமாக இருக்கிறது.

பழைய காலத்து திரைக்கதை ஃபார்மேட்டும், அடுத்தடுத்து
இப்படித்தான் நடக்கும் என ஊகிக்க வைக்கும் திரைக்கதையும்
இந்தப் படத்தின் சறுக்கல்கள். ஒருசில இடங்களில் லாஜிக்
மீறல்கள் அப்பட்டமாகத் தெரிகின்றன.

அடிமுறைக் கலையைப் பற்றி எடுத்துக்கொண்ட இயக்குநர்
ஆர்.எஸ்.துரை செந்தில்குமார், அதை இயல்பாகக் காட்சிப்
படுத்தியிருந்தாலே நன்றாக இருக்கும்.

ஆனால், கமர்ஷியலுக்காக சில மாஸ் விஷயங்களைச்
சேர்த்ததில், இயல்பும் அடிபட்டுப்போய், மாஸும் எடுபடாமல்
நிற்கிறது.

ஒரு பஞ்ச் டயலாக்கைத் தவிர, தனுஷ் ரசிகர்கள்
கொண்டாடும்படியான வசனங்களோ, பாடல்களோ பெரிதாக
அமையவில்லை.

ஆனாலும், தமிழர்கள் கண்டுபிடித்த அடிமுறைக் கலையில்
இருந்துதான் கராத்தே, ஜூடோ உள்ளிட்ட பிற தற்காப்புக்
கலைகள் தோன்றின என்ற விஷயத்தைத் தமிழர் திருநாளில்
தமிழனுக்கு நினைவுபடுத்தியிருக்கிறது ‘பட்டாஸ்’.
-
---------------------------------
இந்து தமிழ் திசை

Sponsored content · Sponsored content

முதல் நாள் முதல் காட்சி விமர்சனம்: பட்டாஸ்

முதல் நாள் முதல் காட்சி விமர்சனம்: பட்டாஸ்

Re: முதல் நாள் முதல் காட்சி விமர்சனம்: பட்டாஸ்

Re: முதல் நாள் முதல் காட்சி விமர்சனம்: பட்டாஸ்

Re: முதல் நாள் முதல் காட்சி விமர்சனம்: பட்டாஸ்

Re: முதல் நாள் முதல் காட்சி விமர்சனம்: பட்டாஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக