கொரோனா வைரஸ் - இன்றைய செய்திகள்

**ayyasamy ram** · **ayyasamy ram** Wed 18 Mar 2020 - 4:34

குஜராத்: ஒற்றுமை சிலையை காண 25ம் தேதி வரை தற்காலிக தடை
-
கொரோனா வைரஸ் - இன்றைய செய்திகள் Tamil_News_large_2503729

குஜராத் மாநில சுற்றுலாத்துறை தெரிவித்திருப்பதாவது:

மாநிலத்தில் கொரோனா வைரஸ் பாதித்தவர்கள் என
ஒருவரும் கண்டறியப்படவில்லை இருப்பினும்
முன்னெச்சரிக்கை நடவடிக்கை காரணமாக ஒற்றுமை
சிலையை காண சுற்றுலா பயணிகளுக்கு வரும் 25 ம்
தேதி வரை தற்காலிக தடை விதிக்கப்பட்டுள்ளது.

மேலும் ஆன்லைனில் பதிவுசெய்தவர்களுக்கு மட்டும்
அனுமதி வழங்கப்பட்டுள்ளது. என செய்திகுறிப்பில்
தெரிவித்துள்ளது.

**ayyasamy ram** · **ayyasamy ram** Wed 18 Mar 2020 - 4:36

உ.பி.யில் ராம நவமிக்கு 5 லட்சம் பக்தர்கள் வருகை: அதிகாரிகள் கடும் கவலை
-
கொரோனா வைரஸ் - இன்றைய செய்திகள் Tamil_News_large_2504307

-
உ.பி.,யில் உள்ள அயோத்தியில், ஆண்டு தோறும் ராம நவமி விழா,
விமரிசையாக கொண்டாடப்படும். இந்தாண்டு, வரும், 25ல் துவங்கி,
ஒரு வாரத்துக்கு ராம நவமி விழா கொண்டாடப்பட உள்ளது.

'அயோத்தியில் சர்ச்சைக்குரிய இடத்தில் ராமர் கோவில் கட்டலாம்'
என, உச்ச நீதிமன்றம் தீர்ப்பு அளித்த பின் நடக்கும், ராம நவமி விழா
என்பதால், இதில் ஐந்து லட்சம் பக்தர்கள் திரள்வர் என
எதிர்பார்க்கப்படுகிறது.
-

இது குறித்து அயோத்தி தலைமை மருத்துவ அதிகாரி
கியான்ஷ்யாம் சிங் கூறியதாவது:

ராம நவமிக்கு வரும் பக்தர்கள் அனைவரையும், முழுமையாக
பரிசோதித்து அனுமதிக்கும் படியும், அயோத்தியில் போதிய
சுகாதார நடவடிக்கைகளை மேற்கொள்ளும்படியும் மாநில அரசு
கூறியுள்ளது.

ஆனால், லட்சக்கணக்கான பக்தர்களை பரிசோதிப்பது முடியாத
காரியம்.

மாவட்ட நிர்வாகத்திடம் இது குறித்து தெரிவித்து விட்டோம்.
ஆனால், ஏற்பாடுகளை துவங்கும்படி, எங்களுக்கு உத்தரவிட்டுள்ளனர்.
இவ்வாறு, அவர் கூறினார்.

**ayyasamy ram** · **ayyasamy ram** Wed 18 Mar 2020 - 4:39

'கொரோனா' காரணமாக வெறிச்சோடிய திருமலை
-
கொரோனா வைரஸ் - இன்றைய செய்திகள் Tamil_News_large_2504206

-
திருமலையில், கொரோனா வைரஸ் பரவுவதை தடுக்க
தேவஸ்தானம் பாதுகாப்பு நடவடிக்கைகளில் ஈடுபட்டாலும்,
திருமலைக்கு வரும் பக்தர்களின் எண்ணிக்கை வெகுவாக
குறைந்துள்ளது.

நேற்று முதல் நேரடி தரிசனத்தில் மட்டுமே பக்தர்கள்
அனுமதிக்கப்பட்டு வருகின்றனர். 50 பேருக்கு மேல் கூட்டம்
சேராமல், தேவஸ்தான ஊழியர்கள் பக்தர்களை தரிசனத்திற்கு
அனுப்பி வருகின்றனர்.

இதனால், பக்தர்கள் கூட்டம் இல்லாமல் திருமலை
வெறிச்சோடியுள்ளது.

திருமலையில் உள்ள மத்திய விசாரணை அலுவலகம், சாலை
போக்குவரத்து கழக பேருந்து நிலையம் உள்ளிட்டவற்றில் நேரடி
தரிசன டோக்கன்கள் அளிக்கப்பட்டு வருகிறது. திருப்பதியில்
உள்ள சீனிவாசம், விஷ்ணுநிவாசம், ரயில் நிலையம் பின்புறம்
உள்ள கோவிந்தராஜஸ்வாமி சத்திரங்கள், பேருந்து நிலையம்,
ரயில் நிலையம் உள்ளிட்ட இடங்களில் ஏற்படுத்தப்பட்ட
கவுண்டர்களில் பக்தர்கள் அடையாள அட்டையை காண்பித்து
நேரடி தரிசன டோக்கன்களை பெற்றுக் கொள்ளலாம்.

கிருமிநாசினி தெளிப்பு

திருமலையில், பக்தர்கள் கைப்படும் அனைத்து இடங்களிலும்
கிருமிநாசினி மருந்துகளை தேவஸ்தான ஊழியர்கள்,
2 மணிநேரத்திற்கு ஒருமுறை தெளித்து வருகின்றனர்.

தேவஸ்தானத்தில் பணிபுரியும் அனைத்துஊழியர்களும், கவசம்
அணிந்து பணியாற்றி வருகின்றனர்.

தினமலர்

**ayyasamy ram** · **ayyasamy ram** Wed 18 Mar 2020 - 4:45

கொரோனா பாதிப்பு : ஈரானில் ஒரே நாளில் 135 பேர் உயிரிழப்பு

சீனாவுக்கு வெளியே கொரோனா வைரசால் அதிகம் பாதிக்கப்பட்ட
நாடுகளில் ஈரான் 2-வது இடத்தில் உள்ளது. அங்கு கடந்த மாதம்
19-ந்தேதி மத்திய மாகாணமான குவாமில் முதல் கொரோனா வைரஸ்
தொற்று உறுதி செய்யப்பட்டது.

உடனடியாக அந்த மாகாணம் தனிமைப்படுத்தப்பட்டபோதிலும், ஈரான்
முழுவதிலும் கொரோனா வைரஸ் பரவிவிட்டது.

இந்தநிலையில் ஈரானில் கொரோனா பாதிப்பால் இதுவரை 988 பேர்
உயிரிழந்துள்ளனர். கடந்த 24 மணிநேரத்தில் 135 பேர் உயிரிழந்தனர்.
மேலும் புதிதாக 1,169பேருக்கு கொரோனா தொற்று இருப்பது உறுதி
செய்யப்பட்டுள்ளது என்று தெரிவிக்கப்பட்டுள்ளது.

ஈரானில் கொரோனா வைரசால் பாதிக்கப்பட்டவர்களில் 55% பேர்
60 வயதைக் கடந்தவர்கள் ஆவர். 15% பேர் 40 வயதைக் கடந்தவர்கள்
என்று அதிகாரிகள் தரப்பில் தெரிவிக்கப்பட்டுள்ளது.

கொரோனா பாதிப்பு ஈரானில் தீவிரமாக உள்ளது என்றும் இந்த நிலை
தொடர்ந்து நீடித்தால் மருத்துவமனைகளில் சிகிச்சை பெறுபவர்களுக்கு
போதிய இடம் இல்லாமல் போகும் என்றும் அதிகாரிகள் தரப்பில் வருத்தம்
தெரிவிக்கப்பட்டுள்ளது.

தினத்தந்தி

**ayyasamy ram** · **ayyasamy ram** Wed 18 Mar 2020 - 4:46

கொரோனா அச்சம்: மும்பை ஷீரடி சாய்பாபா கோவில் மூடப்பட்டது

ஷீரடி சாய்பாபா கோவில் செய்தி தொடர்பாளர் சுனில் தாம்பே
கூறுகையில், ‘‘வரலாற்றில் முதல் முறையாக ஷீரடி சாய்பாபா
கோவிலை மூடி உள்ளோம்.

கொரோனா வைரஸ் பரவல் குறையும் வரை கோவில் மூடப்பட்டு
இருக்கும்’’ என்றார்.

தினத்தந்தி

**ayyasamy ram** · **ayyasamy ram** Wed 18 Mar 2020 - 4:55

பிரெஞ்சு ஓபன் டென்னிஸ் போட்டிகள் ஒத்திவைப்பு

ஒத்திவைக்கப்பட்ட போட்டிகள், வரும் செப்டம்பர்
20 முதல் அக்டோபர் 4 வரை நடைபெறும் என்றும்
அறிவிக்கப்பட்டுள்ளது.
-
----------------------------------------
-
பிரிட்டனில் உயிரிழந்தவர்களின் எண்ணிக்கை
71 ஆக உயர்ந்தது

கரோனாவால் நாட்டில் சுமார் 55 ஆயிரம் பேர்
பாதிக்கப்பட்டிருக்கலாம் என அஞ்சப்படுகிறது.

கடந்த 24 மணி நேரத்தில் மட்டும் 14 பேர் உயிரிழந்துள்ளனர்.

ஸ்காட்லாந்திலும் வேல்ஸிலும் மேலும் இருவர் உயிரிழந்துள்ளனர்.
-
---------------------------------------------
-
தில்லியில் எட்டு பேருக்கு கரோனா உறுதி செய்யப்பட்ட
நிலையில், ராஜகாட் மூடப்பட்டுள்ளது.
-
-----------------------------------
நன்றி-தினமணி

**ayyasamy ram** · **ayyasamy ram** Wed 18 Mar 2020 - 4:58

கொரோனா வைரஸ் - இன்றைய செய்திகள் PTI16-03-2020_000220B1

-
ரோனா தொற்றைக் கருத்தில்கொண்டு முன்னெச்சரிக்கையாக
மதுரை அருள்மிகு மீனாட்சி சுந்தரேசுவரர் திருக்கோவிலில்
கிருமி நாசினி தெளிக்கும் ஊழியர்.

தினமணி

**ayyasamy ram** · **ayyasamy ram** Wed 18 Mar 2020 - 4:59

கொரோனா வைரஸ் - இன்றைய செய்திகள் AP17-03-2020_000014B

அமெரிக்காவில் லாஸ் ஏஞ்சலீஸ் நகரில் மூடப்பட்டுக் கிடக்கும்
கடையின் முன்னே நடந்துசெல்லும் பயணி ஒருவர்.

நகரத்திலுள்ள அனைத்து வணிக நிறுவனங்களையும் மூடிவிடுமாறு
மாநகர நிர்வாகம் அறிவித்துள்ளது.

தினமணி

**ayyasamy ram** · **ayyasamy ram** Wed 18 Mar 2020 - 4:59

கொரோனா வைரஸ் - இன்றைய செய்திகள் AP17-03-2020_000009B

நியு யார்க்கிலுள்ள உலக வர்த்தக மையக் கட்டடத்தில்
ஆளின்றி வெறிச்சோடிக் கிடக்கும் நடைபாதை.

தினமணி

**ayyasamy ram** · **ayyasamy ram** Wed 18 Mar 2020 - 6:37

கொரோனா வைரஸ் - இன்றைய செய்திகள் 90209962_3255772494481518_883681768736030720_o.jpg?_nc_cat=111&_nc_sid=8024bb&_nc_ohc=WRj3v6pyzMwAX-qj_cO&_nc_ht=scontent.fmaa2-2

-
எங்க ஏரியா உள்ள வராதே..!

Art By : Hasif Khan

Sponsored content · Sponsored content

கொரோனா வைரஸ் - இன்றைய செய்திகள்

கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

Re: கொரோனா வைரஸ் - இன்றைய செய்திகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக